Galiza non pode adoptar a súa hora natural

O Goberno Central vén de rexeitar a iniciativa do BNG para que Galiza poida adaptar o seu horario á súa hora natural, aducindo, de forma vaga, razóns de harmonización do transporte, turismo e comunicacións. O portavoz nacionalista, Francisco Jorquera, presentou unha iniciativa no Congreso dos Deputadas na que argumentaba que Galiza “atópase no mesmo meridiano que Portugal ou Irlanda, e polo tanto debería ter o seu mesmo horario, unha medida que permitiría un mellor aproveitamento da luz solar, coas múltiples vantaxes que isto suporía para a sociedade galega, dende un maior aforro enerxético até a súa repercusión no conxunto da economía e nunha mellora da calidade de vida”.Cambio horario verán/inverno Outras das cuestións polas que se interesaba o deputado do BNG na súa iniciativa era os motivos para o cambio de horario verán a horario de inverno (último domingo do mes de marzo e outubro, respectivamente). Neste sentido, Francisco Jorquera lembraba que “cos datos do INEGA Galiza só aforra un 1% no seu consumo enerxético co cambio horario, unha cifra que se eleva ao 5% no conxunto do Estado Español, segundo os dados do IDAE”. A este respeito, o Goberno Central sorprende recoñecendo que o aforro enerxético é prácticamente inexistente: “O aforro enerxético, que era unha das principais razóns aducidas para a introdución da hora de verán e unha vez analisados un importante número de traballos efectuados polos Estados membros, sitúase só entre un 0 e un 0,5%”, asegura. “De feito –engade a resposta- o aforro eléctrico conseguido no ano 2006 a nivel estatal en España, no período do 27 de marzo ao 28 de outubro de 2006, en cifras reais de consumo medidas por Red Eléctrica, estímase nun 0,3%”. Porén, a pesar de que non existe prácticamente aforro e das molestias que lle ocasiona á poboación o cambio de horario o Goberno négase a cambialo aducindo que se trata dunha Directiva da Unión Europea, do ano 2001, “que é obrigatorio aplicar para todos os estados membros, non existindo a posibilidade de excepción que permitira a un Estado membro non aplicar o réxime de hora de verán”.

Quintana salienta no Día da Patria o fracaso do modelo económico ultraliberal

A organización repartiu estrelas entre os asistentes
Máis de 25.000 persoas asistiron este 25 de Xullo á manifestación convocada polo BNG con motivo do día da Patria Galega. No seu discurso, o portavoz nacional, Anxo Quintana, dedicou parte do seu tempo ao período de crise económica que estamos a vivir. Cualificou o actual período como a primeira crise da globalización ultraliberal: “Os apóstolos do ultraliberalismo agora gardan silencio fronte a unha crise global que evidencia o esgotamento do modelo enerxético baseado no petróleo, que evidencia todo o sen sentido especulativo do sistema financeiro mundial, e que revela unha aguda crise alimentaria que condea a millóns de persoas á fame extrema”.
"O BNG sempre apostou por poñer o autogoberno ao servizo da economía real das persoas e do benestar real das persoas"Nesa liña, destacou que o BNG sempre apostou por “poñer o autogoberno ao servizo da economía real das persoas e do benestar real das persoas” e mencionou as políticas baseadas no desenvolvemento autocentrado que está a por en práctica o BNG na Xunta. “Asumimos como parte fundamental da nosa acción de goberno a obriga de impulsar a mobilización dos recursos financeiros, enerxéticos e humanos de Galiza a favor da súa economía produtiva e da xeración de emprego e riqueza. Impulsar a nova ordenación da explotación dos nosos recursos enerxéticos e aproveitar as súas potencialidades para favorecer innovadoras estratexias de industrialización e diversificación produtiva”, dixo.
Quintana destacou tamén a importancia prioritaria de “deseñar unha nova política agrogandeira e forestal para recuperar o medio rural como espazo estratéxico prioritario para o noso desenvolvemento como garantía de reequilibrio territorial e cohesión social fronte á desertización demográfica que ameaza as nosas comarcas”.
Ademais, citou a tentativa de regaleguizar FENOSA: “benvidos ao galeguismo enerxético a algúns que estes días avogan pola galeguización dunha importante empresa eléctrica agora en venta”. “Son os mesmos que hai ben pouco tempo louvaban a liberdade sen límites dos mercados e acusaban ao BNG de cativismo paduano ao reclamar o dereito de Galiza a un desenvolvemento autocentrado e a sacar proveito nacional da explotación dos nosos recursos ou por non renunciar ao dereito a vivir e traballar na nosa terra”, afirmou.
A creba de Martinsa-Fadesa tamén tivo o seu espazo no discurso de Quintana: “Seica nestes días hai quen anda preocupado polo destino último que poden ter certos terreos propiedade dalgunha empresa inmobiliaria caída en desgraza. E se especula coa posibilidade de utilizar fondos públicos para resolver o desaguisado. Sabede que mentres o BNG teña responsabilidade nesta materia, e a terá durante moito tempo, os fondos públicos só se utilizarán para asegurar o acceso á vivenda das persoas con menos recursos, para a promoción de vivenda protexida e nunca para cadrar a conta de resultados dalgunha empresa mal xestionada”.

Modelo de financiamento
O vicepresidente da Xunta criticou os termos nos que se está a dar o debate das balanzas fiscais e da reforma do financiamento autonómico: “Temos que acabar dunha vez por todas co mito de que somos un país subsidiado, pobre, sen capacidade para xerar ingresos que cubran os nosos servizos públicos. Hai que desfacerse da imaxe distorsionada e falsa que de nós queren construír dende Madrid, sexa utilizando as balanzas fiscais ou o modelo de financiación”.
Acordos políticos en Galiza para ampliar o autogoberno
"O que utilizan con Euskadi, Cataluña ou Galiza para negarlle o seu autogoberno non son argumentos senón coartadas inadmisíbeis en termos democráticos”Citando a Curros Enríquez “Na nosa unidade está o porvir da patria”, Quintana defendeu o diálogo como método para chegar a acordos con PP e PSOE de cara a cuestións de interese xeral para Galiza, como a comisión de seguemento do AVE ou a ampliación de competencias.

Criticou a actitude do poder central ante as demandas de autogoberno das nacións: “Se seguen negándose en Madrid a que Galiza teña policía propia ou a crear a Comisión Bilateral de seguimento das obras do AVE teremos que concluír que o que utilizan con Euskadi, Cataluña ou Galiza para negarlle o seu autogoberno non son argumentos senón coartadas inadmisíbeis en termos democráticos”.
Unha nova maioría galeguista
O líder do BNG chamou aos presentes a artellar “unha nova maioría social galeguista en torno ao BNG como apoiatura dun novo goberno e do Novo Estatuto de Nación que Galiza precisa facer realidade en 2009”. “Esa maioría galeguista e nacionalista, á que queremos dar expresión política e representación institucional, confía e sabe que para ser algo hai que querer algo, que non hai avances se non hai vontade de avance, que non hai transformación positiva da realidade sen un esforzo consciente por mudar a realidade”, asegurou.
“Non seremos complemento ou bisagra”
Quintana reivindicou a labor do BNG como “motor das políticas de transformación social, cultural e económica do país e asegurou, concluíndo o seu discurso, que “nós non nacemos para ser complemento de ninguén nin ser bisagra en ningún modelo multipartidario. Nacemos para liderar o País e a única porta da que queremos formar parte é da que conduce á liberdade soberana de Galiza.”
A manifestación saíu puntualmente da Alameda e bifurcouse en dúas ao chegar á zona vella, para evitar aglomeracións e dar comezo antes ao acto. Iria Aboi, secretaria xeral de Galiza Nova, foi a encargada de dar comezo ás intervencións. Mencionou as 19 delegacións internacionais asistentes, así como as cinco organizacións galegas que enviaron representantes.

