Candidatura do BNG en Neda

Manuel Castro Alonso

Abel García López

Cristina Bouza Bellón

Helena Pardo Rodríguez

Jorge Vila López

Francisco Jesús Fernández Abraldes

Esther Mesías Rodríguez

Mª Desirée Romero Villares

Mª Rebeca Gorgullo Díaz

Fernando Sánchez Rodríguez

Gonzalo García García

Elena Díaz Pardo

Manuela Bellón Piñón

Mª Soidade García Pereira

Manuel Pajón Gómez

Ramón Fornos Fernández

Jesús Gabriel Pereira Torrado

Mª de los Ángeles Sánchez García

Severino López Cabanela

Beatriz Santiago Yáñez

Uxío Souto Castro

Xa esta na rúa un novo Bloque Neda

O Bloque Nacionalista Galego, ven de sacar á rúa, un novo Boletín de difusión no Concello de Neda, co ánimo de informar de cuestións, que poucas veces os medios de comunicación se fan eco delas.

Veciños, Xunta e Deputación restauran a Igrexa de Viladonelle

A igrexa de San André de Viladonelle (Neda) luce unha nova imaxe. Desde fai tempo, realizan-se no templo unhas obras de restauración que tiñan como obxectivo devolver o esplendor perdido a unha edificación na que algunhas das súas partes datan do século XVII. A delegada provincial da Consellería de Cultura, Milagres Lantes Seara, tivo onte a oportunidade de comprobar o grao de avance duns traballos aos que aínda lles fica en torno a un 30% para completar a rehabilitación.
Para iso serán necesarios novos esforzos económicos, destinados a mellorar a zona na que se atopan as imaxes dos santos venerados na igrexa parroquial. Ante esta situación, a delegada provincial recomendou á comisión que levou a cabo os trámites que iniciase o proceso para a solicitude de novas subvencións. A Diputación Provincial, a través da comisión de Promoción Económica, e a Xunta colaboraron nesta restauración con 6.000 e 30.000 euros respectivamente en axudas. Sen embargo, tamén o fixeron os habitantes deste pequeno núcleo de poboación, de magoas 40 vivendas habitadas, que reuniron en torno a 18.000 euros.
Lantes Seara se reuniu tras a visita con membros da Asociación de Veciños "O Castro de Viladonelle,” a quen informou do proceso para a obtención de axudas económicas para entidades que pen á súa disposición o Goberno autonómico.

A Fiscalía solicita informes pola situación do Verquedorio de Ancos

O Bloque Nacionalista Galego, quere dar a coñecer o que está a acontecer coa situación do Medio Ambiente en Neda e en concreto co Verquedoiro de Ancos, xa que a
Fiscalía solicitou informes dos técnicos municipais do concello de Neda pola situación na que se atopa este entorno, como consecuencia dunha denuncia cursada polo Servizo de Protección da Natureza (SEPRONA).
A consellería de Medio Ambiente, que no mes de setembro de 2.006, anunciou publicamente que no prazo de 6 meses clausuraría o verqudoiro, a estas alturas do 2.007 non deu ningún tipo de comunicación ao concello de Neda, para incluilo nos planos de selado iniciados no ano 2.005.
Temos que lembrar que o Conselleiro de Medio Ambiente e o Alcalde de Neda Sr. Pita prometeron publicamente e nos medios de comunicación a Clausura e rexeneración dese espazo, dende o B.N.G. Dicir que non só, non se tomaron as medidas para clausuralo, senón que ese verquedoiro foi aumentando os seus verquidos e creando outro verquedoiro incontrolado no espazo de Maciñeira.

