Fernando Blanco presenta o proxecto de novo estaleiro para Fene

As xestións da Consellaría de Industria, dirixida polo nacionalista Fernando Blanco, xunto coa presión parlamentaria do BNG, desembocaron no proxecto que presentou o Conselleiro en compañía do Presidente de Barreras. O proxecto será financiado conxuntamente polo estaleiro vigués e as dúas caixas galegas. Terá carácter totalmente privado e por tanto non se vería afectado polos vetos negociados coa UE polo PSOE e ratificados polos gobernos ulteriores.

Barreras aspira a comprarlle á SEPI os terreos desaproveitados por Navantia e a ocupar aos traballadores inactivos, xerando 300 empregos directos e 2000 indirectos. Portos de Galicia considera a opción de retirarlle a concesión dos terreos a Navantia se incumpren os termos da cesión, isto é, a falta de actividade.

Minutos máis tarde do anuncio, a SEPI, sociedad estatal propietaria de Navantia, e principal escollo non político para a revitalización industrial da comarca de Ferrolterra, apresurouse a cualificar de sorprendente e irrealizable o proxecto, sen tempo para analizalo.

O alcalde de Fene e candidato á reelección declarou hoxe que non se entende como desde Madrid se poñen trabas unha e outra vez aos proxectos en positivo de desenvolvemento económico da Comarca. Este comportamento obstaculizador imita ao que a SEPI levou a cabo coa ampliación da terceira fase do Polígono de Vilar do Colo.

Os axentes económicos, por voz do presidente da Cámara de Comercio de Ferrol, xa deron o seu visto bo a esta iniciativa de desenvolvemento industrial.

Sorprende o tratamento informativo que La Voz de Galicia lle dá a esta noticia. Na versión electrónica do caderno comarcal non aparece ningunha nova relacionado con isto, e nas páxinas galegas destaca como titular a reacción negativa da SEPI antes que a noticia do proxecto.

O noso ben económico máis prezado

Dende o Bloque Nacionalista Galego, consideramos que Neda ten unha riqueza natural que debe ser coidada, mimada pero á vez explotada nos seus temos turísticos e económico.

Alumeado Público

NOTA ENVIADA Á PRENSA

O Bloque Nacionalista Galego, atopa preocupante a situacion do alumeado público no Concello de Neda, decenas de solicitudes de amaño de puntos de luz acumulánse na oficinas, ( tramitándose á empresa adxudicataria, sen que se tomen as medidas, para subsanar e amañar os problemas ), feito que acontecen en zonas tan dispares como na Parroquia de Anca, na de Viladonelle, en lugares como O Puntal, o Sartego, Os Pazos, etc, nalgunhos casos esas solicitudes son incluso reiterativas de solicitudes anteriores, os funcionarios reciben as queixas e estas se tramitan pero aí queda todo.
Dende o Bloque Nacionalista Galego pedimos aos socios do grupo de goberno que tomen as medidas oportunas co fin de dar saída, as reivindicacións dos veciños, entre outras cousas, porque son eles, os que pagan os impostos de ese alumeado.

En Neda, a 15 de Xaneiro de 2007

Os veciños comprabarán que a nota non seu na prensa, pero o dia 18 de xaneiro as luces estiveron acesas unhas horas, ¿alguén comunicaria a denuncia publica?

Preocupante aumento dos actos vandálicos en Neda

Os actos vandálicos que nos últimos tempos proliferan no municipio de Neda é de novo motivo de reproche por parte da oposición, Bloque Nacionalista Galego, á coalición de goberno formada por PSOE e IU.

