Un ano mais perdido na politica municipal de Neda

O ano 2009, pasará á historia da política municipal do concello de Neda, como un ano totalmente perdido, digo totalemtne perdido e imos por as claves
Un ano sin orzamentos municipais ( máximo documento económico para que un concello traballe ), un ano no que as comisións de Facenda brilaron pola súa ausencia ( aínda estamos esperando pola remisión de facturas a dita Comisión ( pero claro si non hai comisión, mal se poden presentar as facturas, tantas veces pedidas pola concelleira do PP). as Comisións de Obras se fan de pascuas en ramos, non deben existir problemas de obras no concello, a Galescola nin por asomo, as vivendas de protección nin olelas, o Bus a O Puntal, un espellismo, o ^Parque eólico, ( ese que nos dixo o Alcalde Cabezón ) que os do Bipartito o tiñan escondido nun caixón , agora ( seica vai para largo con este novo goberno da Xunta ), a EDAR saturada totalmente, zonas do Concello que carecen de rede de sumidoiros, a auga municipal que non chega ao 40 % da poboación de Neda, as arcas económicas municipais en declive, agora iso si xa temos un parque infntil de Agháta,as axudas económicas da Xunta, dende a entrada do PP baixaron un 30%, en temas Sociales, de recupoeración do Casco Histórico, de emprego. A lingua galega caeu en picado ( para mostra simplesmente hai que chamar por tlf ao concello de Neda), zonas do concello que carecen de internet ( un servizo, hoxe por hoxe importantísmo),as marquesinas dan pena, etc, etc. Como diciamos nun principio, un ano perdido, si non existe un proxecto de Concello, mal se poden facer políticas de avance para Neda.
Feliz saída e entrada de ano.
Como dicía nun principio

Análise de Xornal ás promesas de Feijóo

1 EMPREGO

O QUE DI O CONTRATO

“Combater o paro como máxima prioridade do Goberno e recuperar a senda de creación de emprego garantindo a igualdade de oportunidades entre mulleres e homes”.

O QUE SE FIXO

O novo Goberno do PP chegou á Xunta no medio dunha das peores crises económicas que se lembra. O aumento do desemprego en Galicia, nos dous últimos meses, é xa superior á media estatal, ainda que a porcentaxe total continúa a situarse catro puntos por baixo do paro a nivel español (12,3% fronte ao 17,9%). “Recuperar a senda de creación de emprego” segue quedando lonxe e un informe de Funcas xa advirte que chegará ao 17,5% en 2010 na comunidade. Os sindicatos e a oposición piden políticas activas de emprego e lembran que, durante o bipartito, o desemprego non acadou os niveis críticos que si alcanzaba xa no conxunto do Estado.

2 ECONOMÍA

O QUE DI O CONTRATO

“Estratexia económica. Loitar contra a crise apostando polos nosos sectores produtivos cun plan estratéxico a desenvolver por un Goberno unido, coordinado e que saiba establecer prioridades”.

O QUE SE FIXO

Poucos poderán negar a “coordinación” e “unidade” do novo Goberno en materia económica. Máis difícil será o da “aposta polos nosos sectores produtivos”. Caramelo despediu, co beneplácito da Xunta, 234 traballadores na súa planta da Coruña, malia o informe desfavorable de Inspección de Traballo e a posición en contra do comité de empresa. O conselleiro de Economía, Javier Guerra, non dubidou en defender deslocalizacións como as aplicadas nesta fábrica textil e que el mesmo promove nas súas empresas. O sector leiteiro, en grave crise, pide solucións mentres ve como a planta de Pascual en Outeiro de Rei queda en mans de cinco cooperativas vinculadas ao PP, rexeitándose a oferta de Feiraco, que reunía 24 cooperativas e centos máis de explotacións. No eólico, o TSXG vén de anular a suspensión do concurso do bipartito feita polo PP. A nova Lei aprobada no Parlamento, fortemente criticada polo sector, volve embarullar un sector paralizado, que afronta un posible balbordo xudicial e que volve privar o sector produtivo galego dos beneficios do vento.

3 AUSTERIDADE

O QUE DI O CONTRATO

“Eliminar e reducir drasticamente os gastos superfluos en publicidade, altos cargos, asesores, automóbiles ou obras nas dependencias do goberno”.

O QUE SE FIXO

A austeridade foi un dos lemas da campaña de Feijóo e segue a ser o seu comodín no Goberno. Aforrou en asesores e prescindiu das obras nas dependencias da Xunta que tanto lle criticou ao bipartito. Non se sabe nada de cadeiras de luxo, pero 17 dos famosos audis continúan á espera dun comprador, logo das duras campañas contra o parque móbil do anterior Goberno, e os que si se venderon acadaron un prezo moito menor do agardado. A austeridade si afectou á selección galega, ao Culturgal e aos Premios Nacionais de Cultura pero a Consellería de Educación non tivo reparos en gastar 190.000 euros nunha campaña para explicar o novo modelo de axudas para os libros de texto. Microsoft e outras multinacionais non sufriron a crise, ao serlle adxudicados 5 millóns en software para organismos da Xunta.

4 MENOS IMPOSTOS

O QUE DI O CONTRATO

“Reducir a cantidade de impostos autonómicos aos que os cidadáns teñen que facer fronte cada ano e defender a redución de impostos estatais”.

O QUE SE FIXO

O programa do PPdeG prometía a redución do tramo autonómico do IRPF, unha medida que a Xunta de Galicia xa aclarou a Xornal que quedaría aprazada ata despois de 2011 ante a situación da crise económica actual. O presidente do Goberno, Alberto Núñez Feijóo, ao igual que o resto do Partido Popular, criticou a suba de impostos estatais acordada polo Executivo central, pero non logrou frear a medida.

5 SANIDADE

O QUE DI O CONTRATO

“Sanidade con garantías. Mellorar as condicións e a calidade na asistencia sanitaria e reducir as listas de espera, con garantías legais para os pacientes”.

O QUE SE FIXO

A privatización das infraestruturas, os recortes salariais e a rebaixa dos orzamentos centran as críticas á política sanitaria, unha das que está a sufrir máis ataques por parte da oposición e dos sindicatos. O intento da Xunta de eliminar as peonadas puxo en pé de guerra os traballadores sanitarios e provocou que o Goberno recuase un pouco. Agora, Feijóo asegura que unha operación máis pola mañá reduciría en 45.000 pacientes as listas de espera, pero a diminución destas listas continúa agardándose. A conselleira de Sanidade, Pilar Farjas, é duramente censurada polo seu intento de privatización da sanidade pública e a licitación do contrato para construír e explotar o novo hospital do Sergas en Vigo é o último exemplo. A privatización da xestión do sanatorio do Centro Gallego en Bos Aires, que pasará a mans dun grupo privado castelá, foi levado incluso ao Parlamento arxentino, que rexeitou o fondo e as formas da Xunta.

6 DEPENDENCIA

O QUE DI O CONTRATO

“Dependencia efectiva. Dotar aos dependentes e asistentes de garantías para que reciban o servizo que por Lei lles corresponde nun prazo seguro”.

O QUE SE FIXO

Segundo os últimos datos do Observatorio Estatal para la Dependencia, Galicia obtén un cinco raspado na aplicación desta Lei da Dependencia, que tan duramente fora criticada polo PP durante a súa etapa na oposición. Os problemas continúan vixentes e os coidados específicos e a atención sanitaria están sendo substituídos por axudas ás familias. Vigalicia (Vida independente de Galicia) cre que o servizo galego de asistencia persoal queda “en evidencia” fronte a outros. “Dous anos despois da súa posta en marcha, derivou nun proxecto desvirtuado e mal enfocado, inservible para a sociedade”, din.