O Día da Patria na Tele BNG

Segue o Día da Patria na TeleBNG, as intervencións do Portavoz Nacional (Anxo Quintan) e de Iria Aboi (responsábel de Galiza Nova)

A intolerancia de TEGA co galego

No último Pleno , celebrado no concello de Neda, no apartado de rogos e preguntas,portavoz do BNG no concello de Neda, fixo un rogo no que solicitaba que o contestador telefónico do concello tivera a opción dos idiomas galego e castelán ( dado que ate o de agora só esta en castelán), o alcalde de Neda, Ignacio Cabezón de TEGA, negouse tallantemente, que non quería imposicións e que non queria que o idioma galego estivera como opción de idioma no contestador da centraliña do concello de Neda. Quen impón?. pregúntase os membros do BNG de Neda. Quen é intolerante co idioma ?. Onde está a igualdade dos idiomas?

TEGA e PP, votan encontra da maioría das mocións presentadas polo BNG no Pleno de Neda

As mocións referentes á “INVESTIGACIÓN DO ACCIDENTE DA FRAGATA EXTREMADURA”, a aportación do 0,8 % dos orzamentos municipais para " A SUPRESIÓN DE BARREIRAS ARQUITETÓNICAS”, e a relativa á posta a disposición do Instituto Galego de Vivenda e Solo de terreos “ PARA A CONSTRUCCIÓN DE VIVENDAS SOCIAIS”, foron rexeitadas e votadas encontra, polos socios de goberno de Neda ,TEGA e PP, no Pleno celebrado esta mañá no Salón de actos do Concello, cando xa na Comisión de Asuntos de Pleno fora rexeitada a da supresión da Simboloxía Fascista.
Ao BNG, chámalle a atención que a postura do PP, no caso das vivendas sociais fora unha demanda deste partido, tal e como se pode ler si un mira as hemerotecas ( notas do 03/08/05 ) e agora sexa rexeitada.
No mesmo pleno e ó inicio, á petición do Portavoz do BNG, Manolo Castro, fíxose unha condena por parte de tódolos grupos, aos atentados fascistas sufridos no mural do BNG, na parede dun veciño e no propio automóbil deste concelleiro.

Ataque fascista a un mural do BNG

Un mural do Bloque Nacionalista Galego no concello de Neda, en conmemoración do día da Patria Galega, foi sabotado tentando quitalo e facendo pintadas no mesmo e ao longo da parede dunha propiedade privada
O mural que está situado na Avda de Alxeciras , a altura do nº 67, sufriu o ataque este domingo.
O Bloque Nacionalista Galego en Neda, condena enerxicamente este tipo de actitudes de carácter fascistoide e quere expresar qaue quen isto fai carece de argumentos diante da cidadanía e demostra as súas actitudes antidemocráticas.
O BNG en Neda, pedirá no vindeiro Pleno a celebrar o 17 de xullo ás 12 da mañá, a condena destes actos por parte de tódolos grupos que forman parte da corporación nedense.

O BNG pide a construcción de Vivendas Sociais

No vindeiro Pleno a celebrar no salón de actos do concello de Neda o vindeiro 17 de xullo, o Bloque Nacionalista Galego, vai presentar unha moción , co fin de que os socios de goberno do concello TEGA e PP, poñan a disposición do Instituto Galego de Vivenda e Solo tarreos para a construcción de Vivendas.

Texto da Moción.

EXPOSICIÓN DE MOTIVOS

O concello de Neda, é dos poucos concellos da Comarca de Ferrolterra, que carece de Vivendas Sociais, existindo unha grade necesidade deste tipo de infraestruturas en moita da poboación pero máis que nada dentro da poboación moza.
No Pleno do concello celebrado o 30 de xuño de 2.004, o Bloque Nacionalista Galego dentro dos puntos da orde do día presentou unha Moción para que se iniciaran os trámites de construción de vivendas sociais,moción que foi aprobada por tódolos membros do consistorio, transcorridos xa 4 anos, dende o BNG observamos, que non se tomaron iniciativas para levar a cabo a construción de ditas infraestruturas.
Polo exposto, o Bloque Nacionalista Galego, pon en consideración do Pleno.

ACORDOS

Que o goberno municipal, inicie os trámites para a consecución de terreos, para por a disposición do Instituto Galego de Vivenda e Solo, co fin de dotar ao noso concello de Vivendas Sociais.

Que por parte da Alcaldía, se elabore un bando onde se publique o rexistro de demandantes de vivendas do noso concello.

Que se solicite unha entrevista co Delegado Provincial de Vivenda e Solo, para coñecer a disposición do citado Organismo, para a construción das citadas infraestruturas.

Retirada da Simboloxía Feixista

O Bloque Nacionalista Galego, presenta unha moción para á súa toma en consideración , co fin de que sexa retirada a simboloxía feixistas no Concello de Neda.

No ano 1.936, o 18 de xullo, un sector dos militares levantaronse, contra o goberno do Estado, legalmente constituído e democraticamente elixido, como consecuencia disto ao longo de 3 anos, moitos homes e mulleres e por defender os dereitos democráticos e a ese goberno lexítimo, foron perseguidos maltratados, sufriron exilio e ate foron vilmente asasinados; no noso concello de Neda, temos tamén exemplo de veciños perseguidos polos fascistas e como no caso de Antonio Castro López ( Tocho ), domiciliado en Neda ou Antonio Veiga Mejuto ou José Sancho Ribera veciños de A Capela, foron asasinados o 30 de outubro do ano 1.951, nunha casa do Puntal de Abaixo.
Sempre pola vía da imposición, os golpistas foron deixando as súas pegadas ao longo de todo o Estado con escudos, símbolos, cruces e nomes de rúas de aqueles que sementaban o odio e o terror.
No noso concello temos mostra desa pasaxe da historia con nomes nas rúas ( Avda del generalísimo, Avda del general franco ), etc entre a simboloxía o iugo e as frechas nalgúns lavadoiros e a “cruz de los caídos” da Toeleira, que enaltece única e exclusivamente a unha parte dos mortos da contenda sen ter en ningún momento en conta, que si houbo persoas, que perderon a súa vida por loitar pola liberdade e defendendo a legalidade, e enaltecendo a outro golpista como foi Jose Antonio ( que tamén se alzou en armas contra un goberno lexitimo ).
A lei 52/2007 de 26 de decembro ( lei da memoria histórica) establece no seu Art. 15 ( Símbolos e monumentos públicos), no seu apartado 1. As administracións públicas, no exercicio das súas competencias, tomarán as medidas oportunas para a retirada de escudos, insignias, placas e outros obxectos ou mencións conmemorativas de exaltación persoal ou colectiva da sublevación militar da guerra civil ou da represión da ditadura.