nota envaida á prensa

O Consellerio de Industria seguirá pelexando polas gradas e os dique de ASTANO

O conselleiro insta ao Goberno a cuantificar as obrigas coa UE para recuperar Astano, "porque igual podemos asumir a parte que nos correspondeO conselleiro de Innovación e Industria, Fernando Blanco, dixo que "se existen obrigacións por axudas ou subvencións públicas" que condicionan o proxecto de recuperar Astano, "que as cuantifiquen, porque igual podemos asumir a parte que nos corresponde".Blanco indicou que "existe unha limitación etérea por unhas obrigacións que supostamente tivo Astano, pero das que nunca se beneficiou, porque non podería construír barcos desde o ano 1987".O responsábel de Industria do Goberno galego manifestou a Efe que "non entendía a posición do Goberno do Estado neste asunto" e preguntouse "como podemos distorsionar a competencia os que queremos poñer en marcha un proxecto privado, dunha iniciativa privada, que lidera un empresario moi competente, que non teñen axudas nin subvencións públicas e que conta co apoio financeiro das dúas caixas galegas, que ata están dispostas a entrar no accionariado".Fernando Blanco recordou, que aínda que o PSOE votou en contra deste proxecto no Congreso, o Parlamento de Galiza aprobouno co consenso de todos os deputados. "Nós imos seguir pelexando para conseguir os diques e as gradas da antiga Astano, porque son unha infraestrutura importante que non se pode perder", indicou o responsábel de Industria do Executivo galego.Blanco pediu que non nos impidan competir, porque é inxusto e un erro xa que nós imos seguir crecendo, aínda que somos conscientes das dificultades que presenta a globalización" e de forma especial neste sector.Dixo que "o outro día un importante navieiro galego garantíanos 4,5 anos de carga de traballo coa construción de tres metaneiros, o que nos situaría no horizonte do 2015 con traballo garantido, algo que non sucede en ningún outro sector".Os falsos argumentos da SEPIRecordou que a Sociedade Estatal de Participacións Industriais (SEPI), que é a propietaria do antigo Astano, para opoñerse á recuperación deste estaleiro para a construción naval civil, primeiro dicía que "non había empresario nin entidades financeiras interesadas en recuperar esta empresa e nós demostrámoslle que estaba equivocada, e presentamos un proxecto serio, liderado por un empresario importante e que conta co apoio das dúas caixas galegas".Blanco afirmou que "nós tiñamos interese en poñer de manifesto que o que dicía a SEPI, sobre a falta de proxecto empresarial para a antiga Astano, era mentira".O conselleiro de Industria tamén cualificou de "engano a versión da SEPI de que os terreos da antiga Astano estaban condicionados para a construción naval civil, porque na última reunión coa Autoridade Portuaria, organismo que depende do Goberno central, púxose de manifesto que non existía ningunha limitación sobre os terreos ociosos do estaleiro".Sobre o posible interese que poida haber para impedir que o estaleiro de Astano volva á construción naval civil, Blanco dixo que "non quería ser mal pensado nin entrar en guerra de comunidades nin doutro tipo de intereses, pero é obvio que ante os argumentos que estou expoñendo, non escoitei outros en contra".

Ferrolhoy, publica o Proxecto Belelle

O Proxecto Belelle, pensado para dar un pulo económico ao concello de Neda, foi presentado polo Bloque Nacionalista Galego, ao grupos políticos eá sociedade de Neda e Comarca.

O Estado négase a privatizar os activos ocioso de ASTANO

O senador nacionalista Francisco Jorquera denunciou ao Goberno central por non permitir a saída a concurso dos activos ociosos de Navantia-Fene, a pesar de recoñecer que as privatizacións do naval permitiron o mantemento da actividade civil neste sector.Así, en resposta a unha pregunta do BNG, o Goberno central sinalou que foi o recurso da súa venda ao sector privado o que permitiu que antigos estaleiros de Izar se mantivesen operativos no mercado civil. "Pero o que non explica é por que agora se lle nega esa mesma vía a Navantia-Fene cando a Consellaría de Innovación e Industria promovía un plano para poñer en valor, mediante concurso, os activos agora ociosos de Fene", apuntou Jorquera.Por iso, criticou que o que "valía antes, non vale agora" e denunciou que desde o Goberno central "non teñen ningún argumento racional" para opoñerse á utilización dos 600.000 metros cadrados de Navantia-Fene.Desta forma, denunciou que os sucesivos gobernos centrais "sacrificaron" á antiga Astano para salvar outros estaleiros e subliñou que os postos de traballo se reduciron "á mínima expresión" dende 1995, cando traballaban 1.620 persoas e, agora, só 360.Finalmente, criticou que o Goberno se negue a achegar máis carga de traballo a este estaleiro alegando a cuestións técnicas, "cando foi unha decisión política”.

Os intereses do conxunto dos veciños son o primeiro para o BNG

CASETA AUGAS

Na sesión extraordinaria do pleno do concello de Neda, celebrada o 2 de abril de 2.007, no seu punto 5, ía - ampliación da rede de abastecemento de auga no concello de Neda e consecuente modificación da ordenanza fiscal.
Neste punto o Bloque Nacionalista Galego, votou en contra, por ser perxudicial para os veciños de Neda, esta obra que é financiada por Augas de Gallica no 70% e polo concello no seu 30%, este 30% vai ser financiada con un contrato con Aquagest, e o seu financiamento vai ser coa suba do canón da auga o cal suporá que a obra costará ao concello 35.000 €, do que sería a sua financiación por un crédito bancario. tendo en conta ademáis que este canón repercutirá na suba da auga ao longo de 20 anos.

Non perdas o vídeo sobre o debate no Congreso da iniciativa do BNG para eliminar as acepcións pexorativas da palabra 'gallego'!

Ao voso dispor o vídeo da intervención parlamentar de Francisco Rodríguez na defensa da proposición non de lei para a eliminación das acepcións pexorativas da palabra 'gallego' no dicionario da Real Academia de la Lengua Española.

