Quintana augura que o BNG aumentará en votos , nos comicios xerais,os cidadáns galegos queren " que Galiza conte na política do Estado "

O vicepresidente di que os políticos como Feijóo lle fan “desconfiar”, xa que dixo que as transferencias conseguidas recentemente son de “segunda categoría” e asegura que exercerá o seu liderado "para manter a maioría que sustenta ao Goberno"

O vicepresidente da Xunta de Galiza e líder do Bloque Nacionalista Galega, Anxo Quintana, afirmou hoxe, nunha entrevista concedida á Cadena Ser, que está seguro de que o BNG “vai aumentar considerabelmente” o número de votos obtidos nas próximas eleccións xerais, previstas para o 9 de marzo. “Estou seguro”, sentenciou Quintana, quen engadiu que ese maior apoio vaise deber a que “a cidadanía quere que Galiza conte” e a que “hai galegos que se decatan, que ven a necesidade de que Galiza conte no Estado”.Así mesmo, o vicepresidente tamén dixo desexar para a próxima lexislatura “que non haxa maiorías”, porque considera que non son voas e avogou polo “pluralismo”. Quintana tamén dixo que o BNG ten como obxectivo aumentar o número de representantes no Congreso e no Senado “para que Galiza decida” e para frear a “involución democrática” e a centralización que defenden políticos como Mariano Rajoy.Anxo Quintana tamén falou na Cadena Ser sobre a transferencia de competencias lograda recentemente na súa reunión co presidente Rodríguez Zapatero en Madrid. O vicepresidente dixo que isto fai que “Galiza recobre certo pulso de autoestima” e lembrou que “antes os galegos tiñamos envexa de que fosen os cataláns e os vascos os que tiñan poder en Madrid” cando “agora Galiza decide”.Feijóo faille “desconfiar”O vicepresidente tamén criticou ao líder conservador Alberto Núñez Feijóo por dicir que as transferencias conseguidas son de “segunda categoría”. Quintana dixo que estas declaracións de Feijóo “fanme desconfiar”.Na entrevista, Anxo Quintana definiu o bipartito galego como “sólida unión”e lembrou que só “perdimos unha votación en dous anos”. Así mesmo, antes a pregunta de había algún perigo de estabilidade, Quintana dixo que “a unidade non está en perigo” e que desexa consolidar esa maioría pero que “hai que aplicarse”.O vicepresidente da Xunta tamén asegura que “exercerá o seu liderado para manter a maioría parlamentaria que sustenta ao Goberno galego”. Despois de que o presidente, Emilio Pérez Touriño, abandonase o pleno o pasado xoves para non votar o ditame da Comisión de investigación da Cidade da Cultura, Quintana advirte ao seu socio de que "a fortaleza do bipartito está na unión".

Pleno Extraordinario

Onte día 27 de decembro, a corporación municipal do Concello de Neda, celebrou Pleno Extraordinario, co fin de aprobar a Moción relativa ao apoio da Torre de Hércules como Patrimonio da Humanidade, o Pleno por unanimidade aprobou esta mocion, os membros do BNG quixeron por de manifesto e expresar a súa mágoa de que non estivera dentro da solicitude no seu momento o conxunto das fortalezas e o entramado que forma coa cidade de Ferrol ( o Ferrol da Ilustración ) como candidata tamén a ese recoñecemento.

Felices Festas

Con esta panxoliña de Fuxan os Ventos, "con un sombreiro de palla ", o Bloque Nacionalista Galego de Neda, quere desexarvos felices festas.

Novo BNG ao día

Xa está ao voso dispor o novo BNG ao día.

O BNG acusa ao PP de bloquear o funcionamento interno da CRTVG

Ao provocar por falta de quórum a non celebración do Consello de Administración para votar a oferta pública de emprego, o PP utiliza técnicas propias dunha forza extraparlamentaria, con total falta de respecto a unha institución pública

. A secretaria de Comunicación da Executiva Nacional do BNG, María Xosé Bravo, acusa o Partido Popular de bloquear o funcionamento interno da CRTVG ao ordenar hoxe aos seus representantes no ente público que boicotasen coa súa incomparecencia a celebración do Consello de Administración da compañía que se ía celebrar esta mañá.
A non asistencia dos conselleiros e conselleiras do PP fixo que o Consello non se puidese celebrar por falta de quórum e que non se puidese abordar a aprobación da Oferta Público de Emprego elaborada pola compañía para pór fin á precariedade laboral que historicamente vén arrastrando a empresa.“Estamos ante unha inxerencia política intolerábel da dirección do Partido Popular no funcionamento interno da compañía”, avalía María Xosé Bravo. “O asunto é especialmente grave porque a maioría dos representantes do PP no Consello de Administración da CRTVG eran favorábeis a que se abordase hoxe a aprobación da Oferta Pública de Emprego, logo de teren participado, cos representantes de BNG e PSOE, nunha xunta co comité intercentros. O que aconteceu hoxe é que foron chamados a capítulo e se viron obrigados a someterse á disciplina partidaria. A decisión de boicotar a reunión do Consello de Administración tomouse nunha xunta na que tomaron parte membros da dirección galega do PP”, denuncia Bravo.O BNG acusa o PP de “apostar por unha política laboral antisocial e profundamente lesiva para os intereses dos traballadores e das traballadoras”. “Nun medio de comunicación público a precariedade tórnase particularmente inaceptábel porque estamos a falar en moitas ocasións de traballadores e traballadoras que administran un dereito constitucional fundamental, o dereito de todos a sermos informados con veracidade. O bloqueo interposto polo PP a unha Oferta Pública de Emprego que pretende dar estabilidade aos traballadores e traballadoras da compañía atenta non só contra os dereitos laborais, senón contra os dereitos de toda a sociedade a recibir unha información libre e plural”, alega Bravo.Para a membro da Executiva Nacional do BNG, polo demais, a decisión do PP de non comparecer no Pleno do Consello de Administración “non é de recibo nunha organización madura e responsábel”. “O PP está tan desnortado que utiliza xa técnicas propias dunha forza política extraparlamentaria, con total falta de respecto polas institucións públicas e, en último termo, pola sociedade no seu conxunto”.

Adxudicadas as obras de saneamento de O Puntal

O Diario Oficial de Galicia do xoves 13 de decembro, publica a adxudicación das obras dos ramais da rede de augas residuais entre O Puntal e a Estación do tren, o orzamento base de licitación era de 98.601,68 € ( as súas bases foran publicadas no D.O.G. do 12 de xuño ) e o orzamento de adxudicación ascende a 73.359 €. O proxecto da rede de augas residuais fora debatido no Pleno da corporación municipal o 2 de maio de 2.007.Esta obra solicitada en imnumerables ocasións polo Bloque Nacionallista Galego e polos veciños da zona, foi posible por un acordo entre o Concello de Neda e Augas de Galicia.

O BNG pide que os proxectos urbanisticos veñan acompañados do informe técnico e xurídico

O representante do Bloque Nacionalista Galego, na comisión informativa de urbanismo, celebrada o pasado 11 de decembro solicitoulle á presidenta da comisión, que tal e como establece a LOUGA , no seu artigo 195.2 ( os proxectos urbanísticos, deberán de contar co informe técnico e xurídico preceptivo), e tendo en conta isto o representante do BNG na comisión solicitou que tódolos proxectos que pasen á comisión deberán ter eses informes.

TELEBNG

Está a dispor de todos e todas a TELEBNG

Obras na Polideportiva do Roxal

Nove empresas poxan pola adxudicación das obras de cubrición da Polideportiva do Roxal.
O vindeiro martes día 18, reuniráse na Casa do Concello a Comisión que avaliará ás distintas ofertas das empresas que se presentan para a adxudicación das obras de mellora e cubrición da pista do Roxal.
Esta obra financiada pola Deputación Provincial, ten un orzamento base de licitacion de 323.341,00 € ( IVE engadido ).

Publicación Ordenanza Municipal de Circulación

No Boletin Oficial da Provincia, publícase a aprobación inicial da Ordenanza Municipal de Circulación do Concello de Neda.

Aquelas presoas ou colectivos interesados en facer suxestións ou reclamacións, poderán facelo durante o prazo de 30 días

A Consellería de Industria recibirá 99 millóns de € para completar as infraestructuras de Telecomunicacións

A Consellaría de Innovación e Industria disporá dunha nova cantidade orzamentaria por parte do Goberno central para completar a extensión das infraestruturas de telecomunicacións en Galiza. Case 99 millóns de euros destinaranse á universalización do servizo de banda longa e para a extensión da cobertura da televisión dixital terrestre (TDT) na comunidade galega. A cantidade inicialmente prevista para Galiza ascendía a case 77 millóns de euros, pero a Consellería de Innovación e Industria, representada pola directora xeral de Promoción Industrial, Helena Veiguela, esta tarde en Madrid, logrou ampliala ata os 99 millóns. Na conferencia estableceuse o reparto definitivo por comunidades autónomas dos novos compromisos do Estado en infraestruturas de telecomunicacións de cara ao 2008, e Galiza recibirá o maior crédito dos concedidos ás comunidades, conseguindo o 17,9 por cento do total outorgado. Esta cantidade permitirá completar a extensión da banda longa en zonas onde ata o momento a dotación de redes era insuficiente ou non permitía un acceso de calidade a Internet. Ademais, unha parte do crédito irá destinado a completar a cobertura e difusión do sinal de TDT.

O recoñecemento dun "Estado Plurinacional" será a petición de Galiza, Euskadi e Catalunya

Os departamentos autonómicos de Cultura de Galiza, Catalunya e Euskadi intensificarán a colaboración destas comunidades históricas na materia que no noso país preside a nacionalista Ánxela Bugallo e pedirán ao Goberno central que se recoñeza a "pluriculturalidade" do Estado Español.O vindeiro luns visitarán Santiago os conselleiros culturais Joan Manuel Tresserras e Miren Azkarate, catalán e vasca respectivamente, para reunirse coa conselleira de cultura galega Ánxela Bugallo. Encontro nun marco de colaboración que servirá para que os tres conselleiros nacionalistas fagan pública unha declaración institucional dirixida ao Ministerio de Cultura que servirá para "facer unha petición e unha chamada" respecto da "diversidade cultural" que existe no Estado.Está previsto que o acto no que se apelará ao recoñecemento das diferenzas culturais e lingüísticas sexa previo ao comezo da reunión da Conferencia Sectorial de Cultura, que se celebrará tamén o vindeiro luns en Santiago de Compostela, coa asistencia do ministro do ramo, César Antonio Molina. O Ministerio de Cultura convoca este encontro, que terá lugar no Hostal dos Reis Católicos, e no que estarán as representacións ao máximo nivel de todas as comunidades autónomas.Os conselleiros Tresserras, Azkarate, e Bugallo, protagonizarán tamén o luns no Centro Galego de Arte Contemporánea (CGAC), na capital galega, a firma un acordo de colaboración en materia cultural, froito dun proceso dun ano de traballo.