Como queira que fai pouco tempo, celebrouse no concello veciño de Narón, un Congreso en col da Memoria Histórica, onde como colaboradores estaba o Concello de Neda, o Concello de Fene, o Concello de Narón, algúns grupos políticos, e como anfitrión o actual alcalde de Narón, acto no que se puxeron e se expuxeron grande cantidade de dados sobre o horror acontecido ao longo de toda a ditadura fascista.
Co fin de que sexa resarcida á lexitimidade e a memoria de todas aquelas mulleres e homes que pelexaron por un País en liberdade e pola democracia, o BNG propón

ACORDOS

A retirada da simboloxía e nomes da ditadura franquista do noso concello.

A retira de “ a cruz de los caídos” do xardín da Toeleira.

A colocación dunha cuncha como símbolo de unión de xentes e culturas ( que significa o Camiño Inglés ) e no seu interior un texto gravado, onde se lembre o art.Artg 29 2. (da Declaración dos Dereitos Humanos).
No exercicio dos seus deberes e no disfrute das súas liberdades , toda persoa estará unicamente suxeita ás limitacións establecidas pola lei co único fin de asegura-lo recoñecemento e o respecto dos dereitos e liberdades dos demais, e de satisface-las xustas esixencias da moral, da orde pública e do benestar xeral nunha sociedade democrática

O BNG presenta unha moción para a supresión da peaxe entre Fene e Pontedeume

Texto da moción que o Bloque Nacionalista Galego vai presentar ao Pleno do concello de Neda.

EXPOSICIÓN DE MOTIVOS

A estrada N-651 da servizo entre Ferrol e Pontedeume e atravesa os concellos de Fene e Cabanas. O desenvolvemento urbano destes catro concellos fai que esta vía sexa, a día de hoxe e case na súa totalidade, unha vía urbana e, polo tanto, con múltiples limitacións de 50 qm/h, por motivos de seguridade viaria, e, asemade, con atoamentos habituais en determinadas horas do día, especialmente no verán.

Mais esta situación é especialmente grave entre Pontedeume e Cabanas, xa que a ponte que cruza o Eume non abonda para absorber o tráfico e, neste punto concreto, os atascos son constantes, reproducíndose a situación anterior á entrada en servizo da autoestrada AP-9. A súa ampliación, imposíbel pola situación, volvería a converter a Pontedeume nun funil, e a construción doutra ponte no río Eume para aliviar o tráfico actual non é viábel polo seu impacto ambiental negativo.

A única solución factíbel e inmediata é o levantamento das peaxes da autoestrada AP-9, pasando a ser gratuíta entre Ferrol e Pontedeume, e dotar a este concello dun novo acceso no lugar de Andrade, actuacións conxuntas que terían un impacto positivo e evitarían seguir facendo de Pontedeume un colapso permanente de tráfico.

É importante destacar que o novo acceso xa é un vello compromiso das Administracións Públicas: o 24 de Febreiro do 1993, o Presidente de Audasa dirixíase por escrito ao Alcalde para “... confirmarlle a disposición desta Empresa de dotar a Pontedeume dun enlace, na zona do previsto polígono industrial de Vidreiro, coa Autoestrada do Atlántico, A-9, treito Fene-Guísamo”, e, nesa mesma data, o daquela Secretario Xeral para as Infraestruturas do Transporte Terrestre do Ministerio de Obras Públicas e Transportes, hoxe Presidente da Xunta de Galiza, sr. Pérez Touriño, tamén se dirixía por escrito ao Alcalde para reafirmar a disposición de Audasa. Por outra banda, o citado acceso xa acadou o apoio no Parlamento Galego logo de que o BNG presentase no ano 2007 unha Proposición Non de Lei.
Polo exposto con anterioridade, e considerando que a solución enunciada beneficia non só aos concellos directamente afectados (Ferrol, Fene, Cabanas e Pontedeume)a solución proposta beneficia efectivamente aos Concellos directamente afectados: Ferrol, Fene, Cabanas e Pontedeume, mais tamén ten unha repercusión positiva noutros Concellos do entorno: Monfero, Vilarmaior, A Capela, As Pontes, Mugardos, Ares, Neda, Narón, e, en definitiva, o conxunto dos Concellos das Comarcas de Ferrol, Eume e Ortegalsolución proposta beneficia efectivamente aos Concellos directamente afectados: Ferrol, Fene, Cabanas e Pontedeume, mais tamén ten unha repercusión positiva noutros Concellos do entorno: Monfero, Vilarmaior, A Capela, As Pontes, Mugardos, Ares, Neda, Narón, e, en definitiva, o conxunto dos Concellos das Comarcas de Ferrol, Eume e Ortegal, se non tamén aos do entorno (Monfero, Vilarmaior, A Capela, As Pontes, Mugardos, Ares, Neda, Narón, ...), e, en definitiva, ao conxunto das comarcas de Ferrol, Eume e Ortegal, o Grupo Político Municipal do BLOQUE NACIONALISTA GALEGO propón ao Pleno do Concello adoptar os seguintes

ACORDOS
1.- Demandar da Xunta de Galiza o inicio de negociacións co Goberno do Estado co obxectivo de liberar as peaxes entre Fene e Pontedeume.

2.-Instar á Xunta de Galiza, de acordo co aprobado no Parlamento Galego en xuño do 2007, a dirixirse ao Goberno do Estado para que retome as xestións e os compromisos acadados e se proceda a realizar un novo acceso á autoestrada AP-9 no concello de Pontedeume, no lugar de Andrade.

Rolda de prensa do grupo municipal do BNG

A/o Concelleira/o, Cristina Bouza Bellón e Manolo Castro Alonso, presentaron hoxe en rolda de prensa, as iniciativas que van a levar ao próximo pleno, a celebrar no Concello, o vindeiro 17 de xullo, os concelleiros expuxeron, que temas como o aprobado polos ministros e ministras de traballo dos Estados membros da Unión Europea ( na cuestión das 65 horas ) coa abstención do PSOE, a supresión da peaxe Ferrol-Pontedeume, o esclarecemento do accidente da Fragata "EXTREMADURA" e a retirada do expedente ao veciño de Neda e cabo da Armada, Jorge Miguel Gago Chao, a reserva dun 0,8 % nos orzamentos do ano 2.009, para a supresión de Barreiras Arquitectónicas, o inicio de trámites para por a disposición do Instituo Galego de Vivenda e Solo para dotar a Neda de Vivendas sociais e a retirada da simboloxía franquista do noso concello, son temas tratados polos concelleiros e que pretenden que sexan debatidos polos grupos que forman oa corporación municipal.

Que se exclareza o accidente da fragata " EXTREMADURA"

Que se esclareza o acontecido na fragata "EXTREMADURA" é o que esta a pedir o Bloque Nacionalista Galego na moción presentada no Concello de Neda e que ó Veciño deste concello o cabo da armada Jorge Miguel Gago Chao lle sexa retirado o expediente disciplinario.
Texto da Moción:
Exposición de Motivos:

O 19 de decembro do ano 2005, estouraba unha caldeira na Fragata “Extremadura”, pertencente á armada española, provocando á morte de dous dos seus tripulantes. Os mozos galegos, Francisco Javier Pérez Castrillón e Eric Noval Gómez.