Nesta ocasión as críticas proceden do grupo municipal do BNG, que insiste en solicitar a convocatoria da Xunta Local de Seguridade. O obxectivo dos nacionalistas é que os organismos representados nesta xunta -delegación do Goberno, Garda Civil, Protección Civil e Policías nacional e local- se impliquen co Concello na búsqueda de solucións a este problema.
Ó longo do exercicio pasado, os casos de roubos, destrozos e accidentes aumentaron no municipio nedés máis dun 40 por cento, segundo os datos que manexa a formación frentista.
Esta porcentaxe leva os nacionalistas a "pensar que é unha situación máis que preocupante", ó memo tempo que recordan que xa a mediados do pasado mes de decembro pediron de forma pública que se reunira a Xunta Local de Seguridade sen que polo de agora se tivera producido esa reunión.
O plantel da policía municipal está composto por cinco persoas que non patrullan pola noite, nin os fines de semana, cando as competencias as asume a Garda Civil. O limitado número de efectivos que ten este corpo de seguridade do Estado ten que custodiar non so a vila de Neda, senón tamén outras catro localidades da comarca: Fene, Ares, Mugardos e Cabanas.

Quintana insta aos partidos a practicar un verdadeiro "galeguismo"

:: GZnacion.com. Avanzando as noticias de Galiza.

O Traballo do BNG no Parlamento

Escolma do traballo do Bloque Nacionalista Galego ao longo destes últimos meses.

Fillo Predilecto

Na sesión Plenaria celebrada o día 20 de decembro de 2.006, aprobouse unha moción presentada polo BNG. co fin de crear a figura de fillo Predilecto, a moción qudou com segue:

Ao abeiro da lexislación vixente, o Bloque Nacionalista Galego, apresenta esta moción, para ser debatidapolo Pleno da Corporación.

EXPOSICION DE MOTIVOS

O Concello de Neda, posue históricamente un número de persoas, que polo seu labor tanto no eido social, cultural e tamén histórico, etc., poderían ser merecedores da concesión de recoñecimento de ser Fillo Predilecto do Concello.
Para que isto poida ser levado a cabo, o primeiro trámite que debe ser realizado, é a creación da figura de Fillo Predilecto, Fillo Adoptivo, etc.
Polo anteriormente exposto o Bloque Nacionalista Galego propón:

ACORDO

1. O Pleno do Concello de Neda, acorda a creación da figura de fillo predilecto, fillo adoptivo, etc. do concello.
2. O Pleno do Concello tal e como está establecido nos artigos 4 e 49 da Lei 7/1985, de 2 de abril e dos artigos 50.3, 24, 189 a 191 do R.D. 2568/1986 de 26 de novembro R.O.F., propón a elaboración dun regulamento que estableza os criterios da concesión da honra de ser fillo predilecto, fillo adoptivo, etc. do Concello.


En Neda 21 de novembro de 2.006
Asdo. Helena Pardo Portavoz do Grupo Municipal do B.N.G

Actos Vándalicos en Neda

Farola Paseo Marítimo desmantelada

Despois dos acontecimentos sucedidos estes últimos días, no Concello de Neda, que non son máis que a continuación de unha serie de destrozos, roubos, actos vándálicos, etc, que viñeron sucedendo ao longo destes últimos anos, tendo enconta as limitacións, tanto humanas como de carácter competencial dos membros da policía municipal, o Bloque Nacionalista Galego, no concello de Neda, vai solicitar no Concello unha reunión urxente da Xunta Local de Seguridade, primeiro para pedir que se integren os membros dos distintos grupos políticos, representados na Corporación, e segundo para poñer enriba da mesa a aqueles representantes dos distintos corpos de seguridade que teñen realmente competencias en materia de seguridade e de orde público, as problemáticas existentes hoxe por hoxe na Comarca de Ferroterra pero en particular en Neda como concello.
Nesa Xuntanza terían que abordarse temas como a coordinación, rapidez na actuación, e posta a punto de materiais tanto técnicos como humanos, co fin de tentar dar saída dentro do posible a estas actuacións, que xa se prolongan no tempo sin ter a posibilidade de verlles unha solución.
Nota enviada á prensa

Nota enviada ao medios polo P.X.O.M (preme eiqui)

BLOQUE NACIONALISTA GALEGO ( NEDA)



Nunha información aparecida nese medio de comunicación, o xoves 16 de novembro, con respecto a unhas declaracións realizadas polo concelleiro de E.U., o Bloque Nacionalista Galego, quere facer diversas pontualizacións.