'Máis Galiza: o que quere a maioría'

A histórica cabeceira A Nosa Terra cumpre cen anos, e con esta celebración comeza unha nova etapa na que o semanario galeguista sufriu unha importante modernización e contará tamén cun diario dixital. Reproducimos, polo seu interese, o artigo do portavoz nacional do BNG no suplemento especial publicado por este xornal:O BNG é a expresión política dun pobo en marcha. Un pobo que se manifesta de maneiras moi distintas e que, contra o que din os tópicos mesetarios, si sabe cara a onde quere ir. Ese pobo maniféstase através dunha sociedade cada día máis vertebrada, co espírito de Nunca Máis como motor cívico; maniféstase no mundo do traballo e da empresa –na cidade, pero tamén no campo-, cun vigor que nos está facendo medrar por enriba da economía española-; maniféstase cun goberno que, cunha presenza determinante do nacionalismo, acomete con decisión as mudanzas estruturais, de raíz, que o país demandaba; maniféstase através de iniciativas mediáticas ousadas como a que a cabeceira histórica do nacionalismo, A Nosa Terra, vén de pór en marcha. Ousadas e autocentradas. Iniciativas que revelan que o país novo polo que apostou o Bloque Nacionalista Galego na campaña das galegas 05 está cada día máis perto de se materializar.
O BNG existe unica e exclusivamente para servir á sociedade galega. Esta é, ademais, a mellor forma de achegar o noso contributo á unha marcha máis racional da Humanidade. Aquí, na nosa casa, o mundo chámase Galiza, célula de universalidade tal e como a concebía o Partido Galeguista de Castelao e Bóveda. Non é posíbel ser internacionalista sen antes amar a propia nación. Non é posíbel defender un mundo máis xusto, máis equilibrado, se un non defende primeiro a igualdade de todas as patrias, a comezar pola nosa. Ser nacionalista é abrazar todas as causas positivas que o xénero humano enfrenta no comezo deste século e facelo non desde o vacuo cosmopolitismo abstracto, senón ao servizo dunha terra e dunhas persoas concretas. Ao servizo de Galiza e dos galegos e galegas.Galiza si sabe cara a onde quere ir. Felizmente, non construímos sobre o nada. Temos un potencial cívico enorme que traballa a favor da construción da nación. Teño dito estes días atrás que a sociedade galega se autodeterminou cando defendeu o país da incompetencia dun Estado que demitiu das súas responsabilidades durante a crise do Prestige. Autodeterminarse é tomar conciencia do que un é e do seu lugar no mundo. E cando un se autodetermina, xa nada volve a ser o mesmo. Un país que comeza a emanciparse é un país que non ten maís límites que o da libre vontade dos seus cidadáns e das súas cidadás. Ese país vólvese felizmente exixente cos poderes públicos e ese país é o que nos está a pedir a nós, os nacionalistas galegos, que sexamos cada vez máis ambiciosos no proceso de transformación co que estamos firmemente comprometidos. A ambición nacional é o que caracteriza ao BNG desde a súa fundación e non podemos menos que orgullarnos ante o feito de que esa ambición nacional sexa hoxe tamén compartillada pola grande maioría da sociedade galega.A grande maioría social do noso país o que quere nesta altura é un maior protagonismo de Galiza no conxunto do Estado. O que a maioría quere é que, á hora de garantir a gobernabilidade do Estado, Galiza sexa decisiva, como o teñen sido Catalunya e Euskadi durante os 30 anos de democracia. Das tres nacións sen Estado –Galiza, Catalunya e Euskadi- a nosa é a única que até o de agora non ten sido un factor determinante da gobernabilidade. E iso tennos pasado non poucas facturas. A xente sábeo e a xente quere mudar ese estado de cousas. O BNG sintoniza con esas arelas colectivas e convértese así no referente político natural da grande maioría social galega. Os galegos e as galegas, mesmo os que non votan BNG, saben que canto máis presenza teña o nacionalismo galego nas Cortes Xerais do Estado, maior será o peso de Galiza. Sábeno por experiencia acumulada durante 12 anos en que o BNG conseguiu que Galiza existise en Madrid. Saben como o BNG logrou modificar a orientación dos orzamentos do Estado a respecto do país. E saben, por tanto, que a única vía para reforzar a Galiza no Estado é a vía galega que representa o BNG. Calquer outra vía é unha vía dependente de centros de decisión que non están no noso país. Calquer outra vía é unha vía cegada para Galiza. Os únicos que non temos que pedir permiso para existirmos politicamente como galegos e galegas somos os nacionalistas e as nacionalistas.Proxecto transformadorO nacionalismo representa un proxecto transformador para Galiza e para o Estado. No plano da política nacional galega, e desde a súa participación no Goberno, o BNG remove os corsés que mantiñan apreixada a creatividade da nosa sociedade. No plano da política estatal, o nacionalismo é o único proxecto reformista e democratizador realmente viábel (e emprego a palabra reformista no mellor sentido do termo: no de mudar para avanzar). Os partidos estatais, quer na súa variante conservadora quer na socialdemócrata, teñen mostrado con clareza cales son os seus límites e como continúan atavicamente atados á concepción arcaica dun Estado uninacional e centralista. É certo que uns e outros non son o mesmo –hai máis respeito polo pluralismo nunha bancada do que noutra-, mais en esencia partillan idéntico deseño: as nacións non poden existir politicamente e, como máximo, se toleran como realidades socioculturais distintas, non como fontes de poder político.Bipartidismo estérilO nacionalismo é a única alternativa a este bipartidismo estéril que non é quen de resolver a cuestión nacional no Estado. O nacionalismo é tamén a mellor opción para que o pobo galego sexa por vez primeira protagonista da política estatal. Non pequeno mérito do BNG é ter sabido historicamente albiscar os desexos máis profundos da sociedade galega. Iso –e non o apoio de nengún poder oligárquico- ten colocado o BNG na posición de influencia e poder institucional que hoxe detenta. Iso é o que vai levar ao BNG a medrar nas próximas eleccións, para beneficio da inmensa maioría e para preocupación unica e exclusivamente daqueles que non deron nen chío durante os anos da dependencia e a vasalaxe.Eses anos non volverán porque o país novo está en marcha e só olla cara adiante. Cara a máis futuro, cara a máis Galiza.

O Pleno aproba as obras do P.O.S.

Na sesión extraordinaria de Pleno, celebrada o pasado luns 26 de novembro, aprobarónse as obras que serán cofinanciadas entre o Concello de Neda e a Deputación provincial.
A pesar de non ser estas as obras que dende o BNG propuxemos para o Plan de Obras e Servizos da Deputación, os membros do Bloque Nacionalista Galego, apoiamos co noso voto as obras propostas polos socios do grupo de goberno.
Dende o BNG, considerabamos que a rede de sumidoiros era prioriataria ao de pistas.
OBRAS:
Pista Viladonelle parte alta - 42362 euros
Pista Cobeluda límite Concello - 76.000 euros
Pista dende o Regueiro ( donde para o autobus) 30.985 euros
AC-862 Ata Centro de Saúde e Pista Vilasuso - 55795 euros

Quintana: 'O gran reto de Galiza na nova lexislatura que comeza en marzo é aumentar substancialmente o noso peso decisorio na política de Estado'

Marca tres ámbitos determinantes para o novo peso político de Galiza no Estado: avanzar no autogoberno de Galiza, comprometer investimentos para corrixir os déficits en infraestruturas e servizos sociais e crear un novo marco institucional para o recoñecemento da natureza plurinacional do Estado español
O vicepresidente da Xunta, Anxo Quintana, suliñou hoxe que o gran reto de Galiza na nova lexislatura que comeza en marzo será o de “aumentar substancialmente o noso peso decisorio na política de Estado”. Segundo expuxo, o gran desafío de Galiza no novo ciclo político que se abrirá en marzo ha ser dispoñer dunha maior capacidade decisoria no Estado, “Galiza precisa ter unha voz politicamente cualificada que poña os intereses galegos no primeiro plano da súa actuación e así poida condicionar positivamente e influír de xeito determinante nas decisións estratéxicas do Goberno do Estado”. O vicepresidente da Xunta pronunciou esta tarde en Ferrol a conferencia “Galiza no Estado: Retos dunha nova lexislatura”, dentro do Foro do Diario de Ferrol.
Quintana explicou que o gran reto é ampliar a presenza política do nacionalismo galego nas Cortes do Estado. Asegurou que nas eleccións de marzo o gran desafío ao que se deben enfrontar os galegos e galegas é o de que Galiza estea representada de xeito politicamente solvente no espazo de decisión no que se vai determinar a gobernabilidade futura do Estado. O vicepresidente sinalou que as eleccións de marzo han de abrir unha nova etapa na historia de Galiza e do Estado, “un novo tempo político que enterre as políticas de dependencia e lle dea protagonismo a Galiza no Estado”. Gobernabilidade do Estado O vicepresidente lembrou que, dende o inicio da Transición, Galiza tivo na dinámica política de Estado que resignarse a ter un papel subalterno, secundario e de baixa influencia política. A representación maioritaria dos electores galegos por parte do PSOE e do PP contribuíu ademais, segundo Quintana, a privar a Galiza dunha voz singular para a expresión dos intereses do país. “Unha situación que aínda se veu agravada polo feito de estar o Goberno galego hexemonizado polo Partido Popular”, indicou Quintana, quen lembrou que o que caracterizou os diferentes gobernos Fraga foi a súa “renuncia a exercer as capacidades do noso autogoberno nacional perante o Goberno de Madrid”. Engadiu que o Goberno galego en mans do Partido Popular renunciou en todo momento a xogar un papel reivindicativo, influente e condicionante das decisións do Executivo central. Anxo Quintana afirmou que desta maneira, con esta situación, se esvaeceu un tempo político fundamental no que Euskadi e Cataluña, non só conseguiron acrecentar as capacidades políticas e financeiras dos seus autogobernos, senón que tamén influíron de maneira determinante nas decisión estatais, na definición das grandes políticas estatais. Ante esta situación de pasividade e falta de iniciativa perante Madrid, o vicepresidente manifestou que todo cambiou coa chegada do nacionalismo galego ao Parlamento do Estado e ao Goberno da Xunta. A presenza do BNG no Congreso e no Senado significou que “Galiza non só teña voz propia para se expresar politicamente, senón que tamén obteña beneficios políticos grazas ás actuacións parlamentarias do nacionalismo galego”. Un exemplo disto son os orzamentos do Estado para 2008 que van destinar a Galiza un 8% dos seus investimentos. Ademais deste papel activo nas Cortes en Madrid, a situación tamén mudou en Galiza, coa presenza do nacionalismo galego na Xunta, polo que “Galiza conta por primeira vez na súa historia cun goberno de seu, cunha acción de goberno comprometida inequivocamente co noso país”. Quintana asegurou que co nacionalismo no Goberno, Galiza deixou de ser un país á espera de mandatos e directrices de Madrid, “agora tomamos a iniciativa cunha oferta de diálogo e cooperación intelixente, coa que procuramos máis autogoberno e máis recoñecemento da existencia dunha débeda histórica con Galiza en materia de infraestruturas e en materia social”.“Estamos certos de que a solución da gobernabilidade do Estado será plural”, sinalou o vicepresidente, engadindo que está confiado en que o nacionalismo galego pode facer unha achega decisiva para a construción dunha maioría parlamentaria plural sobre a que se asente o novo Goberno no Estado. “Un goberno que asuma a súa lexitimidade non repousa só nunha ampla maioría parlamentaria, senón tamén na súa capacidade para concertar as súas estratexias cos autogobernos nacionais de Galiza, Cataluña e Euskadi”. Tres ámbitos determinantesPara acadar o novo peso político que Galiza debe ter no Estado, o vicepresidente marcou tres ámbitos que van ser determinantes: avanzar substancialmente na transferencia de competencias recollidas no actual Estatuto, comprometer investimentos do Estado para corrixir os déficits de infraestruturas e de servizos sociais que Galiza padece, e en terceiro lugar, crear un novo marco institucional para o recoñecemento da natureza plurinacional do Estado español.No primeiro ámbito, para ampliar o autogoberno de Galiza, Anxo Quintana explicou que a próxima lexislatura estatal 2008-2012 ten dúas fases claramente diferenciadas: a primeira chega ata finais de 2009 e a segunda ábrese a partir do outono de 2009, tras as eleccións autonómicas galegas. Quintana expuxo que, ata 2009, os esforzos teñen que pasar por impulsar o desenvolvemento pleno das competencias que contempla o actual Estatuto de Galiza. “O noso primeiro obxectivo é facer efectivo este proceso de competencias, trátase de ampliar as capacidades do actual autogoberno galego dándolle pleno desenvolvemento ás competencias contempladas no Estatuto de Autonomía de 1981”, manifestou Quintana.A finais de 2009, tal e como explicou o vicepresidente, “ábrese unha segunda fase política para ampliar o noso autogoberno e na que o obxectivo é dotarnos dun Estatuto de nación como marco político para acceder a novas capacidades e recursos para o goberno de Galiza”. Dixo estar seguro de que as eleccións autonómicas de 2009 han permitir unha nova maioría parlamentaria galega que faga realidade a elaboración dun novo Estatuto, un Estatuto de nación.O segundo ámbito determinante para que Galiza teña máis peso político, tal e como explicou Quintana, está en avanzar de xeito significativo na superación dos déficits de infraestruturas e servizos sociais que padece Galiza. Hai ademais un terceiro plano no que se ten que facer valer o peso político que lle corresponde a Galiza, “é facer efectivo o recoñecemento do carácter plurinacional do Estado”. O vicepresidente afirmou que os nacionalistas galegos teñen un modelo diferente de Estado, un modelo baseado na participación entre iguais e na corresponsabilidade, “un modelo que permita activar, en Galiza, Cataluña e Euskadi, as capacidades propias, e ao mesmo tempo, contribuír ao desenvolvemento compartido do Estado en termos de solidariedade, igualdade e benestar”.Quintana márcase como un dos grande retos da próxima lexislatura, e como unha das pezas centrais da nova gobernabilidade do Estado, crear un novo marco institucional máis acorde coa realidade plural do Estado. “Un novo espazo institucional de libre decisión, unha canle para o diálogo e a cooperación entre iguais, que permita a construción do goberno compartido do Estado”, concluíu o vicepresidente.