Nas respostas do Goberno ás preguntas por escrito formuladas polo BNG en diversas ocasións no Congreso dos Deputados nunca se despexaron todas as dúbidas respecto ao accidente e ao estado da embarcación. En concreto nunca se aclarou porque nunca se evacuou a fragata á hora do accidente, nen tampouco as cuestións relacionadas coa temperatura da caldeira nos momentos previos ao suceso, que sempre quedaron abertas.

Somos coñecedores que existen testemuña que sosteñen que nas horas previas ao accidente se detectaron niveis de contaminación por cloro moi superiores aos niveis permitidos e que incluso se advertiu desta circunstancia aos mandos da fragata. Cabe a hipótese, polo tanto, de que a causa da explosión puidese estar no quentamento excesivo da caldeira de popa que posteriormente estourou.
Entre estas testemuñas atopase o veciño do noso concello Jorge Gago, que viu como a súa contribución esencial á clarificación dos feitos e á posibilidade real de facer xustiza foi respondida coa apertura dun expediente disciplinario.

A actitude do Ministerio de Defensa é cando menos sorprendente pois evita posicionarse escudándose na situación de “pendente de resolución xudicial” do caso e, ao mesmo tempo, ábrelle un expediente disciplinario ao cabo ferrolán Jorge Gago, unha testemuña clave neste proceso, o que pode chegar a entenderse como unha inxerencia que busca transmitir a mensaxe da obediencia e o silencio.

Entendemos que a Defensa como parte da administración publica debe rexerse polos principios de servizo, transparencia e responsabilidade. A disciplina militar non pode ser obediencia cega á xerarquía, subordinación acrítica e o mando autoritario despótico. As Forzas Armadas non poden ficar á marxe dos dereitos e deberes que teñen o resto de cidadáns e as administracións públicas.
Así mesmo, e xa que a día de hoxe moitos mozos e mozas de Galiza recorren ao ingreso nas Forzas Armadas, como saída laboral, merecen unha consideración, como cidadáns e traballadores, propia dun estado democrático.

Por este motivo o grupo municipal do BNG propón a adopción dos seguintes

ACORDOS:

1.- O Pleno do Concello acorda instar ao Ministerio de Defensa a que proceda a realización dunha investigación seria e rigorosa que esclareza as causas do accidente da Fragata “Extremadura”.

2.- O Pleno do Concello acorda instar ao Ministerio de Defensa à retirada do expediente disciplinario aberto contra o veciño do concello de Neda e Cabo da armada Jorge Miguel Gago Chao.

Supresión das berreiras arquitectónicas

Texto da moción que o BNG, vai presentar no concello, a petición dos veciños de Neda.

EXPOSICIÓN DE MOTIVOS

Lei 8/1997, do 20 de agosto, de accesibilidade e supresión de barreiras na Comunidade Autónoma de Galicia.
O artigo 49 da Constitución española encoméndalles ós poderes públicos a realización dunha política de previsión, tratamento, rehabilitación e integración dos diminuídos físicos, psíquicos e sensoriais, ós que lles prestarán a atención específica que requiran e ós que ampararán especialmente para o desfrute dos dereitos que a Constitución lles outorga a tódolos cidadáns
Artigo 2.-
Ámbito de aplicación.
Están sometidas ás prescricións desta lei tódalas actuacións levadas a cabo na Comunidade Autónoma de Galicia por entidades públicas ou privadas, así como polas persoas individuais.

b) Enténdese por barreiras calquera impedimento, atranco ou obstáculo que limite ou impida o acceso, a liberdade de movemento, a estancia, a circulación e a comunicación sensorial das persoas con mobilidade reducida ou calquera outra limitación.
As barreiras clasifícanse en:
-Barreiras arquitectónicas urbanísticas (BAUR): son aquelas barreiras existentes nas vías e nos espazos libres de uso público.

Barreiras arquitectónicas na edificación (BAED): son aquelas barreiras existentes nos accesos e/ou no interior dos edificios, tanto de titularidade pública coma privada.
-Barreiras no transporte (BT): son aquelas barreiras que existen nos medios de transportes e nas súas infraestruturas.
c) Enténdese por persoas con limitacións aquelas que temporal ou permanentemente teñen limitada a capacidade de utiliza-lo contorno ou de relacionarse con el.
d) Enténdese por persoas con mobilidade reducida aquelas que temporal ou permanentemente teñen limitada a posibilidade de desprazarse.
Disposicións adicionais
Primeira.-As correspondentes administracións públicas galegas elaborarán os plans de adaptación e supresión de barreiras previstas nesta lei nun prazo de dous anos desde a súa entrada en vigor. Estes plans serán revisados cada cinco anos e o prazo para a súa realización non superará os dez anos .As administracións públicas galegas establecerán, anualmente, unha porcentaxe das súas partidas orzamentarias de investimento para a supresión das barreiras existentes nos edificios de uso público da súa titularidade ou sobre as que dispoñan, por calquera título, do dereito de uso.
Artigo 9.-Elementos de urbanización.
Os elementos de urbanización, tales como pavimentos, saneamento, redes de sumidoiro, iluminación, redes de telecomunicación e redes de subministración de auga, electricidade, gases e aqueloutras que materialicen as indicacións do planeamento urbanístico, posuirán unhas características de deseño e execución tales que non constitúan obstáculo para a liberdade de movementos de calquera persoa.

ACORDOS

Que tal e como reflicte a lei 8/1997, no vindeiro orzamento municipal se reserve o 0.8% para supresión de barreiras arquitectónicas no concello de Neda.

O BNG si cre en Navantia-Fene

O Parlamento de Galicia vén de aprobar en pleno unha proposición non de lei do BNG na que se insta a cuantificar as axudas europeas que recibíu Navantia-Fene e que foron consideradas ilegais pola UE e que se negocie con Europa para que, “en virtude do principio de proporcionalidade, permita a transmisión ou adquisición de activos non utilizados pola empresa Navantia-Fene para que, dentro do marco dun concurso público, poidan volver á construción naval civil”.O parlamentar nacionalista Fernando Blanco describíu na súa intervención a situación que vive na actualidade o sector naval, con unha elevada carteira de pedidos que ocasiona que o sector naval de Vigo estea a demandar de xeito urxente 1.500 traballadores con formación para o sector.“Existe unha demanda disparada que en Europa se elevaba en 2007 a 3,6 veces a capacidade de traballo dos estaleiros existentes”, indicou o parlamentar, ao tempo que resaltou a importancia de potenciar este sector con tantas posibilidades en época de crise económica.Asi, o deputado do BNG subliñou o paradoxo de que “tendo o sector naval de Vigo problemas para a súa ampliación, haxa a 200 quilómetros un estaleiro totalmente ocioso”.860 ME en axudas da UEEsta situación, tal e como lembrou o parlamentar, “débese ás axudas europeas consideradas ilegais pola UE”, para evitar a devolución de 860 ME, o goberno do PSOE acolleuse a unha cláusula de salvagarda e iniciáronse unhas negociacións nas que se desfai Izar e se crea Navantia e o estaleiro de Fene fica relegado a abandonar a construción naval civil.Mais, o certo é, tal e como indicou Blanco Parga que “ninguén aclarou cales desas axudas recibiu Astano” e apuntou que, das tres axudas ás que se referiu a UE, dúas eran nominais e a factoría de Fene non percibiu nin un céntimo en eses dous casos.O deputado nacionalista lembrou o labor feito polo nacionalismo en defensa do estaleiro de Navantia-Fene, tanto no foro parlamentar, como desde a Consellaría de Innovación e Industria e instou a que se cuantifiquen os cartos que percibiu Fene para clarificar quen se beneficiou realmente destes cartos.A iniciativa, que foi aprobada cos votos a favor dos grupos que sustentan o goberno, insta asemade a abrir unha negociación coa UE para que, “en virtude do principio comunitario de proporcionalidade e sen que implique novas axudas públicas, permita a transmisión ou adquisición dos activos non utilizados pola empresa Navantia-Fene para que dentro dun marco de concurso público poidan volver á construción naval-civil”.