Xaime Bello visitou en Neda as obras financiadas pola Deputación da Coruña

O Vicepresidente da Deputación acompañado dos

responsabeis municipales e de Manolo Castro

Concelleiro do BNG en Neda

As obras en execución e comprometidas suman no concello 1.272.932,85 euros

O vicepresidente da Deputación da Coruña e presidente da área de Cooperación e Asistencia aos Concellos, Xaime Bello Costa, visitou esta mañá o Concello de Neda para comprobar in situ a marcha das obras que financia o goberno provincial.
Bello Costa, que foi recibido polos representantes dos grupos municipais, repasou os investimentos que a Deputación da Coruña está a realizar no municipio, e que supoñen case 1.300.000 euros, só nas actuacións que dependen directamente da área de Cooperación e Asistencia aos Concellos.
INVESTIMENTOS ACTUAIS
P.O.S. 2004, 2005, 2006
Saneamento Cotiño – Illo – Fábrica 139.828,39 €
Ramais rede de saneamento Illo e outros 30.631,23 €
Beirarrúas no contorno do río Belelle 89.908,55 €
Alumeado público AC 115 47.078,38 €
Beirarrúas Empedrón – Xardín do Coto 42.403,59 €
Pavimentación e urbanización tramo inferior r/Real 173.730,09 €
TOTAL OBRAS POS 523.580,23 €
PLAN DE INVESTIMENTOS LOCAIS (P.I.L.) 2005:
Reposición de beirarrúas na AC 115 tramo
rúa Basteiro – rúa Empedrón 208.532,37 € TOTAL OBRAS P.I.L. 208.532,37 €
PLAN DE TRAVESÍAS
Pavimentado da estrada e beirarrúas no cruce 302.772,10 €
Roxal – Pazo Isabel II
TOTAL OBRAS PLAN TRAVESÍAS 302.772,10 €
PLAN INCENDIOS FORESTAIS 2005
Reparación repetidor TV Morraxo 556,40 €
Actuacións ruta sendeirismo 2.974,76 €
Mellora camiño e reparación muro vertedoiro 20.306,57 €
TOTAL OBRAS PLAN INCENDIOS 23.837,57 €
PLAN ELIMINACIÓN BARREIRAS ARQUITECTÓNICAS
Ascensor edificio usos múltiples 73.309,22 €
TOTAL PLAN ELIM. BARREIRAS 73.309,22 €
P.O.S. 2007
Acondicionamento vía Mourela 84.848,81 €
Pavimentación travesías rúa Real 56.052,55 €
TOTAL P.O.S. 2007 140.901,36 €
TOTAL OBRAS EXECUCIÓN E PREVISTAS 2007 1.272.932,85 €
Ademais o municipio participa no proxecto “Instalacións solares fotovoltaicas con conexión á rede e instalacións solares térmicas en 11 concellos da provincia da Coruña”, incluído no “Programa de proxectos singulares de desenvolvemento local e urbano 2005”.
En concreto en Neda o proxecto supuxo a colocación de 4 colectores solares fotovoltaicos no polideportivo municipal e de 50 placas solares no edificio Toeleira.
Xaime Bello, acompañado polo alcalde e os representantes dos grupos municipais, visitou o lugar do Roxal onde practicamente xa están moi adiantadas as obras de pavimentado da estrada e beirarrúas no cruce Roxal – Pazo Isabel II, incluídas no Plan de travesías 2004 – 1ª fase, e as obras de reposición de beirarrúas na AC 115, tramo Rúa Basteiro – Rúa Empedrón, pertencentes ao Plan de Investimentos Locais (PIL).

O Bloque Nacionalista Galego apresenta o seu candidato á Alcaldía de Neda

Manolo Castro, acompañado da Conselleira de Cultura
e o Portavoz do BNG no Parlamento Galego

O pasado 15 de marzo o B.N.G. de Neda, apresentou o seu candidato á alcaldía de Neda, coa presenza da Conselleira de Cultura, Ánxela Bugallo e o Deputado e portavoz no Parlamento Galego, Carlos Aymerich.
Na súa intervención o alcaldable de Neda Manolo Castro Alonso, expuxo como criterios de actuación o: a Transparencia como Antibiótico a Honradez como Antídoto a Participación como Calmante a Optimización de Recursos como Analxésico.Dentro das suas propostas programáticas o candidato á Alcaldía de Neda, Manolo Castro, expuxo a Posta en Valor dos bens Naturais e dos Vestixios Históricos A creación da CONCELLALÍA DE DESENVOLVEMENTO MUNICIPAL co fin de dar respostas aos diversos sectores do concello de Neda A elaboración dun Regulamento de Participación Cidadá, onde os CONSELLOS PARROQUIAIS, sexan protagonistas da vida municipal

O día 15 de Marzo, presentación do candidato á Alcaldía de Neda

O vindeiro xoves, 15 de marzo, o Bloque Nacionalista Galego fai a presentación do seu candidato á alcaldía de Neda, para lexislatura 2.07-2.011.

Votos en contra do PSOE e EU con abstención do PP

No pleno do concello de Neda, celebrado o pasado día 8 de marzode 2.007, no cal se debatía unha moción apresentada polo Bloque Nacionalista Galego, en apoio ao Plan industrial para o estaleiro de Fene, os grupos políticos do PSOE e E.U. , votaron en contra, o PP abstívose na votación.
Esta moción foi presentada no Parlamento Galego e na Deputación, sendo aprobada por unanimidade de tódolos grupos da cámara.
A doble moral dos grupos politicos queda demostrada con estas actitudes.