Actuamos no Congreso como miles de galegos e galegas esperan que o fagamos, con pragmatismo e intelixencia,en beneficio do País

Quintana : 'Antes do 15 de Xaneiro, o Estado entregará 51 millóns de euros a Galiza para liquidar a débeda histórica en materia social''

O portavoz nacional do BNG e vicepresidente da Xunta, Anxo Quintana, asegurou que o sucedido onte en Madrid no Congreso dos Deputados demostra que “os galegos e galegas decidimos en Madrid e iso é bo para Galiza”. Quintana amosou a súa satisfacción polo cambio de actitude e polo cambio de postura do Goberno do Estado no que se refire a Galiza, “había algunhas situacións que non eran boas para Galiza e que ían en detrimento da credibilidade do Goberno do Estado para cos seus compromisos con este país. E polo tanto, é para min unha satisfacción que haxa un cambio de actitude e que podamos comezar agora unha nova etapa”.
O vicepresidente sinalou que onte en Madrid o Bloque Nacionalista Galego actuou “como ten que actuar unha forza política ao servizo do país, con pragmatismo, con intelixencia e colocando a Galiza por diante de calquera outro interese, sexa partidario ou de calquera outro signo”. Quintana asegurou que se ten feito un bo acordo e sobre todo un bo acordo para Galiza, “témolo feito con pragmatismo, con intelixencia e pensando no país”. Explicou que onte, no Congreso dos Deputados, o que había que decidir en Madrid era ben claro, “ou ben reprobar a unha ministra cunha consecuencia práctica nula, como todos sabemos, reprobar a unha ministra fundamentalmente polo sucedido en Cataluña e polo tanto en base á dialéctica política establecida en Cataluña. Ou ben a segunda cousa que se podía facer era tentar, a través dun acordo, colocar a Galiza no debate político e que Galiza puidera ter un resultado positivo desta situación. E esta segunda opción é a que nós escollemos e que ten resultados importantes para Galiza”. Anxo Quintana sinalou que o ocorrido onte no Congreso confirma que “pasamos dunha época na que Cataluña ou Euskadi podían determinar a acción do Goberno, e mesmo quitar e pór ministros, a unha situación agora na que Galiza é a que decide este tipo de cousas”. Sinalou que, ao seu entender, hoxe hai milleiros de galegos e galegas que, sobre todo e ante todo, o que queren é que Galiza teña unha forza política propia que actúe así, con pragmatismo, con intelixencia e colocando a Galiza por enriba de calquera outra cousa. “Estou plenamente convencido de que onte o BNG actuou como esperan milleiros de cidadáns de Galiza que actúe o BNG”, concluíu Quintana. AcordosO vicepresidente da Xunta explicou que onte tivo a oportunidade de falar co presidente Zapatero e con outros altos responsables da Administración do Estado para chegar a un acordo “que penso que é positivo para Galiza”. En primeiro lugar, e en virtude do acordado onte, “vamos ter a posibilidade de que o pagamento da débeda histórica con Galiza en materia social -que como sabedes estaba acordada dende fai tempo- se poida efectivizar con carácter inmediato e temos un preacordo xa para que antes do 15 de xaneiro se poida proceder á sinatura da segunda parte de pago desa débeda histórica en materia social que o Estado ten con nós”. Quintana lembrou que fai uns meses se concretou a primeira parte desa débeda, de nove millóns de euros, e agora faltan por efectivizar 51 millóns “e temos xa ese preacordo de que antes do 15 de xaneiro poderemos proceder a liquidar esta situación, cuestión moi importante para Galiza”. En virtude do acordado onte, Galiza tamén vai ter con carácter excepcional a posibilidade de pór en marcha un sistema pioneiro en toda España e en toda Europa, como é o servizo público de transporte adaptado. Segundo o acordado onte, “vamos ter con carácter excepcional a concesión dun número telefónico, o 065, que vai servir para darlle estabilidade a ese servizo e isto é algo que se fai por primeira vez no Estado”. O vicepresidente indicou que a concesión dese tipo de números sempre se fai con carácter estatal e nunca con carácter exclusivo para unha comunidade autónoma, algo que agora se lle concede a Galiza. Segundo o acordado onte, Quintana explicou que se vai desbloquear o proceso de transferencias. Recordou que o presidente Zapatero tiña adquirido un compromiso no Senado polo que, despois do bloqueo do proceso de transferencias, se comprometía persoalmente a tratar este tema e buscar unha solución. “Dende aquel compromiso no Senado, nunca máis souberamos dunha actitude e dunha posición do presidente para cumprir aquel compromiso. Pero agora, en virtude do acordado onte, ese compromiso por parte do presidente vaise cumprir e nese sentido está acordado que teñamos unha entrevista antes do 15 de decembro para proceder ao desbloqueo do proceso de transferencias”. Ao mesmo tempo, Quintana explicou que se vai constituír a Comisión Bilateral de Cooperación, que se dará un prazo de tres meses dende hoxe, polo tanto antes de que remate a lexislatura, para desbloquear o proceso de transferencias. Engadiu que “o documento referencial será o que no seu día lle presentamos ao ministro Jordi Sevilla e dende logo, se algunha desas competencias non fose posible nese prazo, o Estado terá que pór enriba da mesa outras que as compensen”. Polo tanto, Anxo Quintana concluíu que onte en Madrid “abrimos un camiño para o desbloqueo dun proceso moi importante para Galiza e para a mellora do autogoberno de Galiza”. En virtude do acordado onte, o Partido Socialista manifestou o seu apoio e compromete o seu apoio para a aprobación da proposición de lei no Parlamento galego como primeiro paso para o traspaso da competencia do tráfico, “unha competencia tan importante para Galiza”. Relacionado con este acordo, Quintana anunciou que ten convocado para o vindeiro luns no Parlamento aos portavoces dos tres grupos parlamentarios para definir xa ese proxecto de lei que reclame a transferencia de tráfico a Galiza pola vía da lei orgánica. “Como sabedes, fai un mes reuninme con eles, e téñense celebrado diferentes reunións, pero o protagonismo debe pertencer ao Parlamento galego e por iso a miña misión é convocar aos tres grupos e conseguirmos así que esa proposición de lei se efectivice xa con carácter definitivo e se rexistre no Parlamento para o seu tratamento”.

Praza de Animador Sociocultural

O B.O.P. ( Boletín Oficial da Provincia, publica no seu nº 276, de 29 de novembro, as bases que rexerán, no proceso selectivo para a contratación dun animador sociocultural, o prazo de presentación de solicitudes son 5 dáis hábiles, contados a partir do seguinte á súa publicación.

Contratacion dun Auxiliar Administrativo

O Concello de Neda, aproba as bases que rexerán para a contratación dunha persoa, a tempo parcial, mediante contrato laboral de duración deteminada, para cubrir unha praza de Auxilliar Administrativo dos Servizos Socias
As solicitudes poderán presentarse no rexistro xeral do concello ate as 14 horas do luns 26 de novembro.
Os aspirantes presentaránse o martes, ás 12 horas na Casa do Concello.
Ao Bloque Nacionalista Galego chamanos a atención a convocatoria desta praza, xa que non pasou por ningún órgano de participación da oposición,temos coñecemento da mesma pola prensa, xa que foi aprobada na Xunta de goberno do día 16 de novembro ( o BNG recibe ás Acta de Xunta de Goberno de mes en mes- acabamos de recibir o mes de outubro. ) ademais acaba de aprobarse a privatización do servizo.