( noticia de GZnación)

O SENADO APROBA UNHA MOCIÓN DO BNG SOLICITANDO AO GOBERNO QUE NON SUPRIMA A TARIFA NOCTURNA

A iniciativa de Xosé Manuel Pérez Bouza (Senador do Bloque Nacionalista Galego ) foi apoiada por todos os grupos políticos, agás o PSOE


A Comisión de Industria do Senado aprobou esta mañá unha moción do senador do BNG, Xosé Manuel Pérez Bouza pola que se lle demanda ao Goberno que non suprima a tarifa eléctrica nocturna “debido á negativa repercusión económica que tería sobre os consumidores”.

A moción do BNG foi apoiada por todos os grupos da Cámara Alta (PP, CiU, PNV, Entesa Catalana e Mixto) e só contou co voto en contra do PSOE.

En concreto, a moción do BNG aprobada hoxe insta ao Goberno a que “derrogue a nova modalidade tarifaria de discriminación horaria e reimplante a tarifa eléctrica nocturna, de forma as economías domésticas non sufran unha suba desproporcionada na tarifa eléctrica”:

“Non é de recibo pretender aplicar neste momento un cambio de tarifa que sería lesivo para as economías domésticas”

Pérez Bouza subliñou que “o Goberno ten que ter en conta que o contexto económico actual de crise non é o máis idóneo para proceder a realizar cambios normativos que, indirectamente, supoñan un incremento da tarifa eléctrica inasumíbel e lesivo para as economías domésticas”, xa que poderían incrementar o recibo da luz entre un 20 e un 70%.

Ademais, advertiu de que “a supresión da tarifa eléctrica nocturna prexudicaría gravemente a máis dun millón de familias que están subscritas a este contrato en todo o Estado, dos que unha boa parte (160.000 fogares) en Galiza ”.

Neste sentido, alertou de que a maioría destes abonados á tarifa nocturna “non poderían aboarse á tarifa social que propón como alternativa o Ministerio, xa que terían que contratar unha potencia superior ao umbral máximo que plantexa o goberno (3 kw)”.

Por último, o senador do BNG agradeceu o apoio das restantes forzas políticas e lamentou que o PSOE votase en contra dunha iniciativa “que só persegue que as reformas que se fagan no recibo da luz non prexudiquen aos sectores sociais máis necesitados de axuda”.

O nome do País

Nos últimos meses, a vulneración dos dereitos lingüísticos dos galegos e das galegas evidenciouse en diferentes situacións que, pola súa gravidade, tiveron tamén eco nos medios de comunicación. Algúns deses casos lembrámolos na manifestación do pasado 18 de maio, ese chamamento cívico contundente ao noso dereito a vivirmos no noso propio idioma.O Carrefour da Coruña recoñeceu que un xefe de sección insultara a unha traballadora porque esta falaba en galego. Unha xuíza, Ana López Suevos, foi denunciada e cuestionada na súa profesionalidade por emitir sentenzas nesta lingua. O Hotel Ciudad de Vigo admitiu que lle prohibe aos seus traballadores falar neste idioma milenario. O Hospital Modelo da Coruña chegou a enviar un comunicado de imprensa xustificando que unha das súas pediatras lle prohibise a pacientes e familiares que se dirixisen a ela en galego. Segundo datos proporcionados polos centros educativos, o 10,5% das crianzas de tres anos nas sete cidades non reciben nin unha hora de ensino en galego ao día; outro 16% só recibe unha hora...Ningún destes temas suscitou ningún ditame ou comunicado, por pequeno e sinxelo que fose, por parte da Real Academia Galega. Contrasta este cómodo silencio da RAG perante os problemas da lingua e da cultura do país co protagonismo desta institución na actual campaña mediática contra o uso de Galiza, forma xenuína e histórica, abrumadoramente maioritaria na documentación en galego até o século XVII (aínda que, como é sabido, desde a dominación castelá os textos no noso idioma son cada vez menos e con máis barbarismos). Hai un debate entre lingüistas sobre se Galicia é tamén ou non unha forma galega, pois a súa pervivencia na oralidade non o certifica, igual que non podemos concluír que gallego sexa o recomendábel porque galego desaparecese da fala, excepto nunha comarca. Mais o que non pode negar ningún lingüista é que Galiza é unha forma propia, da nosa historia e da nosa tradición, que hoxe non é ningunha peza de museo, senón que está recuperada e tamén viva, especialmente nos sectores máis dinámicos en favor dos dereitos da comunidade lingüística galega.Nesta pugna simbólica contra Galiza están xustamente os principais movementos e grupos fácticos ou de presión que atacan calquera posíbel adianto para o noso idioma e que ollan para outro lado cando hai conculcacións de dereitos notorias e escandalosas como as sinaladas no segundo parágrafo. Iso non quita que haxa moita xente que defenda ou utilice Galicia por apego afectivo ou porque considere máis acaída a corrente lingüística que defende o seu uso por ser a forma maioritaria na fala espontánea.Do meu punto de vista, o problema non está principalmente no ditame da RAG, pois este é pouco máis que unha paráfrase pouco afortunada das Normas de 2003, extralimitada no aspecto xurídico. O máis grave é que se estean a reproducir diariamente declaracións off the record desta institución, ou da comisión correspondente, sen que en ningún momento se neguen ou se corrixan, colaborando así na campaña de deslexitimación do uso de Galiza e creando incerteza sobre as pautas para un uso correcto do idioma. A mesma Academia que nas normas de 2003 estabelece o criterio salomónico de que Galicia e Galiza son válidas, agora considera, irresponsabelmente e pondo en perigo o consenso normativo alcanzado hai cinco anos, que isto é “esquizofrenia lingüística” e que “un país non debe ter dous nomes”. Con certeza, é digno de lamento, mais tamén non é novidade tal diverxencia de pareceres nunha institución que, despois de referendar grazas como única forma correcta, realiza declaracións públicas escasamente serias a través do seu presidente cuestionando o seu uso e indicando que el vai seguir dando as gracias. Que autoridade ten para estabelecer normativa quen non a aplica?Para o progreso do idioma é preciso un referente estándar que conte cun amplo respaldo e consenso social, aínda que tal acordo ortográfico e morfolóxico deba ser dinámico e se revise “en función do proceso de normalización do uso do galego”, tal e como estabelece a Lei de normalización lingüística na súa disposición adicional. Fraco favor lle está a facer á existencia de tal consenso a postura da RAG. Agardemos que os seus membros máis conscientes, comprometidos e preocupados pola situación do noso idioma reaccionen e, aínda que sexa 101 anos despois, teñamos por fin a Academia Galega que a nosa cultura e a nosa lingua precisan.
Carlos Callon (12-06-2008)
Artigo publicado en GZnacion.com