O Concelleiro, que fai as declaracións ( dentro do goberno, non ten responsabilidades de Urbanismo )
Ao B.N.G. sorpréndelle, que se estean a facer a estas alturas as labores de planeamento de redes de abastacemento e saneamento, cando ese documento xa foi enviado no seu momento ( mes de setembro ) á Xunta de Galicia, co fin de que dera o seu visto bó.
O Bloque Nacionalista Galego, cando tivo coñecemento de que o documento estaba en posesión dos socios do grupo de goberno, púxose en contacto co Alcalde Carlos Pita ( no que se lle comunicou ) que podía ser o momento para falar do mesmo entre os grupos políticos, ( xa que a día de hoxe non se ten falado entre os grupos políticos do PXOM) , contestando o alcalde , que non, que o ía enviar así á Xunta de Galicia, - pensamos dende o B.N.G. que teriamos evitado a devolución, polo menos por eses motivos.
Cando o Concelleiro afirma que todos os grupos tiveran acceso ao documento – está a mentir- no caso do Bloque Nacionalista Galego-, ao único que este grupo tivo acceso foi a unhos Planos – Planos que por certo- e de forma legal mais que dudosa , estiveron a exposición pública, sen nengún tipo de acordo polos órganos colexiados do concello ( denuncia realizada polo B.N.G., no seu momento ), dicir que nese intre tivemos acceso aos Planos, de forma pouco rigorosa, algunhos socios do goberno entre eles o Alcalde Carlos Pita pintaban con un rotulador como se ampliaban ou quitaban zonas con algunha catalogación ( de forma persoal e unilateral sin consultar con ninguén ).
Tamén dicer que o Bloque Nacionalista Galego, en ningún caso tivo acceso á documentación escrita do PXOM, polo tanto, descoñecemos o seu contido, e por úiltimo, denunciar o escurantismo que dende o seu inicio no ano 2.002, se está a levar a elaboración deste Plan Xeral, ( pensamos dende o Bloque Nacionalista Galego, que existen intereses ocultos interesados ) ¿ será por iso polo que se está a disparar a merca en Neda ?
XA SEI QUE ESE MEDIO NON VAI PUBLICAR ESTA NOTA TAL E COMO SE MERECE ESTA INFORMACION.


En Neda, a 22 de Novembro de 2.006

Asdo Manolo Castro Alonso

Definición e Orixe dos nomes (preme eiqui )

Os noso nomes

UN NOVO ESTATUTO PARA GALIZA (preme eiqui )

O video do NOVO ESTATUTO DE NACIÓN.

VIVIR SEN VIOLENCIA É DE LEI ( preme eiqui )

BNG Á NACION EN MARCHA (preme eiqui )

Boletin do Bloque Naconallista Galego, con motivo da XII Asemblea Nacional os días 2 e 3 de decembro de 2.006.

O B.N.G. insiste no P.O.S

Mourela do Medio

O 30 de Novembro é o prazo que establece a Deputación Provincial da A Coruña, para á recepción da documentación das obras do Plan de Obras e Servicios (P.O.S.), que ese organismo publicou no B.O.P. no mes de Outubro, neste boletín ademais de aparecer a cantidade de 133.008,85 €, que corresponden ao Concello de Neda, tamén están establecidos os criterios que os concellos teñen que seguir para a realización dos proxectos.
Xa no mes de outubro, e co fin de que os socios do grupo de goberno tiveran tempo para poder debatelo, o Bloque Nacionalista Galego expresabamos publicamente unha proposta , na que propuñamos a obra de acondicionamento da primeira fase da Mourela do Medio, o cal xustificabamos, polo seu deterioro e dado que esa zona non tivo, ningunha actuación ao longo de 20 anos, nese intre dabamos ademais como alternativa a esta obra, por si puidera existir algún problema, de tipo técnico a viabilidade do saneamento en zonas totalmente abandonadas polos (PSOE e EU ) socios de goberno do concello de Neda, como son Anca Vella, A Cobeluda e Bouzarredonda .
Como queira, que quedan quince días e acostumados como nos teñen os gobernantes de Neda ao longo desta lexislatura e da anterior de presentarnos os proxectos o último día a última hora, con fin de que non exista posibilidade de debate, o Bloque Nacionalista Galego, nesta ocasión e xa que fixemos as nosas propostas en tempo, forma e publicamente, nos vamos ter que pensar moi moito, a nosa posición no seu momento, xa que consideramos, que son obras de unha grande importancia para o desenrolo desas zonas do Concello.