Reclamacions aos Orzamentos

O Boletin Oficial da Provincia, publica hoxe 21 de novembro, a aprobación provisional dos orzmanentos do concello para o ano 2008, aqueles veciños e veciñas, que desexen facer reclamacións aos mesmos teñen de prazo, 15 días hábiles, contados estes dende o seguinte ao de publicación.

Os Orzamentos do 2008 do Concello de Neda

O Bloque Nacionalista Galego , manifestou a súa disconformidade cos orzamentos do concello para o ano 2008 por

1. Non recoller investimentos para cubrir as necesidades de abastecemento de auga ás parroquias do rural nin rede de saneamento.
2. Deixar de aportar diñeiro para crear unha gardería municipal, e poder conveniar coa Vicepresidencia da Xunta de Galiza a súa construción a través do Consorcio Galego de Servizos, responsabilidade do BNG para dotar aos concellos de centros de día, galescolas, garderías...
3. Non previr aportacións económicas para poder conveniar a construción de vivendas sociais coa Consellaría de Vivenda e Solo, que dirixe o BNG na Xunta de Galiza.
4. Non destinar partida económica para a conservación e protección do noso patrimonio histórico-artístico existente nos castros do concello.-.

Sesión de Pleno no Concello de Neda

O Xoves 15 de novembro, ténse convocado no concello de Neda, unha sesión Plenaria, co seguinte
orde do día:
2.- Ratificación da proposta de días festivos locais 2008
3.- Ratificación da solicitude de subvención PXOM
4.- Ordenanza sobre contaminación acústica.
5.- Modificación de créditos
6.- Resolución de alegacións ás ordenanzas fiscais e aprobación definitva se procede
7.- Orzamento 2008
8.- Ordenanza municipal de Circulación
9.- Informes e propostas da Alcaldía
10.- Rogos e preguntas

Reunion Urxente de Portavoces

Este luns día 12 e con carácter de urxencia, reuniránse no Concello de Neda, os portavoces dos grupos políticos con representación no concello, co fin de tentar dar solución a un problema xurdido como consecuencia das obras que se están a levar a cabo na Mourela do Medio, dado que a execición do proxecto inicial, crea unha serie de problemas nas vivendas de algunhos veciños da zona.

'Tráfico: responsabilidade e electoralismo', carta aberta de Anxo Quintana a Rubalcaba

Polo seu interese, reproducimos a carta aberta ao ministro de interior que o portavoz nacional do BNG e vicepresidente da Xunta publicou en varios xornais galegos: “Estimado Alfredo: Estou contento de poder recuperar, aínda que só sexa por medio desta carta, o agarimoso intercambio de ideas que, noutrora, animou as nosas conversas e negociacións parlamentarias. Contraste de posicións políticas que unhas veces se saldaron con proveitosos acordos e outras, como no debate de orzamentos de 2005, cun irremediable desencontro que motivou o seu veto polo BNG no Senado. Coincidencias e desacordos produto dun diálogo leal baseado nunha entrañable franqueza e na firmeza das nosas conviccións.
Sempre pensei que agora, sendo ti Ministro de Interior e eu Vicepresidente da Xunta de Galicia con competencias, entre outras, en Relacións Institucionais, nas túas visitas a Galiza teriamos unha oportunidade para retormar o noso animado diálogo. Pero xa ves, as estreiteces do protocolo e as rixideces da túa axenda impedíronnos, na túa última e fuxidiza viaxe, conversar sobre as competencias que Galiza agarda en materia de tráfico e seguridade vial. Unha mágoa á que quero por remedio con esta carta.Malia a brillantez á que nos tes afeitos, as túas últimas declaracións desvían a atención respecto das auténticas motivacións da nosa demanda das competencias de seguridade vial para Galiza. A súa descualificación como produto dunha 'efervescencia propositiva' de natureza electoralista desconsidera o labor realizado pola Xunta de Galicia desde 2005 para ampliar, mediante unha cooperación intelixente co Goberno do Estado, as capacidades competenciais do noso autogoberno. Mesmo representan unha infeliz amonestación do Presidente da Xunta que ten reiterado o seu compromiso para avanzar decididamente no traspaso de novas competenciais antes de que conclúa a presente lexislatura.Non é o aproveitamento electoralista o que guía a actuación do noso goberno, é o noso desexo reforzar as capacidades executivas coas que Galiza debe poder contar para dar unha resposta eficaz a vellos problemas nosos como a sinistralidade das nosas estradas ou a organización do salvamento nos nosos mares. Obedece a unha firme vontade que nos animou a finais de 2006 a elaborar un documento de traballo que identificaba setenta competencias subsceptíbeis de ser transferidas a Galiza. Un proxecto de avance do autogoberno que concretaba o Acordo de Goberno subscrito polo BNG e o PSdeG en 2005.A negativa do Partido Popular a aprobar un Novo Estatuto sinalou a negociación bilateral Galiza-Estado como a única vía practicable para agrandar, neste momento, o noso teito competencial e dar cumprimento pleno ao noso actual Estatuto de Autonomía. Por iso, acordamos, en febreiro de 2007, con Jordi Sevilla a apertura do traspaso de sete competencias recoñecidas estatutariamente a Galiza desde 1981. A veciñanza das eleccións municipais, primeiro, e seu relevo ao fronte do Ministerio de Administración Públicas, despois, conxelaron os traspasos en materia de salvamento marítimo; a titularidade dos inmobles da Seguridade Social; a transferencia dos centros de investigación ou dos arquivos, museos e bibliotecas. Un bloqueo que en nada beneficia a Galiza.No último debate sobre o estado da nosa Autonomía, de xeito unánime o BNG, o PP e o teu partido se pronunciaron a favor de reactivar o proceso de transferencias pendentes. Días despois, o consenso das tres forzas parlamentarias galegas plasmouse na posta en marcha dunha Proposición de Lei para solicitar do Parlamento do Estado a transferencia a Galiza, mediante Lei Orgánica, das competencias de tráfico e seguridade vial atendendo o artigo 150.2 da Constitución. Consento entre todas as forzas políticas, acatamento do ordenamento xurídico, vía constitucional para mellorar o autogoberno... Galiza está a seguir o camiño que o presidente Zapatero lle reclamou ao lehendakari Ibarretxe. Aínda así, tristemente desvalorizaches esta iniciativa ao cualificala como efervescencia propositiva e electoralismo.Francamente se nos vemos obrigados a falar de electoralismo, teño que dicir que na negativa do Goberno Central a impulsar o proceso de transferencias pensan moito máis os vosos cálculos electorais que a firmeza dos compromisos adquiridos con Galiza. O precipitado abandono do proxecto da España plural e a entrega entusiasta ao aplauso da España unitaria, á apropiación patrioteira dos símbolos e retrousos da dereita ultramontana ou o enxalzamento centralista do agora omnipresente Goberno de España son concesións a unha lamentable acomodación electoralista e son un erro que confío en que aínda poidades emendar.Certamente, a solución máis intelixente non é tentar gañar eleccións asumindo como propio o trastempado programa do Partido Popular. O camiño non é reeditar un novo centralismo para competir co vello centralismo da dereita. O horizonte ilusionante e transformador é atender o recoñecemento da natureza plurinacional, plurilingüe e pluricultural do Estado. Esa é a solución coa que os nacionalistas galegos estamos democraticamente comprometidos.Estimado Alfredo, a decisión do Goberno Galego para activar o proceso de transferencias que o noso Estatuto recolle é unha proposta institucionalmente responsable que se asenta nunha firme elección: cumprir o mandato que nos deron os cidadáns e cidadás galegas en 2005 para que ampliasemos o noso autogoberno como garantía de benestar e progreso para o noso país. Ese é o compromiso ao que nos debemos. Estou certo de que calquera porta que poidamos abrir ao diálogo será beneficiosa para a liberdade, a democracia e o autogoberno de Galiza. Quedo como sempre á túa disposición.”

Non había ninguén

Os membros do Bloque Nacionalista Galego, personaronse hoxe no concello, co fin de rexistrar e dar entrada ao documento de alegacións ás Ordenanzas Fiscais, e cal non é a súa sorpresa, xa que non había ninguén para poder facer o rexistro deste documento, pero tamén ao longo da mañán, constructores, veciños, etc se personaron tendo que dar volta sin poder solucionar o seu problema, xa que non había ninguén que os poidera atender, nos parece unha falta de profesionalidade e unha desidia dos mandatarios deste concello, por non ter como mínimo o rexistro do concello aberto, co fin de que todos aqueles que acudiran a administración, poideran rexistrar os seus documentos.

O Bloque Nacionalista Galego, vai presentar alegacións as Taxas e Impostos do concello para o ano 2008

O B.N.G. vai presentar alegacións á suba provisional de taxas e impostos aprobados polos socios de goberno ( TG e PP), no Pleno do pasado 21 de setembro de 2.008, cando en principio o BNG, non tiña pensado presentar alegacións, a inquedanza dos veciños/as pola suba , fixo que retomaramos o tema e é polo que decidimos facer presentación de alegacións.Ainda que dende sempre o Bloque Nacionalista Galego defendeu que os servizos deben ter adecuado o seu custe, dende o BNG non compartimos que esta suba se faga de golpe. No caso dos impostos o BNG, vai pedir e se conxele a súa suba.