Plan de financiamento de obras a Concellos de A Coruña

A área de Promoción e Cooperación a Concellos, área que xestiona o Bloque Nacionalista Galego na Deputación Provincial de A Coruña apresenta e o Pleno da Deputación Provincial aproba as Bases reguladoras do Plan Plurianual ( o plan máis importante aprobado ate o de agora por este organismo provincial) que financia obras de infraestructuras hidráulicas, obras de abastecemento de augas, depuradoras de auga potable, depósitos de auga, obras de saneamento, obras de calidade ambiental e melloras da rede viaria, por unha achega de 40.000.000 €, un Plan 2008-2011,, neste apartado ao concello de Neda correspóndelle 310.534,68 €. O concello de Neda, non pode perder a oportunidade de ampliar os servizos de saneamento de Anca e Viladonelle e a Rabadeña con este aprtida orzamentaria, adptando e poñendo ao día os proxectos que no seu momento foron redactados. O BNG sempre apoiará este tipo de inicitivas.

O BNG protesta pola falla de información

O Bloque Nacionalista Galego, quere realizar a máis enerxica protesta, polo que está a acontecer cos gobernantes de Neda, cando non vai ainda transcurrido un ano dende a toma de posesión do goberno municipal e coa promesa naquel intre de que se ían crear comisións e íase manter informada a oposición por que o deles era a transparencia. A estas alturas temos que dicer dende o BNG, que hai comisións que ao longo deste ano se convocaron dúas veces e que as Xuntas de Goberno levamos mais de un mes sin recibilas, ¿ qué é o pretenden ocultar á oposición os socios do grupo de goberno?, ¿ qué é o que os move para non dar a información e non facer as comisións.

Inauguradas dúas plantas do Centro Cívico

O Vicepresidente da Deputación Provincial D. Pablo Villamar, inaugurou onte o Centro Cívico de Neda, nun acto emotivo onde asistiron ademais dos familiares de D. Ramón Millarengo ( veciño de Neda que no seu día cedeu os tarreos, co fin de que poidera levarse a cabo a obra) os membros da corporación municipal e un reducido grupo de veciños e veciñas. Despois de 14 anos, Neda ve como se vai plasmando un edificio, non sen polémica e con moitas promesas incumplidas no tema da súa financiación.

O Goberno e a Oposición en Neda

!º.- O Bloque Nacionalista Galego, como organización que cree na democracia e a practica, sempre foi moi respetuosa coas decisións dos veciños/as ( decisións que se expresa nas urnas ) e sabemos en todo momento o lugar que os veciños nos otorgan.
2º.- Fumos e somos moi respetuosos cos gobernantes sempre, pero iso non quere dicer (que teñamos que tragar con rodas de muiño), e así o demostramos, dando un ano de transición para que o novo goberno do concello de Neda poidera amosar, a súa valía.
3º.- En ningún momento o BNG, fixo críticas a ningunha actuación do actual goberno, sen dar solucións e alternativas, e así o demostran as actas, tanto das comisións como dos Plenos e tamén poderán dar fe, os veciños/as que asisten aos plenos e que no futuro esperemos que sexan moitos mais para que vexan quen é cada quen en todo momento.
4º.- Si TEGA, ten mala conciencia na sua actuación política, xa que non é capaz de dar cumplimento as súas promesas electorais e ademais pretende trasladarlle a outros os seus problemas internos ( dimisión do seu Portavoz no último Pleno), que os vain solucionando e de paso que comece a traballar, xa que de momento están a vivir de iniciavas de outros e de privatizar os servizos.
En Neda, a 31 de maio de 2.008
Asdo Manolo Castro Alonso ( Concelleiro do BNG en Neda)
(NOTA ENVIADA Á PRENSA)

O BNG leva de novo ao Parlamento do Estado a limpeza do Belelle

Texto orixinal da iniciativa apresentado polo congresista Francisco Jorquera Caselas
A LA MESA DEL CONGRESO DE LOS DIPUTADOS
Francisco Jorquera Caselas
En los Presupuestos Generales para el año 2006 se incluyó a propuesta del BNG una partida de 60.000 euros para el dragado de la desembocadura del río Belelle en Neda (A Coruña). Dicha partida figuraba en el Programa 456D de la Sección 23 del Ministerio de Medio Ambiente.
Sin embargo, transcurridos dos años desde la aprobación de esta partida presupuestaria cuyo objeto era el de iniciar los estudios pertinentes para llevar a cabo la limpieza del río Belelle, se constata que todavía no se ha hecho nada.
El dragado de este río es una demanda histórica de los mariscadores y pescadores de Neda que tienen serios problemas para navegar con sus barcas durante la bajamar. Los lodos acumulados en el lecho del río suponen una barrera que dificulta la navegación de las embarcaciones tradicionales. De ahí la necesidad de dragar la zona a fin de regenerarla y recuperar de ese modo el cauce natural del río que posibilite el tráfico de las embarcaciones dedicadas a la actividad pesquera.
En julio del año 2006 la Dirección General de Costas informaba en respuesta a una pregunta por escrito formulada por el BNG que “estaba redactando el pliego de prescripciones técnicas para contratar la redacción del proyecto” aunque admitía que no disponía de ningún proyecto para llevarlo a cabo.
Los pescadores y mariscadores de Neda llevan años formulando esta petición, y dada la situación sería deseable que por fin el Gobierno atendiese este problema y procediese a iniciar el proyecto de limpieza y regeneración del río Belelle, máxime cuando existen incluso partidas presupuestarias destinadas a tal fin.
¿Cuál es el grado de ejecución de la partida de 60.000 euros consignada en los Presupuestos Generales del año 2006 para el dragado de la desembocadura del río Belelle en Neda (A Coruña)?
¿Se contrató la redacción del proyecto? ¿Qué gestiones ha llevado a cabo el Gobierno para tramitar el proyecto de limpieza del río Belelle? ¿Existe tal proyecto?
De no ser así, ¿a qué se debe? ¿por qué no se toma en serio el dragado de este río cuando se trata de una demanda histórica de mariscadores y pescadores de la zona?
¿Cúal es el compromiso real del Gobierno para llevar a efecto esta necesaria limpieza del río mencionado? ¿Está dispuesto a llevar a cabo este proyecto durante la presente legislatura?
¿Ha mantenido contactos con el ayuntamiento de Neda o con los afectados para abordar esta situación?