Manolo Castro Alonso é candidato á alcaldía de Neda polo B.N.G.

Manolo Castro Alonso, é o candidato a alcalde polo Bloque Nacionalista Galego no Concello de Neda.
Neda precisa, unha persoa que sexa quen de facer políticas renovadoras, Neda necesita unha equipa de goberno forte e capaz de transformar a apatía e o desacougo afincado nos seus veciños en ilusión e ansias de progreso.
Só unha organización forte e cohesinada como o Bloque Nacionalista Galego e quen de ofrecer isto aos veciños e veciñas de Neda.

E.U. e o P.S.O.E., votan no Congreso en contra de que ASTANO volva á construcción naval convencional ( video )

Os votos en contra de PSOE e EU, impiden que o Asteleiro de ASTANO, poida recuperar a actividade de construcción naval civil.
O deputado do B.N.G. Francisco Rodríguez, pediulle ao goberno de Zapatero " un mínimo de esforzo de compromiso político", entre os apoios recibidos pola moción apresentada polo Bloque Nacionalista Galego, están C.C., P.P., C. i U.
Dende o B.N.G. pedimos a sensibilización da sociedade e en concreto da sociedade de Ferrolterra, ante a tropelía que dende o P.S.O.E, co apoio de E.U. volven a cometar con Ferrol e Comarca.

Peche do Verquedoiro de Ancos

Dende o Bloque Nacionalista Galego en Neda, queremos saber en que situación se atopa o proceso do selado do verquedoiro de Ancos, selado prometido no seu dia polo Conselleiro de Medio Ambiente, no mes de setembro de 2.006, para este fin o Deputado no Parlamento Galego polo BNG, Fernando Blanco, realizou unha serie de preguntas ao Executivo.

Nova oleada de actos vandálicos en Neda

Nunha nota enviada ao medios de comunicación, a mediados do mes de Xaneiro, o Grupo Municipal do BNG, amosabamos a nosa preocupación polo aumento de actos vandálicos, roubos e accidentes, que estaban a acontecer no Concello de Neda.
Nesta ocasión, denunciamos os furtos acontecidos na madrugada do día 22 de febreiro no que dous comercios ( unha perruqueria, e unha pescadería ) volvían a sufrir roubos e roturas nos seus establecimentos, no concello de Neda.
O Bloque Nacionalista Galego exixe a convocatoria urxente da Xunta Local de Seguridade, co fin de que a Delegación do Goberno, Garda Civil, Protección Civil e Policía Local, e goberno local, poñan derriba da mesa alternativas e medios, para tentar rematar con estes actos.
O aumento de actos vandálicos e roubos aumentaron de forma alarmante nestes dous primeiros meses do ano e é polo que exiximos que se tomen de inmediato as medidas oportunas.
nota enviada á prensa

Apoio ao Plan industrial do Asteleiro de Fene

Ao abeiro da lexislación vixente o Bloque Nacionalista Galego en Neda , apresenta a seguinte Moción , para ser debatida polo Pleno da Corporación.