Aymerich acusa a Pérez Varela de 'actuar' na súa comparecencia e asegura que 'detrás desa impostura hai cousas inconfesábeis'

O ex conselleiro negouse a dar dato algún sobre a súa xestión e sobre a trama política e económica tecida arredor do Gaiás. O portavoz nacionalista no Parlamento, Carlos Aymerich, acusou hoxe ao ex conselleiro de Cultura, Xesús Pérez Varela, de levar a cabo unha “actuación perfecta” na súa comparecencia, mais advertíu de que “non nos fai graza, porque detrás desa impostura hai cousas menos confesábeis”.
Aymerich acusou ao antigo titular de Cultura de ser responsábel das “irregularidades detectadas polo Consello de Contas, alén de ser o artífice dunha rede de intereses tecida arredor do proxecto”.En opinión do deputado nacionalista, as razóns dese “compromiso impostado coa cultura galega” que hoxe reiterou Pérez Varela “eran os cartos, o gran negocio persoal e político en que se convertíu o Gaiás”, ao tempo que lle perguntou por “como e canto incrementou o seu patrimonio nos seus anos de xestión na Consellaría”.Neste labor, o membro do goberno de Fraga repartíu, tal e como contou Aymerich, “entre os do birrete de Pontevedra, aos que lles dá o control político, os da boina de Cacharro, co irmán de Celso Currás como xerente, ou os da boina de Lalín, aos que lles tocaron diversas subcontratas”.Carlos Aymerich repetíulle ao ex conselleiro os nomes de todos os implicados nesta trama que xa víu anunciando ao longo das últimas sesións da Comisión, entre eles destacou a Carlos Hernández Sande, José Manuel Soto Vázquez, Antonio Agrasar e Francisco Loimil.Sobre este último, o parlamentar do BNG lembrou que era presidente de Auditores Asociados, “despacho polo que pasaron os contratos de patrocinios da Sociedade Anónima do Xacobeo, da Fundación do Deporte Galego e da Volvo Ocean Race”.Negouse a respostarO ex conselleiro negouse a respostar a nigunha das cuestións plantexadas polo nacionalista, ao tempo que proferíu insultos varios do que non se retractou e dixo que “non se pode consolidar como demócrata”.O portavoz do Bloque lembrou na súa segunda intervención algúns dos textos asinados por Pérez Varela na súa etapa como xornalista en “El imparcial” ou o texto no que “brindaba con Tejero polo éxito do golpe de Estado” e advertíulle que “vostede non é ninguén para dar leccións de democracia a min e ao BNG, con vostede non vou discutir de democracia”, concluíu.O portavoz do grupo parlamentar insistíu en plantexar as mesmas perguntas, situación ante a que o ex conselleiro reaccionou con estupor e negando calquera incremento do seu patrimonio ou calquera posíbel existencia de rede algunha. Deixación de funciónsO portavoz do grupo parlamentar do BNG, Carlos Aymerich, díxolle ao ex conselleiro de Economía, Xosé Antonio Orza, que el tamén é “responsábel” da situación á que se chegou no Gaiás “porque non exerceu as funcións que tiña como Conselleiro, nin como membro do padroado nin do Consello da Xunta, en canto ao control e xestión do gasto”.O deputado nacionalista perguntou a Orza pola suposta existencia dun informe das auditorías realizadas pola Xunta na contas da Cidade da Cultura, documento do que, “non se sabe nada nin aparece por ningures”.Aymerich tamén inquiríu ao anterior responsábel de Economía polas accións que levou adiante despois de coñecer os resultados da auditoría de Arthur Andersen, no que xa se indicaba a existencia de irregularidades variadas.Orza asegurou descoñecer a existencia do suposto informe e limitouse a apuntar que non “aventura hipóteses” sobre este tema. Un informe que non existeTampouco quixo admitir Orza, segundo dixo, “responsabilidades que non me competen” e evitou dar datos sobre “por que se concentraron as obras en determinadas empresas e por que houbo contratos adxudicados 14 meses despois”, tal e como lle perguntou o portavoz nacionalista.O ex conselleiro de Economía dixo que o informe de Arthur Andersen servíu para “ter unha primeira información sobre as limitacións do proxecto” e confirmar se se podía financiar con recursos extra-presupostarios.O portavoz do Bloque replicoulle que o suposto informe “non aparece porque non existe” e que tampouco tiñan previsto “financiamento externo, nin europeo, nin do Estado, senón que foi máis ben ao contrario e o edificio de Novas Tecnoloxías servíu para financiar moitas empresas privadas”.

As contas do Estado para Galiza,logrados polo BNG

O portavoz do BNG no Congreso salienta os 30 millóns para o ferrocarril, 10 millóns para a recuperación de terreos do litoral galego, os 8 millóns para seguridade vial e actuacións en estradas, os 15 millóns para o Programa de Desenvolvemento Rural e os 6 millóns para o Plan Nacional de Calidade de Augas O portavoz do BNG no Congreso dos Deputados, Francisco Rodríguez, concretou hoxe o destino dos 104 millóns de euros adicionais que recibirá Galiza no marco dos Orzamentos Xerais do Estado 2008, froito da negociación que o BNG mantivo co Goberno en aras a dar o seu voto favorábel ás contas do Estado.
Rodríguez lembrou que no proxecto de Orzamentos do Estado para o vindeiro ano figura a cantidade total de 1.942 millóns de euros para o noso territorio. “Foi o noso empeño que se superara esta cifra de modo que Galiza puidera contar con 100 millóns de euros máis até colocarnos en 2.042 millóns.” Amosou a súa satisfación porque o BNG teña logrado esta conquista e lograr, un ano máis, aumentar as partidas estatais para o noso pais.O parlamentar nacionalista desglosou os 104 millóns conseguidos no pacto acadado entre o BNG e o Executivo, e explicou que este acordo será plasmado mediante a presentación de emendas aos Orzamentos Xerais do Estado 2008 cuxo prazo vence mañá xoves 25.A Seguridade Vial As estradas galegas serán receptoras de importantes partidas acordadas polos nacionalistas galegos. En concepto de actuacións de conservación e explotación haberá 1.000.000 euros para A Coruña, 1.000.000 para Lugo, 1.000.000 para Ourense, 1.000.000 para Pontevedra. En concepto de seguridade vial o reparto será igual que o mencioando: 1 millón para A Coruña, 1 millón para Lugo, 1 millón para Ourense e 1 millón para Pontevedra. Un total de 8 millóns.A preocupación pola Historia de Galiza Ademáis, o BNG logrou introducir partidas estatais en beneficio de Galiza como 200.000 euros para a descripción e restauración de fondos medievais galegos existentes no Arquivo Histórico Nacional. Outros 300.000 euros para a dixitalización dos fondos arquivísticos para o estudo da historia de Galiza, depositados nos arquivos estatais de xestión do Ministerio de Cultura.Sectores estratéxicos: o agro e a Innovación Galiza tamén se verá beneficiada no eido agrario por unha importante partida acordada polo BNG. Trátase de 15.000.000 euros destinados ao Programa de desenvolvemento rural. No eido do fomento tecnolóxico, haberá unha partida de 3.000.000 euros para a Fundación para o fomento da calidade e o desenvolvemento tecnolóxico de Galiza.A recuperación do litoral, a rexeneración dos ríos galegos e o Plan Nacional de Calidade de Augas .En concepto de restauración e limpeza das marxes das concas dos ríos dependentes do Miños: Neira, Azumara, Ladra, Loio, Narla, Navia, Parga e Sarria, haberá 1.200.000 euros.No que atinxe á recuperación do litoral galego, o BNG logrou un orzamento total de 10.000.000 euros con destino á compra e recuperación de terreos do litoral atlántico e cantábrico, para a súa incorporación ao espazo de dominio público marítimo terrestre.No que se denomina Plan Nacional de Calidade das Augas 2008-2015, o BNG acordou co Goberno un orzamento de 6.000.000 euros que irán a parar á mellora da calidade das augas en Guillarei e Teo, entre outros. Orzamentos para actuacións e obras repartidas por todo o pais Como xa avanzou o BNG, Vigo percibirá un incremento orzamental que se distribuirá da seguinte forma: Concrétanse 30 millóns para a depuradora viguesa dos 80 millóns que aparecían no proxecto de Orzamentos; 20 millóns para o Eixo Atlántico entre Pontevedra e Vigo; 2 millóns para acelerar o proxecto da saída sur do tren AVE en Vigo e 200.000 euros para o Paseo de A Guía.Respeito a Ferrol, Rodríguez salienta que contará cos seguintes incrementos de partidas: 6 millóns de euros para a alta velocidade ferroviaria entre Ferrol e A Coruña, en concreto para iniciar as obras entre a estación de Ferrol e a Ponte de As Cabras; 500.000 euros destinados á dixitalización do fondo arquivístico do Tribunal Militar de Ferrol e 1.500.000 para o By-pass en Betanzos(liña convencional Ferrol-A Coruña). No relativo á cidade de A Coruña, o deputado do BNG sinala que o groso do incremento irá a parar á Terceira Ronda que percibirá 10 millóns para axilizar a construción desta infraestrutura viaria:AC-14 Tramo As Lonzas-Zapateira e Zapateira-A-6. Ademáis, a Ría de O Burgo recibirá 1 millón máis para a súa rexeneración e recuperación ambiental. Sen esquecer que tamén se beneficiará do By-Pass en Betanzos. Respeito á provincia coruñesa os cartos adicionais conseguidos polo BNG repartiránse do seguinte modo: 300.000 euros será para a Praia de Sada. A zona de Bergantiños será receptora de 300.000 euros para o saneamento do espazo natural de Razo-Baldaio. Outra partida medioambiental será os 300.000 euros destinados á recuperación do borde natural de Couso a Corrubedo e a Illa de Sálvora (Ribeira). Tamén na provincia coruñesa, haberá unha partida de 1.000.000 euros destinada ao acondicionamento do litoral e senda en A Ribeiriña (Pobra do Caramiñal). Para o Paseo marítimo de río Coroño e marítimo de Esteiro (Boiro) consignaránse 600.000 euros. Un orzamento de 700.000 euros destinado á recuperación cantís entre Tanxil e Tronco en Rianxo. En canto a Pontevedra, Rodríguez destaca a partida de 300.000 euros para o proxecto de musealización das excavacións arqueolóxicas da ponte romana medieval de O Burgo. A Circunvalación de Pontevedra percibirá 500.000 euros.Xa a nivel xeral da provincia pontevedresa, disporánse de 400.000 euros para o acondicionamento e recuperación de A Barca e do dominio público marítimo terrestre en Lourido de San Salvador de Poio. Uns 1.119.000 euros para a mellora ambiental da praia de Moaña. Tamén se consignarán 300.000 euros para o acondicionamento da franxa litoral Tragore, desde Punta de Tragore a Ponte da Illa en Cambados. Unha partida de 200.000 euros destinados á mellora ambiental da praia de Agrelo – Praia de Lapamán en Bueu, e outra de 500.000 euros para a recuperación dos espazos das praias de Limens, Nerga, Cabo Home en Cangas de Morrazo. Así como 100.000 euros para a mellora ambiental da praia de Loira (Marin).Para a provincia de Ourense irán a parar 150.000 euros destinados á creación dun Centro de Interpretación da Historia Medieval en Allariz. Tamén no capítulo cultural, por fin o Castelo de Monterrei e a súa Acrópoli percibirán unha partida de 300.000 euros para a súa restauración.A provincia de Lugo percibirá 1.500.000 euros para os accesos ao Complexo Cultural Álvaro Cunqueiro en Mondoñedo. O concello de Riotorto terá 300.000 euros para o Paseo fluvial do río Torto ao seu paso por As Rodrigas. Contaráse con 1.500.000 euros para a recuperación das marxes do río Cabe en Monforte de Lemos. Asemade, haberá tamén 2 millóns para a ETAP de Monforte.A depuradora de Santiago percibirá unha partida de 2.000.000 euros. Para a transformación da estación de Santiago en estación intermodal, o BNG conseguiu un orzamento de 500.000 euros. O tramo Labacolla-Arzúa na A-54 veráse beneficiada con 2.700.000. A variante de A Estrada tamén foi obxecto de preocupación dos nacionalistas galegos, terá unha partida de 1.300.000 euros. Outra variante na que o BNG insistiu foi a de Ordes, para a que logrou 300.000 euros.