O BNG NON MINTE

O Grupo Municipal do Bloque Nacionalista Galego de Neda nunca foi convidado, ata o día da data, para participar nos traballos de elaboración do Plano Xeral de Ordenación Municipal.
A pesares das múltiples ocasións nas que solicitamos a nosa participación e ofrecimos a nosa colaboración ao Grupo de Governo Municipal (actual ou anteriores) para elaborar un documento urbanístico que deberá contar co máximo consenso, nunca se aceptou a nosa intervención.
Como representantes dos veciños, sempre solicitamos ter reunións cos diferentes grupos políticos e coa equipa de redacción, co fin de aportar o que nos consideramos que é beneficioso para os veciños/as de Neda, como así o fixemos no seu momento aínd que non se nos tivo en conta.
A Sra. Concelleira de Urbanismo manifesta moi mala memoria ou un gran descoñecemento dos seus veciños e veciñas, xa que na reunión que tivo lugar na Casa da Cultura en data 15-03-2008 estivemos presentes, a título persoal como o resto dos participantes, alomenos 4 persoas militantes do BNG, ademáis doutros varios simpatizantes históricos.
Pero acontece ademáis que a Sra. Concelleira de Urbanismo ven contradecir as manifestacións do Sr. Alcalde.
Naquela xuntanza, o Sr. Alcalde decía que o propósito daquel acto era “dar conta aos veciños do estado do asunto e escoitar as opinións”, engadindo que “os políticos xa teñen o seu lugar para facer propostas”.
Agora a Sra. Concelleira pretende que aquela era a ocasión do BNG para participar na elaboración do PXOM, en contra do criterio expresamente manifestado polo Sr. Alcalde.
A realidade é que aquel non era o lugar “para facer política” (o Sr. Alcalde dixit) e que non se permite a nosa intervención noutros foros adecuados.
A Sra. Concelleira Delegada de Urbanismo do Grupo de Governo do Concello de Neda non debe ofenderse nin sentirse atacada porque contemos a verdade.
Unha outra vez, desde o BNG de Neda recomendamos e pedimos a maior participación de todos e todas na elaboración do Plano Xeral de Ordenación Municipal do noso concello, porque todos e todas temos o dereito e a obriga de axudar a construir o concello que queremos.
Asdo.: Helena Pardo Rodriguez, ex-concelleira do BNG en Neda e militante do BNG.

TEGA e PP votan en contra da moción do BNG para acondicionar a Ribeira do Belelle con infraestructuras acorde dos traballadores do mar

No pleno do pasado 15 de maio,os membros do PP e TEGA, votaron en contra dunha moción presentada polo Bloque Nacionalista Galego, moción que ía dirixida a que o proxecto de acondicionamento da zona da ribeira de Neda, contemplara infraestructuras, que facilitaran o traballo ao colectivo de mariscadores e mariñeiros

Texto integro da moción apresentada polo BNG
(descargar documento)

A quen pretenden favorecer TEGA eo PP, co prego de condicións do Parque Eólico Singular de Neda?

No pleno do 15 de maio pasado, no ponto 4º da orde do día ía o " prego de condicións que rexerán a contratación da obra e explotación do Parque Eólico Singular de Neda"; neste tema o Bloque Nacionalista Galego votou en contra por considerar que este prego perxudica en grande medida ao veciños/as de Neda.
No Pleno do mes de marzo, apresentouse un prego, no cal a súa parte económica establecía un canon fixo de 35.000€ e un canon variable do 6%, naquel intre o BNG, solicitou que quedara aprazado e que se estudiara ese tema, facendo a proposta de aumento a 70.000 € a cantidade de canon fixo e dun 8 % de variable, amosando antecedentes de outros concellos que estableceran eses criterios.
Neste novo prego , o que se fixo por parte dos socios de goberno TEGA e PP foi reducir a 30.000 € o canon fixo e ao 4% e canon variable, cando dende o informe de intervención se calculan unhos ingresos de 155.000 € ; os veciños e veciñas de Neda poden chegar a quedarse coa esmola desa producción.

A Festa do XXV Aniversario do BNG de Neda en imaxes

O grupo pontés Encuarentena nun intre da súa actuación

O Humorista e Monologuista Pedro Brandariz, en plena actuación

Os nenos/as no momento do xogo

O cociñeiro,preparando a comida mariñeira

Festa XXV aniversario BNG de Neda

A nosa organización celebrará o vindeiro venres a partir da 18 horas unha festa de conmemoración de XXV aniversario.

Moción do BNG, polo acondicionamento da Ribeira de Neda

O Bloque Nacionalista Galego ven de apresentar no rexistro do concello de Neda, unha moción. co fin de que os grupos políticos deste concello se posicionen diante do proxecto de acondcionamento da Ribeira de Neda. os acordos en concreto son os seguintes.

Que se reforme o Proxecto, hoxe exposto ao público e se teña en conta no entorno do antigo Porto de Neda, a construcción dunhas infraestructuras que faciliten a actividade marisqueira e mariñeira que un sector da nosa poboación ( máis de 70 familias, viven hoxe deste traballo ) ben desenrolando dende tempos inmemoriais, infraestructuras que non teñen que ser incompatibles coa rexeneración do entorno, e non so iso senón que deberian ser complementarias.
Que se contemple unha infraestructura para facilitar o atraque e amarre dos barcos que os traballadores do mar unha na sua faena.
Que se teñan en conta infraestructuras para o mantemento, provisión e conservación de aparellos e naves.

O BNG presentará alegacións á 4ª fase do acondicionamento da riberia de Neda

O Concello de Neda, dende que se teñen vestixios escritos, sempre tivo no mar un dos seus referentes económicos, asi o demostran os legados históricos, co aprovisionamente de buques, o transporte de area e a súa actividade tanto marisqueira como de pesca.
Dende os anos 60 e até os noso días os distitntos mandatarios, fixeron unha política de costas ao mar, atopándonos agora nunha situación de total abandono, para a realización de calquera actividade mariñeira.
O Bloque Nacionalista Galego, que nunca quixo ser alleo a esta problematica, levou tanto ao Parlamento Galego como o do Estado, iniciativas co fin de poder trocar esta situación e tentar darlle unha solución a este problema, conquerindo incluso unha enmenda nos orzamentos do ano 2.007 de 60.000 €, para iniciar o proceso de limpeza e acondicionamento, co fin de poder facilitar a actividade aos traballadores do mar do Concello de Neda, partida que nunca foi investida.
Dado que o proxecto de acondicionamento está agora na súa fase de exposición e alegacións, o Bloque Nacionalista Galego, analisou o Proxecto e en ningurés se ten en conta a actividade dos nosos traballadores do mar, xa que o proxecto non se reflicte, ningún tipo d infraestructura para que poidan realizar o seu traballo.
Dende o B.N.G., pensamos que pode ser compatible a actividade lúdica e de ocio ( que ben reflectida no proxecto) co traballo que veñen realizando os noso mariscadores e mariñeiros nunhas condicións dignas, polo exposto é polo que presentamos a seguinte alegación.
Que se reforme o Proxecto, hoxe exposto ao público e se teña en conta no entorno do antigo Porto de Neda, a construcción dunhas infraestructuras que faciliten a actividade marisqueira e mariñeira que un setor da nosa poboación ( máis de 70 familias, viven hoxe deste traballo ) ben desenrolando dende tempos inmemoriais, infraestructuras que non teñen que ser incompatibles coa rexeneración do entorno, e non so iso senón que deberian ser complementarias.
Estas obras deberian ter en conta o atraque e amarre dos barcos e o mantemento, aprovisionamento e conservación dos aparellos de pesca e das naves .