Arranxo Estrada AC-115

Estrada AC-115 ( Avda Médico Cebreiro )

O Bloque Nacionalista Galego, ten denunciado en varias ocasións o estado no que se atopa a Estrada AC-115 ,Fene-Xubia, tamén temos feito varias intervencios parlamentarias neste sentido, co fin de que se tomarán as iniciativa para amañar estavía, estrada que ademais de presentar un firme irregular, atópase con deficiencias de regulación de tráfico en zonas como os acesos a autoestrada AP-9 e o cruce de Xubia coa estrada de Ortigueira, Agora neste intre a Xunta de Galicia, toma a iniciativa de amañar a AC-862 estrada de Castela, infraestrucutra que ao longo destes últimos anos xa tivo arranxos, namentras que a AC-115, estivo totalmente abandoada polo goberno do PP,este vial que ten unha circulación diaria de perto de 14.000 automóbiles, precisa dun amaño e reestructuración co fin de humanizar esta zona e sobre todo no seu paso polo Centro urbano de Neda, tamén nestes intres nos sorprende que non se fale nada da estrada rápida de circunvalación que uniría a AP-9, co corredor Rápido das Pontes, vial que desconxestionaria moito a circulación no centro de Neda, interrrealacionando a convivencia da zona.

Coñece o Proxecto Belelle preme eiqui )

O proxecto Belelle, é un novo concepto de desenrolo dunha vila como Neda, é a maneira de ver como pode ser posible o progreso dun concello, tendo en conta os seus criterios de desenvolvemento sostible e ademais a conservación da natureza, Neda é un concello que forma parte do rural e do urbano, é xusto nesas circunstancias é polo que o BNG aposta pola conservación da natureza e polo desenrolo da sua riqueza natural que son os ríos

Unha Rotonda para a Muchiqueira

cruce Muchiqueira

Como de costume, os socios de goberno no concello de Neda, poñen improvisación, diante de problemas reais en troque de dar saída de futuro a estes problemas.
Cando nestes dias falábase, que se proxecta un muro, na confluencia de viais da Mourela, o Bloque Nacionalista Galego, quere mostrar publicamente a sua disconformidade con esta iniciativa, dado que isto non solucionará os problemas desta zona, zona de moita afluencia de automóbiles, debido á proximidade por un lado do Centro de Saúde e proximidade da Farmacia e por outro lado a cantidade de vehículos que circula a diario pola estrada Xubia-Ortigueira ( mais de 7500 )
Expresada a nosa disconformidade coa iniciativa,e sempre traballando en positivo, presentamos tamén proposta cara a tentar dar solución aos problemas desta zona, o Bloque Nacionalista Galego, propón facer un estudio de viabilidade e un proxecto real cara a ordenar a confluencia dos viais, Xubia –Ortigueira, estrada LC-121 Roxal –Vilar de Mouros , aceso Feira de Albarón (-Centro de Saúde ) e aceso Casadelos ( pola Forxá ), con unha Rotonda e a eliminación dentro da idoneidade,do talud desa zona, Tamén dicir que a reforma de toda esta zona debería ir incluida no Proxecto de PXOM que se está a redactar, xa que tería que formar parte dun conxunto que tivera enconta a idiosincrasia da zona e das construccións e non deunha obra aillada, co fin de darlle valor ao lugar..