Na Comisión de Obras, o Bloque Nacionalista Galego, pedirá que o Plan Estratéxico de Infraestructuras Rurais se destine Á Rabadeña

A Consellería do Medio Rural ven de conceder ao Concello de Neda, 120.000 € a través do Plan Estratéxico de Infraestructuras do Medio Rural, dende o BNG propoñemos que este diñeiro se destine ao saneamento da zona rural de Rabadeña e ao acondicionamento do camiño Riocobo-Narahio. Estas axudas do Medio Rural están destinadas a mellorar e dignificar a calidade de vida dos habitantes das áreas rurais de Galiza. Neste Plan o Medio Rural invirte 80 millóns de €.

Inicianse as obras de amaño da Mourela do Medio

As obras da Mourela do Medio, foron demandadas polo Bloque Nacionalista Galego, co fin de que foran incluidas no Plan de Obras e Servizos da Deputación Provincial para o ano 2007.

O Bloque Nacionalista Galego, propón o Saneamento de Anca, para incluír nas obras do P.O.S da Deputación

O 30 de novembro, remata o prazo de presentación de proxectos na Deputación Provincial par o Plan de Obras e Servizos (P.O.S. 2008).
Co fin de que se poidan levar a cabo con antelación os procesos administrativos, o Bloque Nacionalista Galego, propón a os socios de goberno no Concello de Neda, a realización da rede de sumidoiros na Parroquia de Anca.
O Plan de Obras e Servizos da Deputación ten previsto un orzamento para o Concello de Neda de 137.457,57 €, máis o establecemento de aportación mínima por parte do Concello dun 5 %.
Tendo en conta os criterios que establece a administración provincial
· Pódense incluír todas as obras e servizos de competencia municipal, preferentemente aquelas que sexan obrigatorias. Pola contra, non poden incluírse subministracións ou adquisicións de bens para o Concello.
· O importe mínimo de cada proxecto é de 30.000 €
· Débense incluír obras complementarias ( tamén co mínimo de 30.000 € por proxecto) para o caso de que existan baixas ou anulacións de obras.
Como obra Complementaria o Bloque Nacionalista Galego, propón o amaño da estrada Liñares-Narahío, unha reivindicación dos veciños desa zona dende hai anos.

Suárez Canal destaca a vixilancia, prevención, profesionalización e persecución aos delincuentes como melloras introducidas no operativo de extinción

O conselleiro do Medio Rural ofreceu en comparecencia parlamentaria o balance da campaña contra incendios 2007 e salientou a posta en marcha, por vez primeira, de importantes medidas contidas na Lei de prevención e defensa contra incendios forestais, xunto cun sistema organizativo máis profesionalizadoSantiago de Compostela, 16Outubro 07.-O conselleiro do Medio Rural, Alfredo Suárez Canal, presentou no Parlamento un informe co balance provisional da campaña contra incendios deste ano, no que destacou a posta en marcha de medidas contidas na Lei de prevención e defensa contra os incendios forestais, como a limpeza de perímetros de núcleos de poboación e vías de comunicación. Sinalou tamén entre as novidades, a informatización de sistemas operativos de actuación, a incorporación de voluntariado na prevención e de medios auxiliares na extinción e a renovación dos equipos de protección individual e de medios terrestres, así como a creación de redes de puntos de encontro para brigadas e a modernización das bases aéreas, que contribúen a mellorar as condicións laborais do persoal contra incendios. Suárez Canal fixo especial fincapé na formación e profesionalización do dispositivo de prevención e extinción de incendios forestais, como unha das melloras desta campaña, cun sistema organizativo que vai sentar as bases para o futuro.
Ofreceu datos comparativos de meteoroloxía, con respecto a anos anteriores que evidencian que a pluviometría, sendo un factor importante, non é determinante por si soa na diminución de número de lumes nin de superficie afectada. Así, o conselleiro sinalou o labor de prevención realizado no perímetro de núcleos de poboación mediante convenios asinados con 215 concellos, cunha superficie certificada de 6.129 has, e outras actuacións executadas nos distritos forestais, tales como apertura e mellora de pistas forestais, faixas auxiliares, desbroces, apertura e mellora de devasas, construción e acondicionamento de puntos de auga... Para esta campaña de incendios, dotouse o persoal do SPDCIF dun equipamento de extinción con buzos ignífugos, botas, cascos, luvas, gafas, máscaras, botiquíns e cintos, entre outros. En canto á adquisición de medios de locomoción e de extinción, dispúxose de 450 vehículos (todoterreos, pick-ups, turismos, furgóns e motobombas). Entre as novidades introducidas nesta campaña destacan a creación de novos procedementos operativos (protocolos de actuación). Na busca dun sistema de prevención e extinción de incendios o máis profesionalizado posible, determinouse a contratación directa da administración, ou mediante encomenda a SEAGA, da maioría das brigadas terrestres e helitransportadas fronte ao sistema anterior de convenios coas entidades locais. Estableceuse un mando único directo de todo o operativo de prevención e defensa contra incendios dependente da Dirección Xeral de Montes. Ademais, dispúxose unha composición de 5 membros das brigadas de reforzo con días de descanso e traballo por brigada completa. Incorporáronse medios auxiliares á extinción, achegados por distintas cooperativas ou CUMAs, creáronse agrupacións veciñais de vixilancia forestal tanto de CMVMC como de propietarios particulares, e xestionouse por parte de Vicepresidencia o Voluntariado do monte galego, encadrado no sistema de prevención da Dirección Xeral de Montes. Estableceuse un Comité de coordinación entre as forzas e corpos de seguridade e a Dirección Xeral de Montes, que funciona a nivel central galego e que ten as súas correspondentes extensións nas catro provincias. Forma parte deste comité o director xeral de Montes da Consellaría do Medio Rural, un representante da Delegación do Goberno Español, o subdirector de Incendios da Dirección Xeral de Montes, un representante da Fiscalía de Incendios, un representante da Garda Civil e do SEPRONA, un representante da Policía Autonómica, un representante da Policía Nacional, un representante das Forzas Armadas e expertos da Dirección Xeral de Montes. Nesta campaña entrou en funcionamento a empresa pública de Servizos Agrarios Galegos, adscrita á Consellería do Medio Rural, e creouse un novo Grupo Central de Análise formado por expertos para deseñar estratexias de incendios con riscos potencialmente perigosos. Investiuse na modernización da flota de motobombas coa incorporación de 20 vehículos a esta campaña e tamén se renovou a dotación de todoterreos. Duplicáronse as brigadas de vixilancia móbil (de 30 a 60) dotadas de vehículo equipado con minidepósito para unha acción rápida en pequenos focos. Ampliáronse as Brigadas Especiais (de 1 a 3), xa que estas unidades demostraron unha grande eficacia o pasado ano (BELUGA) porque teñen un alto grao de profesionalización. Dispúxose que en distritos de difícil orografía se despachase de maneira automática un medio aéreo ás alarmas da zona para gañar tempo e aumentar a eficacia no combate do lume. Despregouse maquinaria pesada en todos os distritos forestais na época de perigo alto. Realizouse unha mellora dos puntos de encontro e de patrulla do SPDCIF para mellorar os tempos de reacción e desenvolvéronse cursos de formación das distintas unidades de defensa contra incendios (brigadas terrestres, helitransportadas e especiais).Ademais, incorporáronse importantes medios tecnolóxicos nesta campaña como o cálculo do Índice de risco diario de incendio (IRDI) en función da temperatura e humidade ambiental; o Xeocode, unha aplicación que subministra información global do estado das alarmas e lumes ocorridos en Galiza en tempo real; automatizáronse as comunicacións de queimas cun novo sistema de xestión; instaláronse posicionadores con motor GPS e GSM / GPRS en medios terrestres (todos os vehículos motobomba e vixilancias móbiles); instalouse o sistema Vixía, para a video-vixilancia nas bases de medios aéreos, con cámara web teledirixida, o sistema COMA, de Control de Medios Aéreos; e realizáronse comunicacións vía SMS de información sobre cada lume, en tempo real, a alcaldes e autoridades da Consellaría do Medio Rural.

O BNG dubída da necesidade dunha variante AP-9-AG64, no seu paso por Neda

Ante a inquietude xerada nos veciños de Neda, coa publicación no DOG, do 31 de agosto, no que se publicaba a Resolución de 22 de agosto de 2007 pola que se anunciaba a licitación da asistencia técnica para a redacción do proxecto de trazado e impacto ambiental da vía de alta capacidade de conexión da AP-9 ( enlace Neda ) coa AG-64 ( enlace S. Sadurniño),cun orzamento de licitación de 255.374 €, o grupo municipal do Bloque Nacionalista Galego no concello de Neda, e a través do seu Parlamentario da comarca no Parlamento galego Fernando Blanco Parga, realizamos unha pregunta para a súa resposta por escrito diante da Consellería de Política Territorial, Obras Públicas e Transporte, co fin de saber “ ¿cáles eran as previsións da Consellería, respecto da licitación da redacción do proxecto de construción dunha variante entre a AP-9 e a autovía AG-64, de Neda a San Sadurniño, e os datos ao respecto”, pregunta publicada no BOPG num 404 do 8 de setembro de 2.007.
A constestación da Consellería foi: “ Polo que atinxe ao cronograma desta actuación, resulta difícil establecer unha estimación da data de inicio das obras, tendo en conta que aínda non se adxudicou a redacción do proxecto de trazado e impacto ambiental da vía de alta capacidade así como que , segundo dispón o prego de prescricións técnicas particulares, o prazo máximo para a realización da asistencia técnica é de 20 meses, tal e como se especifica no cadro de características do contrato e que será sometido, con posterioridade a información pública”.
No que atinxe a que tipo de vía será, a Consellería expón: “ o propio estudo definirá as características da nova vía : corredor/autovía.
O B.N.G. de Neda, queremos expresar a nosa posición diante da necesidade ou non deste vial, neste intre.
O concello de Neda ten 23,4 quilómetros cadrados, está atravesado por unha morea de lineas de alta tensión ( coa súa afección ), que delimitan en gran medida o seu desenrolo, unha afectación do litoral, que deixa ao noso concello en inferioridade de condicións comparado con outros concellos limítrofes ( por actuacións políticas mal feitas no seu momento ), unha autovía ( AP-9),que xa atravesa unha parte do concello, dende o Bloque Nacionalista Galego, pensamos, que o Concello de Neda e os seus veciños, xa contribuíron e en grande medida á solidariedade e ao ben colectivo, non poden os veciños de Neda facer mais esforzos polo resto da comunidade sen que se teña en conta o prexuízo que este vial pode provocar no conxunto do territorio de Neda, dividindo o concello en zona Noreste e zona Suroeste, tendo en conta ademáis que este vial tería que pasar por a fraga do Belelle ( cando os grupos ecoloxistas están a pedir que esta zona sexa incluída na rede Natura ) ,e a ladeira sur do Monte Marraxón, causando un impacto ambiental moi agresivo, e por último o perxuízo económico que causaría aos veciños/as e ao proprio concello¸ por todo o antesdito ( de prexuízos ), non estaría compensado neste intre, co beneficio que este vial podería aportar á comunidade, xa que agora o acceso natural ( trala apertura do acceso Freixeiro-Poligono do Pozo), da saída real a autovía AG-64 ( Ferrol –As Pontes ), sería por Neda ( AP-9) cara a Freixeiro, Poligono do Pozo, AG-64.
O Bloque Nacionalista Galego, non ve a necesidade deste vial, nin en termos económicos, nin pensando no desenrolo do concello, nin xustificado en ben da comunidade no seu conxunto.

