Demoledora victoria, ou victoria pírrica

Tendo en conta que a Real Academia Española da lingua define como vitoria pírrica aquela obtida con máis dano do vencedor que do vencido, o bipartito logrou sen dúbida un triunfo destas características nas pasadas eleccións xerais. Segundo o resultado definitivo publicado o pasado venres no Diario Oficial de Galicia, os 524.488 votos logrados polo PSOE e os 270.712 conseguidos polo BNG suman máis de 5.000 sufraxios máis que os 789.427 respaldos alcanzados polo PP. Os populares, con todo, rendibilizan mellor os seus resultados e lograron 38 deputados, fronte aos 37 da oposición de socialistas e nacionalistas, debido ao actual sistema electoral. Así, se non se favorecese ás provincias de Ourense e Lugo ?as menos poboadas? sobre A Coruña e Pontevedra, o BNG lograse o seu decimotercer escano a conta do PP. Do mesmo xeito, se non se aplicase a Lei d´Hont, que beneficia ao máis votado, os populares quedarían en 37 deputados e o Bloque chegaría aos 13.

Un deputado pola Coruña

Así, se puidesen unir os seus respaldos estes 16 partidos (UPyD, Terra Galega, Esquerda Unida, Vos Verdes, Por un Mundo máis Xusto, Fronte Popular Galega, Nós-Unidade Popular, Partido Humanista, Democracia Ourensá, Galicia, Falanxe Española das JONS, Solidariedade e Autogestión Internacionalista, Galicia Unida, Unión Centrista Liberal, Partido Socialista e Democrático de Dereito e Asemblea Votación Electrónica), tan só conseguirían un dos 75 deputados do Parlamento galego.