7 CONCILIACIÓN

O QUE DI O CONTRATO

“Opcións de conciliación. Responder por completo á demanda de pais e nais por unha praza de gardería e flexibilizar opcións para acadar a conciliación da vida persoal, laboral e familiar”.

O QUE SE FIXO

A oposición acusa directamente ao Goberno de Feijóo de manter “pechados” centros de día e galescolas –agora denominadas escolas infantís– “ao non dotalas de material e persoal necesario para o seu funcionamento”. O intento por desfacer todo aquilo que soase a bipartito centrou os esforzos da Xunta no cambio de denominación das garderías, unha das apostas máis aceptadas pola sociedade durante a etapa do anterior Executivo. A rede de escolas infantís posta en marcha por socialistas e nacionalistas continúa adiante, pero “responder por completo á demanda de pais e nais por unha praza de gardería” é un obxectivo ambicioso que Feijóo non pode, nin moito menos, dar por acadado. A prevista unificación de todas as garderías públicas non chega aínda para alcanzar as recomendacións europeas.

8 MOCIDADE

O QUE DI O CONTRATO

“Mocidade en primeiro plano. Ampliar as oportunidades para que os mozos poidan vivir, estudar e traballar na súa terra, con políticas de vivenda efectivas, abrindo máis opcións de formación, e facilitando a súa entrada no mercado laboral”.

O QUE SE FIXO

A taxa de paro xuvenil en Galicia segue sendo das máis altas do Estado, as dificultades para atopar vivenda non diminúen e a emigración entre os máis novos continúa a estar á orde do día. A antiga Consellería de Vivenda quedou incluída na de Medio Ambiente, Territorio e Infraestruturas e as axudas ao alugueiro quedaron diluídas. A austeridade afectou tamén ao sistema I+D galego, que verá reducidas as súas subvencións e as posibilidades investigadoras dos rapaces máis válidos.

9 EQUILIBRIO

O QUE DI O CONTRATO

“Equilibrio territorial. Garantir que todos os galegos teñan as mesmas oportunidades e servizos, vivan onde vivan, sexa no interior ou na costa, en cidades ou no rural”.

O QUE SE FIXO

Os sindicatos agrarios continúan denunciando a degradación do mundo rural, especialmente dun sector leiteiro que non levanta cabeza e que a crise está levando por diante. O interior continúa a despoboarse e os centros de día, fundamentais para o equilibrio territorial das zonas de interior, foron privatizados para aforrar “burocracia e gastos”.

10 MEDIOAMBIENTE

O QUE DI O CONTRATO

“Principios medioambientais. Ligar a política territorial ao medio ambiente e facer do respecto medioambiental un principio irrenunciable en todas as áreas de goberno”.

O QUE SE FIXO

A Xunta meteu man en Sogama, afogada pola polémica durante a última época do bipartito, pero a eficacia dos seus cambios aínda están por ver. A supresión da famosa lei dos 500 metros foi outra das medidas estrela fortemente criticada polos colectivos ecoloxistas, que reciminan tamén a escasa aposta na loita contra o cambio climático. Só a partir de 2013 se levarán a cabo medidas concretas contra o quecemento global e os Orzamentos reducen as partidas para este fin un 50%.

11 INNOVACIÓN

O QUE DI O CONTRATO

“Asumir a innovación como unha actitude de Goberno para permitir que Galicia se adiante a cada crise e poida gañar o seu propio futuro”.

O QUE SE FIXO

A Xunta desmantelou Mancomún e pretende recortar as subvencións aos centros de I+D, o que podería provocar, en palabras dos responsables, “unha nova emigración dos que máis valen”. Porén, a aposta por Microsoft continúa intacta.

12 ADMINISTRACIÓN

O QUE DI O CONTRATO

“Reforma da Administración. Reformar a Administración para gañar en capacidade de resposta e efectividade e facilitar o seu contacto cos cidadáns, eliminando burocracia evitable”.

O QUE SE FIXO

A medida estrela supuxo a creación da figura dos superdelegados, medida criticada pola oposición pero defendida desde a campaña polo Partido Popular. A Xunta reduciu asesores e levou a cabo os cambios que prometera nas consellerías, que agruparon varias áreas antes dispersas.

13 IDENTIDADE

O QUE DI O CONTRATO

“Identidade e liberdade. Recuperar os consensos arredor dos nosos símbolos identitarios, moi especialmente no idioma: o galego ten que ser un instrumento de unión, nunca de imposición e debe garantirse a liberdade para escoller lingua en todos os ámbitos”.

O QUE SE FIXO

Máis de 50.000 persoas contra a política lingüística do PP demostra que o consenso na lingua non foi, nin será, posible. O anuncio dun decreto do ensino que pode deixar o galego nun terzo das materias provocará máis protestas no futuro. A selección galega, o Culturgal ou o Estatuto son outras vítimas do proceso desgaleguizador do Goberno de Feijóo, un dos procesos máis criticados pola oposición, que ve o paso do presidente pola Xunta como un chanzo máis na súa carreira cara a Madrid.

14 DEMOCRACIA

O QUE DI O CONTRATO

“Rexeneración democrática. Gobernar para todos, independentemente das súas preferencias políticas, eliminar prácticas clientelares e aplicar con capacidade de reacción a asunción de responsabilidades nos supostos que correspondan”.



O QUE SE FIXO

As viaxes pagadas pola Deputación de Ourense aos emigrantes, denunciadas por Xornal, demostran que as prácticas clientelares continúan a existir. A pretendida rexeneración democrática abrangue tamén un caso Gürtel do que Feijóo evita responsabilidades, pero que pinga a máis dun dos seus achegados. As mocións de censura, por outra banda, continúan agromando en Galicia, sobre todo en Pontevedra, desde a chegada do PP ao poder.

A Xustiza e as mentiras do PP e dos medios de " incomunicación"

O concurso eólico do goberno bipartito ?co PSdeG e o BNG en San Caetano? foi paralizado sen que existisen motivos legais para facelo. O Tribunal Superior de Xustiza de Galicia (TSXG) comunicou onte que estima os recursos de súplica presentados por varias das empresas beneficiadas na repartición eólica e levanta a suspensión cautelar do decreto do bipartito, polo que se concederon máis de 2.000 megawatts de potencia eólica.

O TSXG suspendeu o proceso de repartición eólica o pasado mes de outubro para evitar prexuízos ?difíciles de reparar?, pero o concurso nunca se chegou a anular, nin mesmo pola Xunta de Galicia, que o suspendeu ao considerar que existían ?tachas graves de legalidade?.

O TSXG di no seu auto que o feito de que o concurso se atope paralizado pola vía administrativa ?é dicir, a Xunta, que suspendeu o proceso o 7 de agosto? fai que calquera reclamación ?a de Muíños de Vento Galegos, empresa que non obtivo ningunha concesión no concurso e que o recorreu, provocando así a súa suspensión cautelar? estea ?condenada ao fracaso?, polo que decide levantar a suspensión. Ademais, o TSXG di no auto que se mostra de acordo co letrado da Xunta de Galicia, que sostén que ?carece de obxecto? a medida cautelar de suspensión.