O BNG demanda na ONU que se celebre o referéndum de autodeterminación do Sahara Occidental

O BNG demanda na ONU que se celebre o referéndum de autodeterminación no Sahara OccidentalAna Miranda asegurou que “non se trata dun problema humanitario, senón dunha cuestión política relacionada coa descolonización”Nova York, 11 Outubro 07. A vicepresidenta da Alianza Libre Europea (ALE) e membro do Consello Nacional do BNG, Ana Miranda, interviu onte, mércores 10, á noite, no IV Comité de Políticas Especiales e Descolonización das Nacións Unidas como peticionaria en favor do Sahara Occidental.
"É unha honra poder intervir nesta Comisión como peticionaria sobre o Sáhara Occidental, en representación do Bloque Nacionalista Galego (BNG), xa que o meu país, Galiza, ten unha profunda vocación internacional, pola súa diáspora presente en todo o mundo, e un compromiso cos dereitos dos pobos e, en especial coa loita do pobo saharaui e da Fronte Polisaria, súa lexítima representante política, polo cumprimento da legalidade internacional", afirmou Miranda diante da comisión.Ana Miranda interviu xunto con outros 5 peticionarios do Estado en representación da Federación estatal de Institucións Solidarias co Pobo Sahariano, coa fin de trasladar o clamor dos colectivos de solidaridade galegos e europeos para que a ONU dea unha resposta urxente ao problema do Sahara. Segundo a representante nacionalista, "a ollada internacional sobre o Sahara Occidental ten que mudarse definitivamente, pois non se trata exclusivamente dun problema humanitario como se nos quere facer crer á opinión pública mundial, senón dun tema político de descolonización e é precisamente esta institución, a ONU, o lugar axeitado para a produra dunha solución pacífica". Diante dos representantes alí reunidos esixiu "a celebración dun referéndum de autodeterminación que conlevaría, definitivamente, a descolonización da ex colonia española do Sahara Occidental". Ademais, engadiu que "o Goberno español indudablemente debe cumplir coas súas obrigas e responsabilidades e clarificar a ambigüedade cara o tema, que lle caracterizou no pasado e na actualidade, en contra da opinión dunha grande parte da sociedade española que apoia e respeita que o Sahara Occidental deba ter por lexitimidade histórica o seu propio Estado".Para pechar a súa intervención, a representante do BNG levou á ONU as palabras que Castelao escribiu no exilio, tamén na cidade de Nova York, afirmando que “non hai peor desterro que aquel que se sofre no propio pais». Destacou que “o pobo sahariano é un pobo desterrado, ao que lle privou da súa terra, do seu mar e aire e dos seus recursos naturais, dos que se beneficia Marrocos de forma impune”.Outras actividadesPor outra banda, a responsábel da Comision de Migración do BNG mantivo unha axenda de traballo coa colectividade galega, visitando os centros de Casa de Galicia, Círculo Español e a Nacional, ademais de entrevistarse con persoas relacionadas coa cultura galega como o profesor Dino Pacio e o poeta Francisco Álvarez, “Koki”.

Ordenanza reguladora da Taxa polas entradas de vehículos a través das beirarrúas

A Ordenanza nº 6, no seu Artg. 5.- cota tributaria establece as seguintes tarifas:
Reservas:
- Almacéns ao por maior e fábricas .........................114,58 €/ano
-Exposición e venda automóbiles............................. 85,93 €/ano
-Talleres mecánicos, reparación,pintura, etc......... 57,28 €/ano
-Garaxes particulares menos 10 automóbiles....... 28,65 €/ano
Por cada metro ou fracción que exceda de 2 m lineales a cantidade de ... ..............................................................................................7,17 €/m/ano.
Reserva de espazo de carácter temporal
-Reserva vehículos formigonado, bombeo, etc, asi como outros aproveitamentos análogos, .................................. 4,00 €/m2 ou fracción /día
Con impedimento total da circulación rodada, por m2 ou fraccion, cada período ou fracción ................................................ 2,98 €
Reserva de espazo por mudanzas, descarga de combustible, etc, por m2 ou fracción, cada período ou fracción ...................... 0,98 €

Ordenanza Reguladora de tarreos de uso público

Ordenanza nº 15, Reguladora de terreos de uso público con mesas e cadeiras

Artigo nº 6.- Cota tributaria

2)

a)Por metro cadrado de superficie ocupada con mesas e cadeiras e outros elementos ..................................1,10 €/mes.

b) Por cada metro cadrado de superficie ocupada por toldos ou marquesiñas fixados na vía pública............... 1,10 €/mes.

Taxa polo servizo de Saneamento

A Ordenanza nº 11 Reguladora da Taxa polo servizo de saneamento di:
No seu Art. 5,. Cota Tributaria

Verquidos domésticos: por cada unha das vivendas ou locais das que conste o inmoble .................................. 11,22 € /trimestre.

Verquidos industriais: bares, restaurantes, hoteis, hospedaxes, cafeterías, salas de festas, talleres, garaxes, carpinterias, perruqierias e similares ...............................19,19 €/trimestre

Os establecementos comerciais non incluídos no apartado anterior, considerados como comercioó por menor, tributarán a cantidade de .........................................11,22 €/trimestre

Ordenanza do Imposto sobre Bens Inmobles

O artigo 2 da Ordenanza reguladora do imposto dos bens inmobles establece:
O tipo de gravamen do imposto sobre bens inmobles aplicable aos bens de natureza urbana queda fixado no 0,60 %

Isto sinifica que o seu aumento en tanto por cento intelixible é o 33,8 %.

Ordenanza da Taxa do Servizo de Recollida do Lixo

A Ordenanza nº 10 de recollida do Lixo establece:
Uso doméstico:
Un día á semana............................40,37 €
Dous días á semana.....................80,79 €
Tres días á semana......................121,13 €

Uso Industrial.comercio por menor

Un día á semana ..........................80,79 €

Dous días á semana...................161,50 €

Tres días á semana....................242,24 €

Uso industrial comercio por maior

Un día á semana........................... 121,13 €

Dous días á semana .................... 242,24 €

Tres días á semana ..................... 363,41 €

Constitúe caso especial de infracción ( cualificada como simple )

O almacenamento de lixo e detritos en patios, corras ou almcéns

Imposto sobre automóbiles de tracción mecánica

A Ordenanza Reguladora Nº 4 establece

Turismos
de menos de 8 hp.......18,93€
de 8 a 11,99hp ............51,12€
de 12 a 15,99hp ........107,91€
de 16 a 19,99 hp .......134,42€
de máis de 19,99 hp..168,00€

Ciclomotores....................6,63€
Motocicletas ata 125 cc..6,63€
de 125 ata 250cc................11,36€
de 250 ata 500cc..............22,73€
de 500 ata 1.000cc...........45,44€
de máis de 1.000cc...........90,87€

Ordenanza de utilización instalacións públicas

Preguntaba, un veciño ou veciña, si se iba cobrar polo uso de locales públicos.

Na Ordenanza nº 17.- Reguladora da taxa pola utilización das instalacións na Casa da Cultura e demais edificios de titularidade municipal. no seu Art. 6 ( Cota Tributaria ) a cota a aboar polos suxeitos pasivos consistirá no seguinte:
A) Pola utilización de locais do concello ( excepto salón casa da cultura e salón de actos do concello ), para fins distitos ós seguintes, a cantidade de 20 € /diarios
B) Pola realización de cursos por entidades privadas satisfarase a cantidade de 30 € de matricula no momento de concederse o local, e 10 €/ mes por persoa matriculada ó inicio de cada período mensual; no caso de períodos inferiores ó mes prorratearase en función dos días.
C) Pola utilización do salón de actos da Casa da Cultura ou da Casa das Palmeiras, a cantidade de 30 € diarios e no caso de entrada 90 €.
D) Pola utilización do salón de actos do concello para vodas 120 € por cada acto e no da casa da Cultura e da casa das Palmeiras 180 €.
E) Pola asitencia a espectáculos no auditorio da Casa da Cultura e na casa das Palmeiras ( teatro, danza, música, etc )
a1.- Entrada adultos 2 €
a2 Entrada infantil e maiores 65 anos, e xoves con carnet de estudante..1€

A gran festa dos 25 anos do BNG

No mesmo lugar no que hai 25 anos, exactamente os días 25 e 26 de setembro de 1982, un grupo de organizacións, colectivos e militantes independentes constituíron o Bloque Nacionalista Galego.

O acto público de conmemoración, no que se espera a participación de 1.500 persoas, comezará ás seis da tarde. En primeira fila estarán as persoas que integraron o primeiro Consello Nacional da organización. E no acto intervirán Encarna Otero, Beiras e Bautista Álvarez. O último en intervir será Anxo Quintana, e é que a conmemoración quere ser tamén o punto de arranque da precampaña dos nacionalistas para as eleccións xerais de marzo.

O pasado sábado Quinana cualificou a asemblea de Riazor de 1982 como un fito "trascendental" na historia de Galicia. Sen o BNG Galiza non estaría a xogar na liga das nacións no Estado”, engadiu Quintana. “Dicía Castelao que 'primeiro ser para despois vencer'. O BNG utilizou os seus primeiros 25 anos en ser. Agora estamos preparados para vencer, para conseguirmos que o nacionalismo sexa unha forza hexemónica en Galiza, para que o nacionalismo poda dirixir o país e, sobre todo, para que Galiza sexa a nación no Estado español, en Europa e no mundo que todos queremos”, concluíu.

Publicado no BOP, o Padrón de Auga e Saneamento

No B.O.P. aparece publicado o Padrón pola Taxa de Auga e Saneamento, co fin de que poida ser examinado

Aprobar o padrón de contribuíntes pola taxa de subministración de auga potable e sumidoiros correspondente ó 3.° trimestre do 2007, sendo o seu resumo o seguinte:

Euros

Auga 23.484,85
Saneamento 20.673,58
I.V.E. 3100,78
Canon 12.245,59
IMPORTE TOTAL 59.504,80

2.°.–De acordo co disposto na Lei xeral tributaria, as matrículas e os padróns aprobados expóñense ó público nas oficinas do Concello, durante un mes, contado a partir da públicación no BOP, durante dito prazo os interesados poderán examinalos e impor contra os mesmos e ante a Xunta de Goberno Local o recurso de reposición previo ó contencioso administrativo a que se refire o artigo 108 da Lei 7/85, de 2 de abril.