EXPOSICIÓN DE MOTIVOS
No ano 1972 Astano era un estaleiro privado con capacidade para 350.000 Tm de aceiro
e un plantel de 6.000 traballadores/as.
No ano 1984 o estaleiro Astano de Fene utilizouse como moeda de cambio en Bruxelas
para iniciar a reconversión naval do Estado español e facer posíbel as axudas públicas ao sector
dos estaleiros públicos civís do Estado.
Posteriormente, no ano 1987 prohibíuselle a construción de buques, adicándose o
estaleiro á fabricación de plataformas off-shore. A prohibición sobre a construción de buques
reiterouse co Plano Estratéxico de Competitividade (PEC), elaborado polo PSOE no ano 1994 e
aprobado polo PP no 1997.
O Goberno podía solicitar o levantamento do veto no 2002.
Logo da catástrofe do Prestige, o Consello de Ministros celebrado en xaneiro de 2003 na
Coruña, acordou solicitar da Comisión Europea que erguese as restricións á construción de
buques á empresa denominada daquela Izar-Fene. Porén, dende agosto de 2003, despois da
entrega da plataforma encargada pola empresa Statoil, as gradas de Fene están valeiras e sen
carga de traballo propia.
Por último, o 16 de decembro de 2004 asinouse o acordo entre a SEPI e os sindicatos
estatais onde Izar Fene se integra en Navantia e no punto 4º se limita a actividade civil durante
10 anos. Asemade, a SEPI, propietaria de Navantia comprometeuse a presentar un plan
industrial para a comarca de Ferrolterra, algo que a data de hoxe aínda non fixo.
Por mor deste acordo producíronse 1.400 prexubilacións en Ferrol e Fene, e Navantia
Fene quedou con 360 traballadores/as moitos/as deles/as transladados a Ferrol. Deste xeito
Fene, con 800.000 metros cadrados, convértese nunha compañía auxiliar de Ferrol e non nun
auténtico estaleiro, que está a realizar bloques para buques militares da antiga Bazán.
No mes de novembro de 2005 a Consellaría de Innovación e Industria, ante a falla
evidente de ocupación plena do estaleiro de Fene, propuxo ao presidente da SEPI a constitución
dunha comisión para a reindustrialización de Ferrol, proposta que este aceptóu.
O 5 de xullo de 2006 constituíuse a comisión formando parte dela as asociacións de
empresarios/as da comarca e os tres sindicatos maioritarios. A SEPI decidíu non formar parte da
comisión.
O 25 de setembro de 2006 a consellaría convocou unha xuntanza desa comisión, á que
a SEPI decide non asistir, e entrega aos axentes sociais un plan de viabilidade para o
desenvolvemento da industria naval na ría de Ferrol, un documento aberto ás achegas dos
axentes sociais, e que debía concretarse nun plan industrial concreto.
En xaneiro deste ano a Consellaría de Innovación e Industria, no marco da Comisión
creada a requerimento da mesma, presentou o Plan Industrial para o Estaleiro de Fene, baseado
na desafectación de activos ociosos que hoxe existen en Navantia Fene, para poder construír
buques civís e crear 250 postos de traballo directos e case 3.000 indirectos nun novo estaleiro. O
promotor industrial desta iniciativa é a empresa Hijos de J.Barreras, e o finanzamento correría
por conta de Caixanova e Caixa Galicia, co cal se demostra que se trata dun proxecto sólido e
solvente. En calquera caso, a adxudicación de activos ociosos de Navantia ha de facerse
mediante concurso público cos principios de competencia, publicidade e transparencia, pero
queda demostrado que existe interese e proxectos serios para construír barcos en Fene.
Ante a consideración de que o sector naval é estratéxico non só en Ferrolterra, senón
para o futuro de Galiza, o Goberno Galego e o Parlamento teñen reiterado nas últimas semanas
o apoio unánime a este Plan.
É polo que solicitamos do Pleno deste concello a adopción dos seguintes
ACORDOS
1. Comunicarlle á Presidencia e Vicepresidencia da Xunta de Galiza o apoio do Pleno da Corporación Municipal ao Plan Industrial para o Estaleiro de Fene.
2. Instar á Presidencia do Goberno do Estado a :
· Adoptar as medidas precisas que permitan que parte dos activos que no pasado perteñeceron a Astano en Fene poidan ser desafectados pola SEPI e dedicados á construción naval convencional no ámbito civil.
· Garantir a plena carga de traballo na factoría de Navantia Fene.
· Presentar de contado o Plan Industrial para Ferrol previsto nos acordos de 16 de decembro de 2004.
· Que a SEPI, no suposto de que se adopte algún acordo que poida afectar aos/ás traballadores/as de Navantia Fene, garanta sempre que o actual persoal do estaleiro poderá optar por continuar dentro do sector público.
· Que a SEPI inicie coa Xunta de Galiza o deseño e impulso de novos proxectos de reindustrialización na comarca de Ferrolterra.
enviada á prensa

Pola revitalización do Sector Naval na ría ( Acto Público )

Este venres 16 de febreiro de 2.007 , ás 20:00 horas, o Consello Comarcal do BNG de Ferrolterra organiza, no salón de actos do Vicerreitorado-Campus de Esteiro (Ferrol), un acto público para explicar a proposta para a revitalización do sector naval na ría, posta en marcha pola Consellaría de Innovación e Industria, que xestiona o nacionalista Fernando Blanco.
Intervirán, ademais do propio conselleiro, Xosé María Rivera Arnoso, alcalde de Fene; Xoán Xosé Pita, candidato do BNG á Alcaldía de Ferrol; Francisco Rodríguez, portavoz do BNG no Congreso dos Deputados; e Anxo Quintana, vicepresidente da Xunta de Galiza.
No acto, os cargos públicos nacionalistas analizarán polo miúdo as iniciativas levadas a cabo até o de agora tanto polo Goberno galego como polo BNG a prol dun sector industrial de importancia estratéxica para o país, así como os obstáculos que está a pór a SEPI, máis interesada en favorecer outras zonas do Estado en detrimento do naval galego.
O proxecto presentado pola Consellaría implica a unha importante navieira galega, Barreras, e conta co aval de dúas entidades financeiras da solvencia de Caixanova e Caixa Galicia. Implicaría a creación de 300 postos de traballo directos e 2.000 indirectos, que contrastan coa parálise actual da factoría fenesa. Ao estar protagonizado por capital privado, atópase á marxe dos vetos negociados polo PSOE coa Unión Europea.