Isto proba, segundo as fontes xurídicas consultadas por Xornal, que ?non había motivo para paralizar o concurso? e que todo se debeu a ?unha decisión política? da Xunta de Galicia. É máis, na exposición de motivos da nova lei, as mesmas fontes critican que o motivo da derrogación do anterior decreto e a aprobación da nova normativa débase a un tema de ?incompatibilidade?.

Na lei dise literalmente que ?a incompatibilidade do novo modelo de aproveitamento eólico co ata agora vixente? motiva a ?falta de base do procedemento instruído ao abeiro do decreto 242/2007?. Isto constitúe unha ?inseguridade xurídica que pode ser motivo de moitos recursos? ante a Xustiza, din esas mesmas fontes.

Ademais, o feito de que o TSXG levante a suspensión demostra que ?non existían motivos legais? e que esta decisión senta un precedente para aquelas empresas beneficiadas no concurso do bipartito e que teñen pensado recorrer a Lei eólica da Xunta entre xaneiro e marzo do próximo ano.



REACCIÓNS

O PSdeG e o BNG mostraron sempre unha total oposición á decisión da Xunta de derrogar o decreto eólico do bipartito. Socialistas e nacionalistas nunca deron validez ao informe xurídico no que se apoiou o presidente da Xunta, Alberto Núñez Feijóo, para avalar a súa postura.

Abel Losada, portavoz de Industria dos socialistas no Parlamento, asegurou onte a Xornal de Galicia que a resolución do Tribunal Superior proba que a anulación do decreto eólico era ?unha maña? do Partido Popular, ?unha decisión política que non tiña nungún tipo de fundamento xurídico?.

?Foi un paso máis na reprogramación ideolóxica que iniciou o PP cando recuperou a Xunta de Galicia, non tiña ningún sentido a súa decisión sobre o sector eólico?, sostén Losada.

Para o deputado socialista, a resolución do TSXG suporá unha batalla legal entre as empresas que gañaran o concurso aberto polo bipartito e a Xunta. ?Haberá máis recursos e a Xunta dará unha mala imaxe; aínda que a decisión do Tribunal chega tarde, reforza a posición dos empresarios que se viron afectados?, engade Losada.

O secretario xeral dos socialistas, Manuel Pachi Vázquez, referiuse tamén en varias ocasións á suspensión do Goberno de Alberto Núñez Feijóo. Na súa opinión, o que sucedeu co sector eólico é unha proba máis do ?desgoberno? da Xunta.

Polo que respecta á Xunta, a Consellería de Industria limítase a asegurar que a nova lei servirá de impulso para as enerxías renovables en Galicia. Para o Executivo, eran numerosas as trabas legais que expuña o decreto do bipartito

O secretario xeral da patronal eólica, Íñigo Muniozguren, referiuse tamén á resolución do TSXG. Ao ?caer? o concurso do anterior goberno, ?o normal é que caian en efecto dominou? o resto de procesos administrativos e xudiciais derivados deste. Por iso, sinalou que entende que ?efecto non vai ter?, pois a lei aprobada suprime o decreto polo que se iniciou o concurso eólico. Por último, criticou o parón de cinco anos que sufriu o sector e os efectos que terá o prerregistro estatal. ?Galicia non ten megawatts maduros para entrar no prerregistro?, dixo, o que supón que outras comunidades ?gañaron esa cota?.

Os veciños de O Puntal non queren sucedaneos para o transporte público

Veciños do núcleo do Puntal, en Neda, mostraron onte o seu malestar ante o que consideraron «unha solución sucedánea», en alusión á ampliación da liña de Tranvías do Ferrol ata esa zona da estrada AC-115 (Neda-Fene) anunciado esta semana o alcalde tras a negociación da Xunta coa empresa. Iso supoñerá que cada dúas horas chegará un bus da liña 1-2 ata O Puntal, que se combinará cos percorridos de Arriva por esa estrada para que pase un bus cada hora polo núcleo. Os veciños manifestaron que é unha boa medida pero que seguirán demandando o convoi cada vinte minutos.
Voz

O BNG LOGRA NO CONGRESO DOS DEPUTADOS QUE TODOS OS GRUPOS SE POÑAN DE ACORDO PARA QUE A VAC BARREIROS-FERROL ESTEA REMATADA EN 2014

Francisco Jorquera advirte de que “o BNG estará vixiante para que se cumpra o acordado” e esíxelle ao Goberno de Feijóo “que, cumprindo o que o Partido Popular votou en Madrid, abandone a data de 2017 para rematar o tramo Barreiros-Ferrol”

Madrid, 16 Decembro 09.- O portavoz do BNG no Congreso dos Deputados, Francisco Jorquera, logrou hoxe na Comisión de Fomento do Congreso dos Deputados que todos os grupos se puxeran de acordo para aprobar para que a Vía de Alta Capacidade Barreiros-Ferrol estea rematada no ano 2014.

En concreto, a iniciativa impulsada polo BNG, e á que se incorporaron emendas do PP e do PSOE, insta ao Ministerio de Fomento a “impulsar os trámites do estudo informativo do tramo San Cibrao-Barreiros, que permitan a súa aprobación tan pronto como se dispoña da Declaración de Impacto Ambiental, a fin de redactar os correspondentes proxectos e acordar coa Xunta de Galiza as actuacións oportunas”.

Remate do VAC Barreiros-Ferrol no 2014

A continuación, todos os grupos do Congreso dos Deputados asumiron o mesmo acordo que aprobou o Pleno da Deputación de Lugo o pasado 23 de novembro. Deste xeito, a iniciativa aprobada esta tarde tamén consta dos seguintes puntos:

1. Instar al Gobierno del Estado a establecer un plazo de ejecución para o proyecto y la obra de la Autovía de conexión entre S Cibrao y Barreiros, una vez sea aprobado de forma definitiva su estudio informativo.

2. Instar a la Xunta de Galicia a que establezcan las fechas de licitación de las obras de los tramos VAC Costa Norte entre Ferrol y S Cibrao que actualmente se encuentran en fase de redacción de proyecto.

3. Instar a ambas administraciones a que procedan a acordar un cronograma con plazos y consignaciones presupuestarias suficientes que permitan acabar la Vía de Alta Capacidad Barreiros-Ferrol en el horizonte de 2014.

“Núñez Feijoo debe tomar nota e abandonar a data de 2017 para rematar o tramo Barreiros-Ferrol”

Francisco Jorquera considera que a iniciativa impulsada polo BNG “e aprobada entre outros, polos deputados galegos do PP, debe levar ao Goberno de Alberto Núñez Feijóo a reconsiderar a súa postura, xa que hai unhas semanas rexeitou no Parlamento Galego unha iniciativa do BNG no mesmo sentido”.

Pero sobre todo, o deputado do BNG considera que a iniciativa aprobada hoxe no Congreso dos Deputados “debe levar á Xunta de Galiza a desbotar dunha vez a data de 2017 para rematar o tramo Barreiros-Ferrol”.

“Se quere ser consecuente co que os deputados galegos do PP votaron hoxe no Congreso debería adiantar a data de remate das obras ao 2014”, subliñou.

Asemade, Francisco Jorquera criticou os incumprimentos do Ministerio de Fomento coa parte que lle corresponde deste vial, o tramo San Cibrao-Barreiros. Lembrou que “a pesar de que desde o ano 2004 se consignaron partidas nos orzamentos do Estado para esta obra, só se executaron as do orzamentos do pasado ano, que permitiron elaborar o estudo informativo”.

Neste sentido, o deputado nacionalista advertiu de que “o BNG estará vixilante para que o acordado se cumpra, porque se estaría castigando co illamento a miles de persoas das comarcas de Ferrolterra, Eume, Ortegal e A Mariña”.