O B.N.G. propón o amaño da Mourela do Medio

A Deputación Provincial de A Coruña ven de enviar a Circular para elaborar o Plan de Obras e Servizos dos Concellos.
Dentro desta circular se establece que ao Concello de Neda lle Corresponden 133.008,85 €.

Na circular establécense os criterios que teñen que seguir os concellos, para a realización dos proxectos, a cantidade mínima para cada obra no caso de incluir mais que unha ( 30.000 €) dado que este é o importe mínimo establecido polo R.D. 835/2.003, a acreditación de dispoñibilidade de tarreos e unha memoria e un prego de prescripcións técnicas particulares, tamén establece a elabaroción dun Plan Complementario, co fin de prever aquelas obras que se desexen incluir no caso de producírense remanentes por baixas na adxudicación de contratos.
A documentación debe estar remitida ao Organismo provincial até o próximo 30 de novembro de 2.006.
Co fin de que o concello de Neda teña tempo suficiente para a elaboración do proxecto, o Bloque Nacionalista Galego propón a realización da primeira fase das obras de acondicionamento na Mourela do Medio, un lugar que non tivo por parte do Goberno municipal dende a súa primeira actuación vai para 20 anos..
Si esta proposta non é viable o Bloque Nacionalista Galego, solicita que se mire a viabilidade da realización da primeira fase de saneamento das zonas de Anca Vella, Cobeluda e Bouzarredonda, zonas totalmente abandonadas, dende sempre por parte dos gobernantes de Neda.Dende o BNG pensamos que é unha actuación máis que necesaria e demandada polos veciños.

Piden o traslado da parada do Bus do Coto

O Bloque Nacionalista Galego, ven de solicitar publicamente que se traslade a parada de autobuses do Coto, na estrada AC-115, dirección Xubia, polo perigo que neste intre sinifica que esa parada permaneza nesa lugar, namentras se están a realizar as obras de construcción na finca colindante, perigo non só para os usuarios senón tamén para o proprio autobús e os peóns que por esa zona poidan circular.

Pola constante saída de camións e polo tránsito que nestes intres circula por esa vía.

O B N G denuncia as deficiencias no Colexio de Maciñeira

A finais do ano 2005, os membros da ANPA de Maciñeira, solicitaron unha entrevista co Alcalde de Neda, como queira que o –Rexidor non os recibía-, solicitaron unha reunión cos distintos grupos políticos con representación no concello, reunión a cal so asistiu o BNG.
Nesa reunión a ANPA e a Dirección do Centro, nos explicaron unha serie de deficiencias infraestructurais que había no Centro, problemas de humidades nas paredes, goteiras, nalgunha das aulas e a obturación nas tuberias de ferro nos servicios.
No mes de marzo a ANPA continuaba a queixarse dado que non se dira solución aos problemas.
Nunha visita ao Delegado de Educación, o Sr. Alcalde comunicaba que axiña se ían tomar medidas aos problemas de Maciñéira. Cando fai pouco a Conselleria de Educación destiñou partidas orzamentarias para distintos centros da Comarca e entre eles o Colexio de S. Isidro de Neda para a construcccion dun pavillon cun orzamento de 190.845 € ( infraestructura moi necesaria ) pero non dedica nin un céntimo ao Centro de Maciñera
Dende o Bloque Nacionalista Galego, pensamos que a Consellería de Educación e o Goberno municipal ( dentro das suas competencias ) deberia de destinar unha partida co fin de subsanar as deficiencias de Maciñeira, deficiencias que repercuten no funcionamento diario do Centro e que ate o día de hoxe non foron arranxados.Dende o B.N.G. solicitamos que o goberno municipal exixa á consellería de Educación que tome as medidas oportunas para solucionar o problema , dado o inminente inicio do curso escolar