Vicepresidencia esixelle ao Goberno central que "nos deixe traballar en paz" para impulsar Navantia

O vicepresidente da Xunta, Anxo Quintana, asegurou hoxe que a Administración autonómica “non precisa” do Estado para impulsar un proxecto nos terreos de Navantia en Fene e, por iso, pediu ao Goberno estatal que “nos deixen traballar en paz” para facer viábel a “única alternativa posible” para o estaleiro, traducida no proxecto presentado por Hijos de J. Barreras.En resposta aos medios de comunicación, Quintana expresou a súa “convicción“ de que a reivindicación defendida polos nacionalistas é xusta e, en consecuencia, confirmou a intención de “levala a onde faga falla”. Afirmou que a oferta da empresa viguesa non sóconstitúe a “única” posíbel, senón que tamén “é unha boa alternativa” e engadiu que “agora non vale dar voltas ao tema”, en referencia á negativa da SEPI á proposta impulsada pola Xunta para segregar a superficie inutilizada da antiga ASTANO para adicala á construción de buques civís.Quintana afirmou que o debate está restrinxido a “se os galegos teñen dereito a producir nun sector tradicional” da súa economía, o naval, ou ben deben “sufrir as consecuencias de calquera acordo colonial”, en referencia aos termos pactados no 2004 coa Unión Europea co gallo de garantir a continuidade da que por entón era a empresa pública Izar.AlegaciónsDesta forma, Quintana aludiu ao argumento esgrimido pola SEPI para xustificar o seu desacordo e advertiu que o pacto subscrito con Bruxelas “nada ten que ver coas institucións públicas ou cos dereitos e intereses dos galegos”.Nesta dirección, subliñou que a Xunta “está do lado dos intereses de Galiza” e que, por iso, aspira a “utilizar unhas instalacións, hoxe ociosas, que poderían cumprir unha función indispensábel para a creación de emprego en Ferrolterra”. “ Estamos convencidos da xustiza da nosa reivindicación e vamos a levala a onde faga falla”.Única soluciónAnxo Quintana considera que o caso de ASTANO é un bon exemplo e, en consecuencia, engadiu que só propón “unha solución: que nos deixen ser nós mesmos”. "Estamos fartos de pedir ao Estado, agora o único que lle pedimos é que nos deixen en paz e que nos deixen traballar a nós”, aseverou.Así mesmo incidiu en que “isto e a voluntade de autogoberno” fronte a “excesiva incidencia que hai en Galicia de pedirlle ao Estado”. “E hora de dicirlle que non o precisamos. Galicia ten empresas, entidades financeiras e un Goberno disposto a crear escenarios. Con que nos deixen gobernarnos e suficiente” concluíu.

A Propaganda desesperada do Alcalde de Neda (preme enlace nota aparecida nos medios )

Dende o Bloque Nacionalista Galego, nos gustaria, que o Sr. Alcalde de Neda, Sr. Carlos Pita, se deixara de facer tanta propaganda mediática e se puxera a traballar xa que leva moito tempo sin realizar propostas e traballos para sacar a Neda de onde a meteu, ( no vagón de cola da Comarca de Ferrolterra).
Dixemos que se deixe de propaganda e se poña a traballar porque o que si realmente ten que facer como Alcalde é
1. Presentar os ornamentos do ano 2.007, xa que a estas alturas ainda están no baúl dos recordos, e ademais aquelas grandes partidas do 2.006 pouco deberon dar de si, xa que o concello sigue a estar igual.
2. Dicimos que se poña a traballar e a realizar aquelas cousas que lle preocupan realmente á xente, vivenda pública, para que non siga marchando xente do concello, garderias infantis co fin de poder asentar xente nova, e que poida compaxinar a sua vida laboral e familiar, a realización das xestións para un centro de día, co fin de dar solución a un problema grande dos noso mayores, xa que o 24,5 % da población de Neda e mayor de 60 anos, e o tan manido Centro Cívico non vai dar solución a este tipo de necesidades dos nosos mayores.( lembramos que no mes de agosto do 2.006 presentamos dende o BNG, unha opción para o circulo de Xubia, que ademais de non costarnos prácticamente nada as arcas municipais, podería ser o inicio da solución aos problemas dos maiores.
3. E por último o emprego, e neste punto queriamos expresar a nosa sorpresa, polo do Parque Industrial de Maciñeira, sorpresa porque, despois de 28 gobernando en Neda, o Sr. Alcalde ainda non sabe a quen se ten que dirixir, para arranxar estes tema, xa que non é a consellería de Industria quen xestiona o terreos industriais, e a Consellería de Vivenda, ( xa que a Consellería de Industria a través de Xestur, o que fai e xestionar e urbanizar este chan, e ademais, primeiro o Sr. Alcalde terá que poñer a andar o PXOM, que é un trámite preceptivo, xa que si non tería que elaborar un Plan Parcial, cousa que ate o de agora o BNG, non veu presentado por ningures.

Polo tanto seguimos a reptir o que deciamos, cando iniciamos, Sr. Alcalde , si ten pensado facer algo nesta lexislatura, póñase mans a obra que o vai coller o toro.

Fernando Blanco presenta o proxecto de novo estaleiro para Fene

As xestións da Consellaría de Industria, dirixida polo nacionalista Fernando Blanco, xunto coa presión parlamentaria do BNG, desembocaron no proxecto que presentou o Conselleiro en compañía do Presidente de Barreras. O proxecto será financiado conxuntamente polo estaleiro vigués e as dúas caixas galegas. Terá carácter totalmente privado e por tanto non se vería afectado polos vetos negociados coa UE polo PSOE e ratificados polos gobernos ulteriores.