Francisco Jorquera lembrou que “o desenvolvemento económico futuro desta área, que conta cunha poboación dunhas 300.000 persoas, está condicionado a que se acometa esta obra no prazo acordado”.

Nación e demonización

Nestes días en que observamos a epopeia dunha muller, que pola sua actitude de dignidade está a bater as conciencias. Agochada nun rincón dun aeroporto fronte ás costas da súa patria. Nestes tempos terríbeis de pensamento teledirixido nos que existen aqueles que son quen de emocionarse cando escoitan nos filmes norteamericanos a frase “our nation” mentres ondea a bandeira das barras e estrelas. Os que non se alporizaron cando a palabra máis repetida no discurso de Barack Obama o día en que tomou posesión do cargo foi “nation”, concretamente 15 veces. Eses, pola contra, demonizan esta palabra cando se trata do estado español e a súa realidade plurinacional, pregando entre outras cuestións, por unha sentenza en contra do Estatut catalá. Eles son os que me fixeron lembrar un pequeno libro mercado hai moitos anos xa, nunha librería chamada Gandhi onde ían comprar os libros prohibidos, entre outros, os xesuítas que estaban a facer a revolución nun pequeno país de Centroamérica liderados polo asasinado Ellacuría. Ese libro pequeno polo número de páxinas, tenno entanto unha inmensa carga no seu título “España última colonia de sí misma”.

Dende logo non vou escribir nestas liñas un discurso histórico e doutrinal sobre o concepto nación, entre outras razóns porque tamén a saturación deste tipo de discursos remata converténdose en moitas ocasións en algo inintelixible para a meirande parte dos cidadáns, cuxas vidas están moi alonxadas da política, simplemente porque se atopan na loita cotiá. Tento soamente retratar o cinismo e o papanatismo co que se ensalza noutras latitudes e como se demoniza na propia. Conceptos coma nación, identidade nacional ou realidade nacional son sometidos aquí a duras críticas, exaltando falsas mitoloxías, impugnándolle culpabilidades. Unha farsa creada arredor de dúas realidades que lle presentan á cidadanía as orientacións universalistas e a democracia fronte ao particularismo da nación que se delimita a si mesma fronte ao resto. Hai dous camiños ante isto, ou ben aceptar docilmente estas convencións que se establecen dende fóra e que non fan máis que irradiar o pensamento reitor que parte dos centros do poder estatal, ou pola outra, a posibilidade de partir de nós mesmos, segundo somos, co fin de adquirir o que é verdadeiramente universal, a través da peneira do propio. Nun mundo globalizado habitado por cidadáns multiconectados vía internet, no que se esvaecen as fronteiras, non é máis ben o estado-nación o que se derruba? Confúndense os que apostan por unha imposible homoxeinización e os que tentan o ataque dende esa perspectiva, xa que ese pode ser o motor do cambio e das transformacións político-institucionais. A idea de nación dentro desta perspectiva non pode ser eliminada da reflexión e ó debate actual. Convértese pola contra no factor estratéxico na autodeterminación democrática.

Porque cando falamos de nación, temos que situarnos no plano dos cidadáns, pero non só como o cerne dun poder político, senón coma un conxunto de individuos con un pasado e unha historia común, que tamén teñen unha vontade de futuro común. Xa que ademais do espazo compartido, determinado polo azar e alonxado de toda decisión persoal, está o elixido libre e voluntariamente por coincidencia nun proxecto colectivo.
XORNAL

O BNG obtén sete millóns de euros para Galiza a cambio de rexeitar os vetos

A Comisión de Orzamentos do Senado rexeitou hoxe os vetos aos Orzamentos presentados por PP, CIU ERC e ICV, con 13 votos a favor e 13 en contra, polo que as propostas de veto pasan a debaterse e votarse no Pleno da Cámara Alta a próxima semana.

Pérez Bouza subliñou que o BNG segue mantendo unha "posición en contra" das contas públicas, pero opta pola decisión "máis útil" para Galiza, e non apoiar un rexeitamento no Senado "que ten un carácter simbólico".

Ademais, o acordo inclúe unha emenda que permite que os municipios poidan participar no proceso de elaboración dos relatorios de valores, en base ás que se cobra o IBI dos Bens Inmobles de Características Especiais (BICES).

Valoración catastral

Bouza explicou que até agora se producía unha "situación inxusta" na que moitos concellos se vían prexudicados polo descenso na valoración catastral dos BICES, o que repercutía nunha diminución dos seus ingresos a través do IBI. "De saír adiante os vetos no Senado, non poderiamos conseguir estas melloras", sinalou o senador do BNG.

O Bloque recordou que, "dentro dun posicionamento global en contra das contas presentadas polo Goberno", conseguiu nas negociacións "que as partidas de investimentos en Galiza se incrementasen nuns 40 millóns", así como "cambios como a reforma da Lei Beckham para finalizar cos privilexios fiscais das estrelas de fútbol"
ANT.

San Sadurniño prepárase para o cambio climático

O alcalde de San Sadurniño, Secundino García Casal, e responsábeis da Asociación Picos do Sol presentaron onte na Casa de Cultura do Concello o Plan de Fomento das Enerxías Renovábeis co que o municipio ten a misión de facilitar ferramentas aos seus veciños para favorecer o uso da enerxía solar –principalmente a térmica– e cumprir coa responsabilidade institucional de facer fronte ao cambio climático.

Este plan presentado onte e que conta co financiamento da Consellaría de Medio Ambiente, desenvolverase ao longo dos vindeiros doce meses, contará cunha primeira fase na que técnicos de Picos do Sol fará unha campaña informativa porta por porta e charlas nas parroquias da localidade para dar a coñecer a enerxía solar e a súa viabilidade.

A segunda fase do plan baséase en catro accións: a promulgación dunha Ordenanza Solar Municipal que estimule con exencións de taxas as instalacións de placas solares; a constitución de Promosol, un grupo de consumo de colectores solares térmicos que favoreza o abaratamento do custo e fornecemento das redes comunitarias; a implantación do sistema de recollida de aceites vexetais usados Oliklak a través dos alumnos dos colexios aos que se lles facilita unha garrafa de 1,5 litros e cuxo rendemento económico reverterá nos propios alumnos do centro; e a exposición e demostración dos usos das enerxías solares.

Con esta iniciativa San Sadurniño, de 3.500 habitantes e 1.500 vivendas, aspira a reducir a contaminación, cumprir cos obxectivos do Plan de Enerxías Renovábeis, e propiciar o aforro no gasto enerxético das familias.

Entrevista TV Localia

Recorte dun 75,4% aos fondos da Xunta para discapacitados

A reiterada promesa de “manter” e mesmo “aumentar” o gasto destinado a áreas sociais nos Orzamentos Xerais da Xunta para o vindeiro 2010 volve bater coa realidade das contas públicas dos vindeiros doce meses, que xa tramita o Parlamento.

Á redución, xa avanzada por este diario, de case 200 millóns de euros en diferentes partidas do ámbito social, engádese unha drástica tesoirada aos fondos destinados a entidades cuxo labor social ten sido, historicamente, coidado polo Goberno galego, isto é, os colectivos de axuda a persoas con discapacidade.