3.°.–O anuncio de publicación no BOP produce os efectos de notificación colectiva ó abeiro do disposto na citada Lei anterior.

4.°.–O cobramento das taxas aprobadas verificarase na forma e período que se establecen nas respectivas ordenanzas reguladoras.

Bloque Nacionalista Galego

Bloque Nacionalista Galego

Unha subida dun 40 %

O pasado xoves 20 de setembro, os socios de Goberno no Concello de Neda (Terra Galega e PP )aprobaron no Pleno unha subida de impostos de un 40 %, xustificando esta subida ( polo deficit que ten o conello de 50.000 € ), os votos en contra de
BNG,EU E PSOE, non foi suficiente para parar esta subida.
2007 2008 Prezos e Taxas
28,99 € 40,37€ 39,25% Recollida lixo ( 1 día a semán )
0,0189€ 0,0193€ Mínimo auga
7,49€ 9,74€ Escolas deportivas (menores)
2,74€ 10,93€ 30% Sauna
300,5€/m2 511,95€/ m2 Vivenmda Unifiamiliar
0,40% 0,60% 33% Imposto Bens Inmobles (IBI)
2,50 2,60 4% Imposto Construcción, afecta aos grandes constructores mais que nada ¿ é curioso, non ?

Imposto de automóbiles ( Ordenanza 4 ) un 10%

ORDENANZA 28 ( esta non existía )
Por expedición dun Certificado 20 €
Por unha compulsa 30 €
Dende o BNG, e sendo conscientes, que para facer cousas hai que ter diñeiro, apoiariamos unha subida racional dos impostos e prezos, pero non desta maneira desmesurada, e tendo en conta ademais que a poboación do noso concello nun 45 % é amior de 60 anos e en moitos casos están cobrando o salario mínimo interprofesional ou pensións non contributivas, e será a estes sectores da poboación a quen máis vai afectar e non como dice a concelleira do PP, ( aos terratenientes, esta subida vai ademais en contra da filosofía do SR. Rajoy, que di que si goberna baixará os impostos.

Galiza Nova celebra as súas xornadas de verán na comarca da Montaña, abertas a toda a mocidade galega

Durante os días 21, 22 e 23 deste mes

“Aprofundar en debates como a recuperación da memoria histórica, coñecer o país e as problemáticas específicas do Medio Rural, así como deixar un espazo para o lecer e a diversión”. Estes son, entre outros, os obxectivos das XIX xornadas de verán de Galiza Nova, segundo explicou a súa secretaria xeral, Iria Aboi, en rolda de prensa.

As xornadas celebraranse os días 21, 22 e 23 de setembro, “para evitar coincidir co Festigal e coa época de exames”. A inscrición custa 15 euros, nos que se inclúen as comidas, aloxamentos e visitas. A asistencia agardada estará en torno a 100 persoas, que poden ser militantes ou non de Galiza Nova.

Na rolda tamén estiveron presentes Manuel García, responsábel comarcal da Montaña (comarcas de Arzúa e Melide) e Noa Fernández, responsábel de organización das mocedades do BNG. García explicou as distintas actividades que terán lugar durante estes 3 días:

Programa das xornadas

Venres 21

18.30 Saída en bus dende Compostela
19:30-20h- recepción no Concello de Arzúa co alcalde, Xaquín García Couso.
21:30- Cea no Multiusos de Arzúa
23:00- Concerto de Loretta Martin



Sábado 22

9:30 Almorzo 11:00 Visita ao Enredo do Abelleiro
12:30 Saída cara Porto de Mouros e actividades (kaiak e tiro con arco).
14:30 Xantar
16:30 Saída cara Sobrado dos Monxes e visita guiada do mosteiro
18.00 Saída cara Melide
19:30 Recepción no Concello de Melide, coa alcaldesa Socorro Cea.
20:30 Charla na sala de conferencias, a cargo de representantes do Sindicato Labrego Galego, da consellaría de Medio Rural e do concello.
22:00 Saída cara o pavillón e cea
23:00 Saída nocturna por Melide

Domingo 23

10:30 Almorzo
11:30 Visita ao Museo Terra de Melide
12.30 Saída cara Arzúa
13:00h Homenaxe na Praza da Vila a Juan Vidal, alcalde de Arzúa fusilado no 36. Interveñen Manuel García, Iria Aboi e Xaquín García Couso, alcalde nacionalista de Arzúa.
14:30 Xantar na Área recreativa de Ribadiso
16:30 Saída cara Compostela

Quintana advirte que as forzas nacionalistas “van ter moito que dicir” á hora de decidir quen será o próximo presidente do Estado

O portavoz nacional do BNG, Anxo Quintana, considerou hoxe que as forzas políticas que conforman Galeuscat, CIU, PNV e BNG, teñen "unha oportunidade na próxima lexislatura" para contar cun peso destacado sobre o próximo Goberno central.

Na liña do que reclamou tamén o líder de CIU, Artur Mas, no acto que compartiron hoxe en Barcelona con motivo da XVIII Escola d'Estiu de CDC, Quintana advertiu que as forzas que compoñen o Galeuscat teñen "moito que dicir á hora de decidir quen vai ser o responsábel político que ocupe a Moncloa logo das próximas eleccións xerais".

Así, avogou porque os nacionalismos vasco, catalán e galego "traballen conxuntamente" neste camiño e defendeu Galeuscat como "a única alternativa ao modelo de estado que representa PP e PSOE". Quintana sinalou o "reto" desta entidade de erixirse na "única alternativa á monotonía política que se vive no Estado español", convencido de Galeuscat será "o mellor freo para calquera proceso de involución antidemocrático que se queira dar no Estado español, tanto no modelo de Estado como no modelo social".

Neste sentido, criticou que o "pseudoprogresismo español apodérese de termos" como igualdade, innovación ou desenvolvemento, dos que dixo que "os nacionalismos" defenderon sempre. "O nacionalismo hoxe en día é un berro de rebeldía intelectual, dos que non renuncian ao que son e saben que o primeiro paso para ser cidadáns do mundo é ser cidadáns do seu propio país", sinalou.

Estatuto de Nación
Quintana enlazou este modelo co debate do Estatuto galego, vetado polo popular Alberto Núñez Feijoo. Asegura o vicepresidente do goberno galego que “o Partido Popular ten unha estratexia destinada a impedir que haxa estatutos de nación en Galiza, Catalunya e Euskadi”. “Alí onde ten forza parlamentaria para facelo, utilízaa, como en Galiza; en Catalunya, como non ten esa opción, intenta paralizar o estatuto utilizando a Xustiza”, dixo.

Porén, destacou que “non nos consideramos fracasados por non ter un Estatuto, porque a nosa presenza no goberno serviu para impedir que Galiza non teña un estatuto de segunda”. “Estamos agora en condicións de agardar a un novo tempo político, que seguramente virá pronto”, asegurou.

Vicepresidencia implantará en Galiza o servizo galego de apoio á mobilidade persoal, o 065 social, destinado a persoas dependentes ou con discapacidad

O Consello da Xunta deulle hoxe luz verde a este servizo público de carácter social que facilitará o desprazamento ás persoas con problemas de mobilidade

O Consello da Xunta autorizou na súa xuntanza de hoxe o proxecto de decreto polo que se regula o Servizo Galego de Apoio á Mobilidade Persoal, destinado para as persoas dependentes e/ou con discapacidade. Este novo servizo público de carácter social promovido pola Vicepresidencia da Xunta facilitará o desprazamento programado e non urxente das persoas con problemas de mobilidade, sempre baixo condicións de máxima seguridade, cos medios precisos e co apoio de persoal de acompañamento durante o traslado.

Segundo se establece no decreto aprobado hoxe, para acceder a este servizo será necesario ter recoñecida a existencia de dificultades de mobilidade que impidan a utilización de transportes públicos, atoparse nunha situación de dependencia ou ter recoñecido un grao de minusvalía superior ao 65 por cento. As persoas que cumpran un destes requisitos disporán dunha tarxeta identificativa e poderán beneficiarse desta iniciativa para cubrir así as súas necesidades básicas de desprazamento. A determinación da porcentaxe de participación dos usuarios no financiamento do servizo virá determinada pola capacidade económica persoal do solicitante, sendo o servizo gratuíto para as persoas con ingresos iguais ou inferiores ao 75% do IPREM.

A prestación do Servizo Galego de Apoio á Mobilidade Persoal realizarase en función dunha serie de prioridades, como son a necesidade de acudir a consultas ou tratamentos sanitarios do sistema público, cando o desprazamento non sexa competencia do sistema sanitario; trasladarse a centros ou equipamentos do sistema de servizos sociais como residencias, centros de día ou outros equipamentos de aloxamento temporal ou permanente dos que sexan usuarios; acudir a centros ou equipamentos do sistema de servizos sociais que, non tendo carácter de aloxamento, dispoñen de programas ou actividades ás que acoden ou deban acudir como usuarios; realizar actividades relacionadas coa vida diaria autónoma e co seu desenvolvemento persoal; ou asistir a actividades de carácter educativo ou formativo.

A través desta orde de prioridades, na que tamén se ten en conta a idade dos solicitantes, a Vicepresidencia da Xunta pretende poñer a disposición das persoas con discapacidade e/ou dependentes os medios axeitados para facilitarlle a mobilidade, ao tempo que se garante o seu acceso en igualdade de condicións a servizos de calquera tipo, favorecendo así a súa plena integración e participación no seu contorno habitual. O obxectivo é implantar de xeito progresivo a prestación deste servizo a través de diversas experiencias piloto que poderán comezar neste ano, de xeito que a finais do ano 2009 o servizo funcione con normalidade en todo o territorio galego.

O custo da progresiva implantación deste servizo ascende a 61.404.966,63 euros, que se distribuirán en tres anualidades. Unha vez implantado, o custo anual consolidado do mesmo ascenderá a 33.669.163,53 euros.

Condicións e seguridade

O Servizo Galego de Apoio á Mobilidade Persoal procurará adaptarse, na medida do posible, á demanda de desprazamento do usuario. Así, cando os usuarios precisen da realización dun desprazamento que estea cuberto por este servizo deberán contactar con antelación coa unidade competente, indicando o seu número de tarxeta de usuario e as circunstancias que sexan necesarias para a organización do servizo.

Durante os traslados os usuarios disporán dunha persoa que os acompañará para prestarlle o apoio necesario durante o percorrido. Os vehículos empregados cumprirán a normativa de accesibilidade e supresión de barreiras e estarán adaptados para o transporte de persoas en cadeiras de rodas. Ademais, terán unha capacidade mínima de sete persoas e máxima de doce prazas de configuración mixta, de xeito que permita unha acomodación flexible ás necesidades do servizo. Como novidade, os vehículos estarán dotados de teléfono e integraranse nun sistema de control e localización GPS.