Barreras aspira a comprarlle á SEPI os terreos desaproveitados por Navantia e a ocupar aos traballadores inactivos, xerando 300 empregos directos e 2000 indirectos. Portos de Galicia considera a opción de retirarlle a concesión dos terreos a Navantia se incumpren os termos da cesión, isto é, a falta de actividade.

Minutos máis tarde do anuncio, a SEPI, sociedad estatal propietaria de Navantia, e principal escollo non político para a revitalización industrial da comarca de Ferrolterra, apresurouse a cualificar de sorprendente e irrealizable o proxecto, sen tempo para analizalo.

O alcalde de Fene e candidato á reelección declarou hoxe que non se entende como desde Madrid se poñen trabas unha e outra vez aos proxectos en positivo de desenvolvemento económico da Comarca. Este comportamento obstaculizador imita ao que a SEPI levou a cabo coa ampliación da terceira fase do Polígono de Vilar do Colo.

Os axentes económicos, por voz do presidente da Cámara de Comercio de Ferrol, xa deron o seu visto bo a esta iniciativa de desenvolvemento industrial.

Sorprende o tratamento informativo que La Voz de Galicia lle dá a esta noticia. Na versión electrónica do caderno comarcal non aparece ningunha nova relacionado con isto, e nas páxinas galegas destaca como titular a reacción negativa da SEPI antes que a noticia do proxecto.

O noso ben económico máis prezado

Dende o Bloque Nacionalista Galego, consideramos que Neda ten unha riqueza natural que debe ser coidada, mimada pero á vez explotada nos seus temos turísticos e económico.

Alumeado Público

NOTA ENVIADA Á PRENSA

O Bloque Nacionalista Galego, atopa preocupante a situacion do alumeado público no Concello de Neda, decenas de solicitudes de amaño de puntos de luz acumulánse na oficinas, ( tramitándose á empresa adxudicataria, sen que se tomen as medidas, para subsanar e amañar os problemas ), feito que acontecen en zonas tan dispares como na Parroquia de Anca, na de Viladonelle, en lugares como O Puntal, o Sartego, Os Pazos, etc, nalgunhos casos esas solicitudes son incluso reiterativas de solicitudes anteriores, os funcionarios reciben as queixas e estas se tramitan pero aí queda todo.
Dende o Bloque Nacionalista Galego pedimos aos socios do grupo de goberno que tomen as medidas oportunas co fin de dar saída, as reivindicacións dos veciños, entre outras cousas, porque son eles, os que pagan os impostos de ese alumeado.

En Neda, a 15 de Xaneiro de 2007

Os veciños comprabarán que a nota non seu na prensa, pero o dia 18 de xaneiro as luces estiveron acesas unhas horas, ¿alguén comunicaria a denuncia publica?

Preocupante aumento dos actos vandálicos en Neda

Os actos vandálicos que nos últimos tempos proliferan no municipio de Neda é de novo motivo de reproche por parte da oposición, Bloque Nacionalista Galego, á coalición de goberno formada por PSOE e IU.

Nesta ocasión as críticas proceden do grupo municipal do BNG, que insiste en solicitar a convocatoria da Xunta Local de Seguridade. O obxectivo dos nacionalistas é que os organismos representados nesta xunta -delegación do Goberno, Garda Civil, Protección Civil e Policías nacional e local- se impliquen co Concello na búsqueda de solucións a este problema.
Ó longo do exercicio pasado, os casos de roubos, destrozos e accidentes aumentaron no municipio nedés máis dun 40 por cento, segundo os datos que manexa a formación frentista.
Esta porcentaxe leva os nacionalistas a "pensar que é unha situación máis que preocupante", ó memo tempo que recordan que xa a mediados do pasado mes de decembro pediron de forma pública que se reunira a Xunta Local de Seguridade sen que polo de agora se tivera producido esa reunión.
O plantel da policía municipal está composto por cinco persoas que non patrullan pola noite, nin os fines de semana, cando as competencias as asume a Garda Civil. O limitado número de efectivos que ten este corpo de seguridade do Estado ten que custodiar non so a vila de Neda, senón tamén outras catro localidades da comarca: Fene, Ares, Mugardos e Cabanas.

Quintana insta aos partidos a practicar un verdadeiro "galeguismo"

:: GZnacion.com. Avanzando as noticias de Galiza.

O Traballo do BNG no Parlamento

Escolma do traballo do Bloque Nacionalista Galego ao longo destes últimos meses.

Fillo Predilecto

Na sesión Plenaria celebrada o día 20 de decembro de 2.006, aprobouse unha moción presentada polo BNG. co fin de crear a figura de fillo Predilecto, a moción qudou com segue:

Ao abeiro da lexislación vixente, o Bloque Nacionalista Galego, apresenta esta moción, para ser debatidapolo Pleno da Corporación.