A análise do proxecto de Orzamento da Consellería de Traballo e Benestar mostra ás claras unha drástica redución nas asignacións orzamentarias para estes colectivos, nomeadamente, coa desaparición dos convenios que financian o funcionamento ordinario de entidades senlleiras na comunidade, como a Confederación Galega de Persoas con Discapacidade (Cogami), a Federación de Asociacións en Favor das Persoas con Discapacidade Intelectual (Fademga), ou a asociación Down Galicia.

Fronte aos 4,8 millóns de euros que, no exercicio de 2009, destinou a antiga Vicepresidencia do Benestar á actividade destes colectivos, o novo departamento de Traballo e Benestar reduce drasticamente a asignación, deixándoa en apenas 1,2 millóns ou, o que é o mesmo, rebaixándo nun 75,4% os fondos distribuídos, a través de convenios , polo departamento entón dirixido por Anxo Quintana.

Entre as partidas que a consellería de Beatriz Mato fai desaparecer en 2010 destacan os convenios de apoio a Cogami, que non contará coa axuda para a “formación de persoas con discapacidade física” que en 2009 acadou os 427.516 euros, cos 156.500 para o seu centro de formación en Lugo nin con 400.000 euros para outras actividades.

Na mesma situación atópase Feafes, especializada na atención ás enfermidades mentais, e que xa non recibirá os 400.000 euros asignados pola Vicepresidencia hai un ano. Algo semellante acontece con Down Galicia, que verá minguar o seu orzamentos en 250.000 euros e mais con Fademga –entidade coa que a número dous da consellería, Susana López Abella, compartiu onte un acto público–, que deixará de percibir 230.000 euros ou a entidade deportiva para persoas con discapacidade, á que se reservaran 220.000 euros nos derradeiros Orzamentos do bipartito.

Nas primeiras contas públicas do Executivo do PPdeG, todas as vías de colaboración económica con estas entidades quedan reducidas a dúas partidas xenéricas. A primeira delas, de 601.115 euros, ten por obxecto as “transferencias a asociacións e centros de minusválidos físicos, psíquicos e sensoriais”, unha partida xa criticada pola oposición parlamentaria, ao recuperar o termo “minusválidos”.

Este apartado do Orzamento complétase con 584.016 euros que terán como destino os “convenios de formación de persoas con discapacidade”, completando así o total de 1,2 millóns de euros
noticia Xornal

O consumo de Carbón en As Pontes

Nos últimos días asistimos a unha importante folga do transporte de carbón, por mor do cambio de concesionaria, e tamén coñecemos datos sobre a importancia que ten o tránsito de carbón importado para os resultados económicos da Autoridade Portuaria de Ferrol-San Cibrao. Porén, malia ficar clara cos exemplos anteriormente citados a importancia económica deste sector na nosa comarca, non se coñece ningunha xestión por parte das administracións públicas, nomeadamente a Xunta, nin por outros axentes sociais, sobre a garantía do consumo habitual de carbón na central térmica de As Pontes.
Nestes momentos hai un debate aberto nas zonas mineiras do Estado sobre a necesidade urxente de consumo de carbón autóctono para a producción eléctrica. Agora, polo seu alto prezo, case non se consume este carbón e as centrais térmicas que funcionan con este mineral teñen acumulado moreas de toneladas nos seus parques de carbóns, nalgún caso mesmo para o consumo normal de todo un ano.
Asemade, a crise está incidindo de forma directa no consumo eléctrico e, a outubro deste ano,
rexístrase unha baixada do 4,6% a respecto do mesmo tempo do ano pasado, e debemos lembrar que o ano 2008 foi o de menor crecemento de consumo desde o ano 1993.
Se a estes factores sumamos que a potencia instalada no Estado (a capacidade de producir enerxía) incrementouse nese tempo nun 5% -sobre todo en ciclos combinados e en renovábeis- veremos a complexa situación para darlle saída ao carbón autóctono.
Por iso, a presión de axentes sociais, políticos e institucionais de diferentes comunidades autónomas provocou a aprobación por parte do Goberno do Estado dun borrador de Real Decreto, que está agora en fase de alegacións para ser aprobado antes de fin de ano, co fin de primar económicamente e favorecer o consumo de carbón autóctono por parte das nove centrais térmicas que o consumen no Estado, ningunha delas en Galiza.
Loxicamente, a posta en funcionamento destas centrais, provocará que outras tecnoloxías queden fóra do mercado, nelas podería estar, entre outras, o carbón importado que se consume nas Pontes e en Cerceda. Mais nesta situación non coñecemos ningunha xestión, nin de axentes sociais nin da Xunta do PP -máis interesada en derrubar as actuacións do goberno do bipartito BNG-PSOE que en gobernar este país- para garantir que o novo Real Decreto non afecte á actividade económica da nosa comarca.
Mentres, para as empresas eléctricas -expertas en negociacións deste tipo co Goberno do Estado- o borrador do Real Decreto recolle que as centrais que deixen de producir, para darlle prioridade ao carbón autóctono, cobrarán o lucro cesante; é dicir, poderán manter os ingresos e mesmo aforrar nos custos de mantemento e de subministro.
Mágoa que mentras que noutras zonas do Estado, ben sexa por cuestións territoriais, sociais ou de postos de traballo, estáse a defender este sector ante o impacto que ten na súa economía; no caso de Galiza a Xunta fica desaparecida. A enerxía, polo que se vé, non é o seu ponto forte...

O BNG logra incrementar as partidas orzamentarias do Estado para Galiza

Francisco Jorquera e Olaia Fernández Davila Este incremento das partidas está acompañado doutras melloras conseguidas polo BNG como beneficios fiscais para o sector agrario. A isto hai que engadirlle o impacto económico das transaccionais pactadas onte polo BNG na Comisión de Orzamentos, como é a prórroga do Plan 2000E para renovar o parque de automóbiles, o mantemento da dedución dos 400 euros para as rendas máis baixas e a modificación da coñecida como “Lei Beckham”.

Hoxe, Francisco Jorquera chegou a acordos transaccionais co grupo socialista na Comisión de Orzamentos en relación ás partidas para Galiza. Uns acordos que non van variar a posición do BNG contraria aos Orzamentos estatais 2010, xa que o os nacionalistas galegos non modifican a avaliación global que fan destas contas estatais “coas que estamos en profundo desacordo”.

29 millóns máis para os investimentos en Galiza

No que atinxe aos investimentos territorializados, o BNG conseguiu uns 29 millóns de euros máis para Galiza en capítulos como o ferroviario e investimentos locais en materias como cultura, vivenda e medio ambiente.

En relación ao capítulo ferroviario, o BNG conseguiu os seguintes incrementos de partidas, catro millóns de euros para o tramo do Eixo Atlántico Ferrol-A Coruña, dous millóns para o tramo do AVE Lugo-Ourense e un millón para o tramo do AVE Vigo-fronteira portuguesa

Na materia referida ao medio ambiente, destínase unha partida dun millón de euros para a rexeneración da Ría de O Burgo.

O resto vai parar a diversos investimentos locais a negociar con concellos e que teñen relación con materias como a cultura, o medio ambiente e vivenda.

Melloras fiscais para o sector agrario
Respecto aos beneficios fiscais para o sector agrario, Jorquera explicou que “conseguimos que para o 2010 se adecúen os módulos no sector gandeiro, especialmente nas explotacións lácteas, ás circunstancias de crise económica derivada dos baixos prezos no sector, sen esquecer outros axustes debidos a situacións climatolóxicas ou perdas de produción que poidan xurdir.

Ademais, os nacionalistas galegos lograron unha conxelación das cotizacións sociais dos gandeiros que así non se teñen que enfrontar a subas para o 2010.