EXPOSICION DE MOTIVOS

O Concello de Neda, posue históricamente un número de persoas, que polo seu labor tanto no eido social, cultural e tamén histórico, etc., poderían ser merecedores da concesión de recoñecimento de ser Fillo Predilecto do Concello.
Para que isto poida ser levado a cabo, o primeiro trámite que debe ser realizado, é a creación da figura de Fillo Predilecto, Fillo Adoptivo, etc.
Polo anteriormente exposto o Bloque Nacionalista Galego propón:

ACORDO

1. O Pleno do Concello de Neda, acorda a creación da figura de fillo predilecto, fillo adoptivo, etc. do concello.
2. O Pleno do Concello tal e como está establecido nos artigos 4 e 49 da Lei 7/1985, de 2 de abril e dos artigos 50.3, 24, 189 a 191 do R.D. 2568/1986 de 26 de novembro R.O.F., propón a elaboración dun regulamento que estableza os criterios da concesión da honra de ser fillo predilecto, fillo adoptivo, etc. do Concello.


En Neda 21 de novembro de 2.006
Asdo. Helena Pardo Portavoz do Grupo Municipal do B.N.G

Actos Vándalicos en Neda

Farola Paseo Marítimo desmantelada

Despois dos acontecimentos sucedidos estes últimos días, no Concello de Neda, que non son máis que a continuación de unha serie de destrozos, roubos, actos vándálicos, etc, que viñeron sucedendo ao longo destes últimos anos, tendo enconta as limitacións, tanto humanas como de carácter competencial dos membros da policía municipal, o Bloque Nacionalista Galego, no concello de Neda, vai solicitar no Concello unha reunión urxente da Xunta Local de Seguridade, primeiro para pedir que se integren os membros dos distintos grupos políticos, representados na Corporación, e segundo para poñer enriba da mesa a aqueles representantes dos distintos corpos de seguridade que teñen realmente competencias en materia de seguridade e de orde público, as problemáticas existentes hoxe por hoxe na Comarca de Ferroterra pero en particular en Neda como concello.
Nesa Xuntanza terían que abordarse temas como a coordinación, rapidez na actuación, e posta a punto de materiais tanto técnicos como humanos, co fin de tentar dar saída dentro do posible a estas actuacións, que xa se prolongan no tempo sin ter a posibilidade de verlles unha solución.
Nota enviada á prensa

Nota enviada ao medios polo P.X.O.M (preme eiqui)

BLOQUE NACIONALISTA GALEGO ( NEDA)



Nunha información aparecida nese medio de comunicación, o xoves 16 de novembro, con respecto a unhas declaracións realizadas polo concelleiro de E.U., o Bloque Nacionalista Galego, quere facer diversas pontualizacións.

O Concelleiro, que fai as declaracións ( dentro do goberno, non ten responsabilidades de Urbanismo )
Ao B.N.G. sorpréndelle, que se estean a facer a estas alturas as labores de planeamento de redes de abastacemento e saneamento, cando ese documento xa foi enviado no seu momento ( mes de setembro ) á Xunta de Galicia, co fin de que dera o seu visto bó.
O Bloque Nacionalista Galego, cando tivo coñecemento de que o documento estaba en posesión dos socios do grupo de goberno, púxose en contacto co Alcalde Carlos Pita ( no que se lle comunicou ) que podía ser o momento para falar do mesmo entre os grupos políticos, ( xa que a día de hoxe non se ten falado entre os grupos políticos do PXOM) , contestando o alcalde , que non, que o ía enviar así á Xunta de Galicia, - pensamos dende o B.N.G. que teriamos evitado a devolución, polo menos por eses motivos.
Cando o Concelleiro afirma que todos os grupos tiveran acceso ao documento – está a mentir- no caso do Bloque Nacionalista Galego-, ao único que este grupo tivo acceso foi a unhos Planos – Planos que por certo- e de forma legal mais que dudosa , estiveron a exposición pública, sen nengún tipo de acordo polos órganos colexiados do concello ( denuncia realizada polo B.N.G., no seu momento ), dicir que nese intre tivemos acceso aos Planos, de forma pouco rigorosa, algunhos socios do goberno entre eles o Alcalde Carlos Pita pintaban con un rotulador como se ampliaban ou quitaban zonas con algunha catalogación ( de forma persoal e unilateral sin consultar con ninguén ).
Tamén dicer que o Bloque Nacionalista Galego, en ningún caso tivo acceso á documentación escrita do PXOM, polo tanto, descoñecemos o seu contido, e por úiltimo, denunciar o escurantismo que dende o seu inicio no ano 2.002, se está a levar a elaboración deste Plan Xeral, ( pensamos dende o Bloque Nacionalista Galego, que existen intereses ocultos interesados ) ¿ será por iso polo que se está a disparar a merca en Neda ?
XA SEI QUE ESE MEDIO NON VAI PUBLICAR ESTA NOTA TAL E COMO SE MERECE ESTA INFORMACION.


En Neda, a 22 de Novembro de 2.006

Asdo Manolo Castro Alonso