A Legalidade do Concurso Eólico

1. Limiar. Os primeiros meses do Goberno de Feijóo.

A Xunta aprobou o xoves un proxecto de lei regulador da enerxía eólica que derroga o Decreto aprobado polo bipartito. Unha vez o aprobe o Parlamento de Galicia, o conselleiro de Economía e Industria acordará, ao abeiro do Dereito Transitorio, o desestimento das adxudicacións do anterior Goberno que resolveron o concurso eólico convocado ao abeiro do devandito Decreto regulador.

A adopción desta medida non se albiscaba inmediata aló polos primeiros meses do Goberno Feijóo, cando o director xeral de Industria, Angel Tahoces, chegou a recoñecer que os emprazamentos dos parques admitidos polo Goberno anterior eran ambientalmente correctos, respectando plenamente a Rede Natura.

Mais semella que no interín, dende outras consellarías do Goberno se traballaba nunha folla de ruta distinta. E esta opción abriuse paso entre manifestacións públicas de Iberdrola e Gas Natural de que presentarían as súas ofertas a un novo concurso, novo concurso que semellaba xuridicamente imposíbel sen un acordo do Consello Consultivo ou unha sentenza do Tribunal Superior de Xustiza de Galicia contrarios ao Decreto. Iberdrola e Gas Natural non haberían sospeitar a posibilidade da repetición do concurso, de non ser por dispór dalgunha información privilexiada ou por confiar na boa fin do traballo de “lobby” que de xeito continuo exerceron dende a mesma data da toma de posesión do novo Goberno.

Mentres, a propia Xunta defendía perante o TSXG (no marco dun contencioso interposto por Endesa contra o Decreto eólico) a legalidade do Decreto do bipartito, existindo un asisado informe nese senso dun alto cargo da Asesoría Xurídica da Xunta unanimemente ben considerado pola súa independencia política e preparación xurídica.

2. A solución do Goberno Feijóo: un enxeño xurídico inconstitucional.

O Decreto do Goberno anterior era legal e ía resultar case imposíbel acadar a súa anulación polas vías previstas na Lei: declarala radicalmente nula (por gravísimas infraccións xurídicas) previo informe favorábel do Consello Consultivo ou pedirlle ao TSXG unha sentenza anulatoria por infraccións xurídicas ordinarias. Para superar estas, aparentementes insuperábeis eivas, botouse mán dun artificio xurídico: os 29 adxudicatarios do concurso eólico non serían titulares de dereitos, porque a adxudicación non era definitiva. E, atopado este artificio, elixiuse a vía máis acaída para dificultar o acceso dos adxudicatarios á xurisdición: a aprobación dunha Lei. Porque, aprobada a lei e desestida, ao seu abeiro, a anterior adxudicación polo Goberno, os adxudicatarios prexudicados poderán recorrer perante o TSXG eses actos de desestimento. Mais o TSXG, para lles poder amparar en sentenza aos adxudicatarios, requirirá que previamente o Tribunal Constitucional declare inconstitucional este artificio xurídico, ao ter rango de Lei.

¿Por qué é inconstitucional esta solución? Porque vulnera as bases do réxime xurídico das Administracións Públicas, concretamente, das garantías (emanadas do dereito á tutela efectiva do artigo 24 da Constitución) que impiden a anulación de actos administrativos executivos e creadores de facultades e dereitos para os administrados pola actuación de Gobernos posteriores.

¿Por qué a adxudicación pasada xera dereitos a prol dos adxudicatarios? Porqué seleccionou os proxectos gañadores do concurso até a potencia máxima do mesmo. Deste xeito, a partires da presentación de cadansúas solicitudes de autorización, os adxudicatarios son xa titulares do dereito a obter a autorización administrativa para o seu proxecto logo da comprobación da súa legalidade e viabilidade técnica, xa avaliadas de xeito inicial na fase de selección do concurso.

3. A gravísima responsabilidade patrimonial da Xunta.

Os adxudicatarios teñen investido importantes cantidades en proxectos, estudos de medición do vento e outros, na merca de terreos ou en pagamentos a conta para que se lle fabriquen os muíños. Esas cantidades investidas haberán ser devolvidas aos investidores cos seus correspondentes xuros de demora. Porén, a indemnización incluiría tamén os beneficios deixados de perceber, por exemplo coa redución da prima por produción de enerxía eólica ou no caso de non poder instalar os parques por terse esgotado xa a capacidade de produción e evacuación a medio de novas autorizacións (novo concurso previsto na Lei). As indemnizacións a percebir serán potencialmente moi altas e pagarémolas entre todos.

4. Plena legalidade do decreto eólico do bipartito.

A Xunta alegaba en agosto catro razóns de ilegalidade no Decreto arestora vixente. A primeira baseábase en que a avaliación como mérito da oferta de participación pública vulneraba o dereito constitucional á libre empresa. Mais o Consello Consultivo xa deixara ben claro que a consideración como simple mérito da cesión pública era legal. Por outra banda, obxectábase que a Consellaría non tiña competencias para decidir a participación da Xunta de Galicia nunha empresa. Mais, a Consellaría só avaliaba o ofrecimento de participación que os distintos adxudicatarios prantexaron. Sería o Consello da Xunta quen tiña que aceptar os ofrecimentos das empresas e acordar a participación que asumiría a Xunta.

Alegaba tamén a Xunta que o Decreto non esixía a acreditación da aprobación do ponto de interconexión, cando si o facía na fase de autorización administrativa. E manifestaba que o concurso era propio dun sistema concesional e a explotación da enerxía eólica hase desenvolver legalmente a medio de autorizacións administrativas regradas. Porén, a Xunta continuará co sistema de concorrencia competititiva no novo marco legal, facendo bó o esquema do bipartito. E o bipartito respectaba este réxime de autorización regrada para todos aqueles que superaran o trámite de selección en réxime de concorrencia competitiva.

5. Un proceso cheo de incidentes.

Chamou a atención que o anteproxecto fose anunciado o xoves 6 de agosto, por mor da filtración publicada o mércores 5 en algúns medios. E o informe da directora xeral que ampara a desmontaxe gobernamental (contrastando con completos informes anteriores dalgún dos seus altos cargos) non saiu desa Asesoría Xurídica até o xoves 6, segundo o rexistro de saída.

Tramitouse un incidente de suspensión do Decreto no marco dun contencioso presentado por un dos empresarios que non obtiveron a selección dos seus proxectos. E a Xunta, vulnerando o precedente administrativo universal que lle obriga a defender os seus propios actos, non compareceu perante o TSXG nin alegou a prol da adxudicación eólica efectuada na legalidade polo Goberno.

A Xunta non atendeu a grave advertencia do informe do Consello Económico e Social (CES) verbo do proxecto, que advertía da probábel vulneración dos lexítimos dereitos dos adxudicatarios.

6. Conclusións.

O Decreto eólico do bipartito é legal. A desmontaxe da adxudicación do concurso eólico, prantexada pola Xunta de Feijóo, constitúe un artificio inconstitucional para obviar os dereitos dos adxudicatarios.

Eliminarase antixuridicamente unha decisión administrativa legal que ía xerar 8.000 empregos cun investimento en plans industrias asociados de 1.800 €/galego e que ía deixar nas arcas públicas o 14,3% dos beneficios da enerxía producida. Unha decisión administrativa plenamente xurídica que afortalaba a capacidade de amplos sectores empresariais galegos para canear a crise.

Desmóntase, pois, unha política legal útil para que a economía galega e o tecido empresarial galego remonten a crise. Desmóntase, pois, unha política creadora de riqueza e de emprego. A empresa galega é a grande prexudicada. E os máis satisfeitos coa solución do Goberno de Feijóo son as grandes distribuidoras eléctricas, ningunha delas galega

Pleno BUS A O PUNTAL

A corporación de Neda reuniuse onte nun pleno extraordinario que deu comezo ás nove da mañá para tratar un único punto: unha moción presentada pola oposición para que, a grandes liñas, tómense novas medidas para reclamar melloras no transporte público ao Puntal. Na actualidade a zona cóbrea Arriva co autobús que vai de Ferrol á Coruña, pero a súa frecuencia é moi escasa. Os veciños piden que chegue ao lugar a liña de Tranvías entre a vila e Ferrol.
A efectos de votación, o goberno municipal de Terra Galega e PP -como xa adiantara en comisión- tombou o texto presentado por PSOE, BNG e EU. E, na práctica, o debate converteuse nunha pelexa polos méritos. Porque aínda que o problema aínda non está liquidado, a Xunta anunciou o pasado mércores que en decembro comezará un novo servizo de transporte no lugar mesturando buses de Arriva e Tranvías a modo «experimental». Cos seus resultados estabilizarase logo unha fórmula definitiva.
O alcalde, Ignacio Cabezón (Terra Galega), declarou onte ao termo do pleno que esa era a mellor mostra de que «xa hai unha solución» que responde a que a coalición «fixo os deberes desde que chegou ao goberno nas últimas municipais, con xestións ante a Xunta do bipartito e agora coa do PP». E recordou que antes «non houbo resultados».
A óptica dos grupos da oposición era diametralmente oposta ao final da reunión. Para a socialista Begoña Balsa «o alcalde utilizou o pleno para porse medallas e volveu demostrar que non lle importan nin as opinións nin as inquietudes do resto de grupos». Recordou que na etapa de goberno do PSOE tamén houbo «avances» e anuncios da Xunta «de palabra que non se cumpriron».
Rosa Llago, de EU, sinalou que a moción de onte non tiña como obxectivo «poñer en entredito as xestións do actual goberno» senón «apoiar as reivindicacións dous veciños do Puntal». E censurou: «Agora semella que antes non movíase unha palla non Concello para tratar de resolver isto, cando hai documentación dabondo de que iso non é así».
O nacionalista Manuel Castro, pola súa banda, tamén considerou «unha mágoa» que non se aprobase un texto «que non ía en contra de ninguén, senón en apoio aos veciños do Puntal». Apelou tamén o traballo do BNG «que ata rexistrou iniciativas parlamentarias» sobre o asunto e dixo non fiarse dos anuncios da Xunta, dado que «eu teño un escrito do 2006 non que ou Goberno galego dí case ou mesmo que agora e non se fixo nada».
Os cidadáns
Rubén Río, portavoz da coordinadora cidadá para mellorar o transporte público no Puntal, declarou, por unha banda, que «seguimos vendo moitas ambiguedades en todo isto» e que as prometidas melloras «crerémonolas cando se cumplan, cando cheguen os autobuses>>. Si callan asegurou >>, será grazas as mobilizacións dos veciños, xa que senón non teriemos nada.
A Voz

As declaracions do Director Xeral Sr. Bugarin ( O PP que diga o que queira ), a realidade é esta

La Xunta retrasa hasta el verano el nuevo Plan de Transporte Público
La puesta en servicio del nuevo plan de transporte metropolitano en la comarca, que en teoría está llamado a mejorar el que se activó en el 2005 y supuso la rebaja del precio del billete en los autobuses, volverá a sufrir un retraso.
En la actualidad se trabaja con ese documento inicial prorrogado, ya que su vigencia original era de cuatro años. El bipartito, primero, no fue capaz de culminar su renovación en el calendario adecuado. Ahora, los populares también lo están demorando más de lo previsto.
Tal y como publicó La Voz el 21 de junio, en aquel momento fuentes de la Consellería de Medio Ambiente, Territorio e Infraestruturas señalaron que entraría en vigor «a finais de ano». Ese plazo queda tumbado.
Así lo indicó ayer en Ferrol el director xeral de Mobilidade, Miguel Rodríguez Bugarín, en el marco de un encuentro con representantes municipales de Ferrol, Ares, Cabanas, Fene, Mugardos, Narón, Neda, Pontedeume y Valdoviño. En esa mesa, según se informó desde la propia Consellería de Medio Ambiente, Territorio e Infraestruturas, el alto cargo del Gobierno gallego informó de que será «a comenzos do próximo verán» cuando ese documento renovado verá la luz. En otras palabras, ahora tardará medio año más de lo anunciado inicialmente.
En la práctica, supone retrasar la aplicación de las propuestas que realizan los concellos y nuevas ventajas para los usuarios. La Xunta destacó ayer que habrá «medidas tecnolóxicas e investimentos que redundarán nunha mellora dos servizos que ata o de agora se veñen prestando». No se explicitó oficialmente, no obstante, en qué consistirán. Entre ellas se esperan, por ejemplo, nuevos sistemas tarifarios, mejora de infraestructuras como las marquesinas, adaptación de horarios y rutas y la incorporación de Cedeira.
Así, el encuentro de ayer sirvió para prorrogar el convenio del 2005 hasta que entre en vigor el nuevo.

Continuan as mobilizacións dos veciños de O Puntal

Por terceira vez en dúas semanas, os veciños da zona nedense de O Puntal protagonizaron un corte de tráfico para reclamar un mellor servizo de transporte público na área. Actualmente, a concesión no lugar é de Arriva, que a cobre co autobús entre Ferrol e A Coruña. A súa escasa frecuencia non cubre as necesidades cidadás, que piden que esta se incremente ou que chegue até o núcleo a liña de Tranvías que hoxe queda no Camiño do Regueiro, a un quilómetro e medio.
A protesta de onte foi tan pacífica como longa.
Sobre as cinco da tarde os residentes na zona comezaron a congregarse nun paso de peóns do viario que une Neda e Fene. Reuníronse preto dun centenar de persoas que, ás 17.30 horas, fixeron unha cadea humana para cortar o paso do autobús de Arriva con rumbo á cidade herculina. Unha pancarta, un megáfono, chifres, chalecos reivindicativos... Todo servía para que a reclamación fixésese notar.
Non foi até unha hora máis tarde cando se disolveu a protesta e a circulación volveu á normalidade. Agardaron os manifestantes a que chegase o autobús de Arriva en sentido contrario para, deste xeito, paralizar os dous e focalizar as protestas, neste caso, cara a esa compañía. Non se evitou, no entanto, que os centos de vehículos que accedían ao lugar nas dúas direccións desen volta e buscasen alternativas por outras pistas próximas. Isto solucionou o problema de que se producisen retencións quilométricas, pero non impediu que a zona se convertese nun enorme foco de colapso.
Foi media hora despois de que se iniciase o corte cando se acudiron no lugar axentes da Garda Civil e de Tráfico. Os primeiros reclamaron autorización aos cidadáns para a súa protesta. Mostróuselles unha comunicación enviada o xoves á Subdelegación do Goberno informando da súa intención de mobilizarse. Os segundos axudaron a regular o tráfico.
Até os veciños indicaban amablemente aos condutores que se baixaban para preguntar por onde escapar do lugar. A obxectivo era deter aos autobuses de Arriva. E conseguiuse.
Os froitos das protestas, no entanto, fanse esperar. Os cidadáns agardan que sexa xa por pouco tempo.

Os veciños do Puntal piden o bus

A falta dun servizo de transporte público adecuado recrudeceo as protestas que emprenderon os veciños de O Puntal, en Neda. Se o pasado venres cortaban o tráfico durante un cuarto de hora nese lugar, este xoves día 17 de outubro fixeron o mesmo no centro da vila, xusto fronte ao Concello, en dúas ocasións en menos de trinta minutos.
Todo desenvolveuse de forma pacífica, aínda que se provocaron importantes retencións de vehículos. De 12.20 a 12.30, e tras unha concentración previa, os cidadáns bloquearon a estrada principal do municipio cando ía pasar o autobús de Tranvías que une a zona con Ferrol. é, precisamente, o que queren que chegue até O Puntal. Na actualidade queda quilómetro e medio antes,
no Camiño do Regueiro.
Pouco despois, ás 12.35, repetiron a operación cando se achegou o vehículo de transporte colectivo de Arriva. é esa compañía a que ten a concesión na zona e cúbrea co coche que fai a ruta Ferrol-A Coruña, aínda que a súa frecuencia é moi escasa e, para os residentes de O Puntal, o servizo é deficiente.
Aproveitaron a manifestación, tamén, para solicitar a colaboración do Concello e, en concreto, a do alcalde. Con berros de «Cabezón, solución!» e «Cabezón, sal ao balcón!», en alusión ao rexedor, pedían «polo menos un xesto de que nos van a axudar de verdade a conseguir ou noso obxectivo», tal e como explicaba ao termo da mobilización Rubén Río, que onte exerceu de portavoz do colectivo.
Desde o grupo de goberno recentemente pedíaselle á veciños «confianza» nas súas xestións para resolver a situación e que a liña de Tranvías chegue a O Puntal, unha zona na que residen ao redor de setecentos cidadáns, moitos deles maiores de 60 anos e que necesitan o autobús para desprazarse, por exemplo, ao centro médico ou a facer a compra.
Os veciños, no entanto, xa anunciaron onte que se non hai avances, a finais da próxima semana -probablemente o venres pola tarde- haberá unha nova protesta «e esta vez será máis forte». Agradecen aos cidadáns que se viron afectados «a súa paciencia e a cordialidade que demostraron».

Os primeiros orzamentos de Feijóo

Logo de anunciar a catástrofe económica en forma de buratos financeiros herdados do Goberno anterior, de utilizar a excusa da falta de recursos para acometer toda caste de recortes nos servizos e nas prestacións públicas, de fantasear con inexistentes planos de choque fronte á crise que non se traduciron en ningunha medida concreta e, enfin, de ameazar cunha drástica baixada nos orzamentos para 2010…, despois de todo iso a Xunta de Feijóo apresenta (por en canto apenas parcialmente: a nota de imprensa do Consello da Xunta e un power point na web da Consellaría de Facenda, en total 26 páxinas) un proxecto de orzamentos para o próximo exercicio no que a redución a respecto de 2009 limítase a 741 millóns de euros, un 3,3%, ben lonxe daquela drástica caída do 15% prognosticada hai un mes escaso pola conselleira de Facenda. Ao fío destes dados imponse unha primeira conclusión: que foi do desfase de 1.200 millóns de euros legado polo bipartito?

Canto ao cadro macroeconómico, o PP demonstra, máis unha vez, a súa incapacidade de elaborar un cadro propio para Galiza (o que publicitan é unha mera proxección dos estudos realizados para o conxunto estatal poloGgoberno español e por centros de estudo e análise privados, na súa maioría ligados ás entidades financeiras) e mesmo de planificar orzamentalmente o conxunto da lexislatura, tal e como onte denunciaba nestas páxinas Xesús Veiga. Trátase dun “ti vai facendo” financeiro que abala entre o derrotismo en materia de ocupación (estímase un incremento do paro de máis de dous puntos, até o 15%) coherente co abandono das políticas de emprego e o optimismo desatado á hora de estimar os efectos económicos do ano Xacobeo. E quizais sexa iso o que nos cómpre: pornos en mans do Apóstolo á vista da insolvencia do goberno de Feijóo. Porque imos precisar fe, moita fe, para darmos por bos os datos ofrecidos tras do Consello da Xunta do pasado xoves e que non resisten o mínimo contraste coa realidade non opinábel dos números. Reparemos senón nalgúns exemplos:

–O ano pasado o orzamento para servizos sociais ascendeu a 570 M€. Seica este ano, cun orzamento global de 577M€, o gasto en dependencia vai experimentar un incremento de 74, suba obrigada polo propio calendario de aplicación da Lei. Daquela, que outras partidas se van reducir? Residencias, centros de día, galescolas, discapacidade, menores …? Ú-la solidariedade?

–Os orzamentos sanitarios sofren unha redución de 38M€. Os educativos baixan 32 M€. O aforro en gasto corrente fica nun pírrico 1% verbo do orzamentado para 2009 … U-la austeridade e a blindaxe dos servizos públicos?

–Baixan tamén os orzamentos dedicados a I+D+i e á sociedade da información. Carecemos de información a respecto dos orzamentos para vivenda (temámonos o pior!). Redúcense os recursos destinados a políticas de emprego ao tempo que se anuncia o incremento nun 1% do investimento real mais, iso si, recorrendo ao financiamento privado de toda caste de infraestruturas e servizos, incluídos os sanitarios… Ú-la aposta polo crecemento e a dinamización económica?

Como ben di Fernando Blanco, o portavoz de Economía do BNG, estes non son uns orzamentos para impulsar o país e enfrontar a crise. Preso da estratexia madrileña, Feijóo segue a apostar polo “canto peor, mellor” deixando á sociedade galega indefensa. Nin burato, nin crecimento, nin austeridade nin solidariedade. Eis os primeiros orzamento do feijoísmo.

Isto non son inseguridades xurídicas

A nosaterra

BUS A O PUNTAL XA

Mais de medio cento de veciños da zona nedense de O Puntal protagonizaron onte ao mediodía a primeira dunha serie de manifestacións para reclamar un mellor servizo de autobús que, na actualidade, é deficitario para os residentes no lugar e impídelles desprazarse con fluidez a bordo do transporte público tanto ao centro da vila como a Ferrol.
O portavoz dun colectivo «que se reuniu de xeito espontáneo», indicou que se cortou o tráfico durante un cuarto de hora, aproximadamente, ao redor da unha e media da tarde na estrada que une Neda con Fene. Aínda que houbo algunha que outra escena de tensión -sobre todo cando un vehículo fixo o simulacro de pasar a cadea humana- Castro sinalou que «todo foi moi ben e vos veciños quedamos moi animados e coa sensación de que hai que seguir coas reclamacións para que, dunha vez, nos fagan caso». Agradeceu tamén «ou comportamento dá práctica totalidade dous condutores que se viron perxudicados».
Cal é o pano de fondo destas protestas? Que desde hai anos os veciños reclaman que chegue a O Puntal a liña de Tranvías que une Ferrol e Neda. Na actualidade queda no Camiño do Regueiro, aproximadamente a quilómetro e medio dunha zona «na que hai arredor de douscentos veciños maiores que teñen que depender doutros ou dun taxi para cousas tan sinxelas como ir ata o centro de saúde ou ao supermercado ».
O problema radica, sinalan, en que a concesión desa zona corresponde a Arriva, que a cobre co autobús que une Ferrol e A Coruña e cuxa frecuencia «é moi escasa e non resposta ás nosas necesidades».
foto voz