Menores de idade

O BNG ve "inaudito" que o PPdeG desautorice os acordos dos seus alcaldes "Preténdense usar as alcaldías do PP nunha confrontación co goberno e non en beneficio dos veciños”, di Roberto Mera.
O BNG considera inaudito que a dirección do PP "desautorice publicamente os acordos dos seus alcaldes coa Xunta de Galiza". Para os nacionalistas “é evidente que coa súa actuación Núñez Feijoo e Alfonso Rueda, ademais de deixar en ridículo a oito alcaldes, mandan un recado claro aos rexedores do Partido Popular, lembrándolles que as alcaldías do PP deben ser utilizadas como arma de confrontación co goberno galego e non para chegar a acordos beneficiosos para os veciños e veciñas”.
Segundo Roberto Mera, secretario de Acción Municipal do BNG, “detrás do bochornoso e lamentábel espectáculo ofrecido onte por Feijoo e Rueda, hai un claro problema interno no Partido Popular. Por unha banda os alcaldes, pensando nos intereses dos veciños, chegan a acordos coa Xunta positivos para o seu concello e se negan a seguir a estratexia da crispación e o enfrontamento dictada por Feijoo. Por outra banda, a dirección galega do PP pensando nos seus intereses partidarios, pretende utilizar as alcaldías como arma electoral contra a Xunta e o BNG, e decide abroncar publicamente a aqueles alcaldes que non siguen esas ordes e consignas”.
Ademais, o nacionalista considera lamentábel que “os alcaldes do PP se presten a ese xogo aínda a costa da súa propia dignidade. Resulta triste ver a uns alcaldes que se deixan tratar como menores de idade ou incapaces pola dirección do seu partido. Até agora só os menores de idade e os incapaces precisaban de tutela e autorización dos seus titores para obrigarse con acordos. Agora hai que sumarlles os alcaldes do PP”. Nese sentido, o BNG recomendou ao Vicepresidente da Xunta, Anxo Quintana, “que cada vez que se reuna cos alcaldes do PP pida unha certificación que acredite que os alcaldes contan coa autorización dos seus titores, Feijoo e Rueda, para asinar acordos coa Xunta”.
No fondo, en opinión do BNG, Feijoo e Rueda, “desde a desesperación e o nervosismo tentan tapar a súa incapacidade como alternativa de goberno recurrindo a unha estratexia de boicot, ataque e crispación contra a Xunta de Galiza e contra as medidas que significan un avanzo histórico no benestar social dos galegos e galegas”. Mera asegura que para executar esa estratexia os dirixentes do PP “non dubidan en utilizar o escaso poder institucional co que contan hoxendía, convertendo os concellos en armas de ataque contra a Xunta e contra o BNG, pensando xa nas eleccións autonómicas de 2009, aínda que sexa a costa de prexudicar aos veciños e veciñas das súas localidades.”
O BNG, por último, recomenda aos alcaldes do PP “que tomen as súas decisións conforme ao que interesa aos seus concellos e veciños e non conforme ás instruccións e ordes partidistas que reciban de Núñez Feijoo e de Alfonso Rueda”

Financiarmos o autogoberno

Onte, venres, repasaba eu as miñas notas mentras tomaba un cafeíño rápido e agardaba polo Conselleiro Suárez Canal para a presentación pública do Plan de Dinamización do Medio Rural. Nesas, achegáronse á miña mesa dúas rapazas novas. Reproduzo a conversa:
- Ola, Anxo, desculpa un momentiño… Somos estudantes do último curso de Económicas e estamos a facer un traballo sobre as balanzas fiscais e o financiamento autonómico. No BNG, estades a favor de que se publiquen as balanzas fiscais? - As balanzas fiscais hai que facelas ben. Nesta materia do financiamento cómpre estudar moi ben os números e botar as contas ao dereito. -
Pero, qué lle convén a Galiza?
Financiámonos co que aquí se recada ou precisamos a solidariedade doutras zonas máis desenvolvidas?
- Mirade, o autogoberno significa autoresponsabilidade. Para nos autogobernar temos que contar cun financiamento suficiente e, de poder ser, o máis automático posíbel, que non faga depender a calidade dos nosos servizos nin o desenvolvemento das nosas políticas da decisión anual do Goberno central de subir ou baixar unha suposta cota de solidariedade.
- Xa, iso todo esta moi ben. Pero nos xornais, ás veces, saen informacións dicindo que temos que nos xuntar con Asturias, Castela e León ou Extremadura para impedir que os cataláns ou valencianos impoñan o modelo de financiamento que lles convén.
- Pois no BNG cremos que esa non sería unha boa estrategia porque Galiza non é pobre. Claro, non temos o grao de desenvolvemento da economía catalá e, por tanto, non temos ese exceso de recadación a respecto do custo dos nosos servizos. Mais tampouco é certo que recibamos moito máis do que recadamos. Estamos nun chanzo intermedio, porque o que recadan a Xunta e o Estado por tributación e o que invisten en cadanseus Orzamentos son magnitudes parellas.
- Si, xa sabemos iso. Pero mira, hai moitos galegos cobrando pensión…
- Cobran porque cotizaron aquí, en Suiza ou en Bilbao. A Seguridade Social baséase na caixa única e na cotización persoal. Aquí non pinta nada a solidariedade interterritorial, porque o da pensión é un asunto entre a caixa única e a persoa. Non se pode misturar o asunto do financiamento co da Seguridade Social.
- Entón, Anxo, se o choio é así e nos cederan a recadación do Imposto de Sociedades das empresas que producen aquí e cotizan en Madrid, teríamos cartos dabondo para financiar a autonomía.
- Segundo as nosas contas xa os teríamos agora. Pero é evidente que se o Imposto de Sociedades fose xusto, empresas como CITROEN ou UNIÓN-FENOSA haberían pagar aquí pola renda que gañan porque é aquí onde producen. Iso inxectaría un adicional de cartos moi importante e nos situaría, case definitivamente, no grupo das nacións e territorios que recadan o que precisan gastar de xeito claramente suficiente.
- Pero precisamos da solidariedade dos máis desenvolvidos para que nos paguen a débeda histórica…
- Non, a débeda histórica ou, o que é o mesmo, o pagamento do déficit estrutural que temos é unha cuestión de xustiza e non de solidariedade. Porque este déficit ou débeda xerouse pola falla de investimentos do Goberno central durante unha longa tempada da nosa historia. Por iso o BNG obtivo na lexislatura estatal pasada que os Orzamentos xerais do Estado invistan un 8% dos seus programas de infraestruturas na Galiza, a pesares de sermos só o 6% en termos poboacionais. Pero cómpre que se manteña esta porcentaxe durante uns dez ou doce anos para liquidarmos esta débeda.
-E despois de que nos paguen a débeda, financiarémonos nós sós?
-Despois de que nos paguen a débeda, a nosa economía atoparáse dotada dun capital social básico que nos vai permitir financiarmos o autogoberno cunha marxe suficiente. E exerceremos a autonomía como adultos. Sabedes que cando nos toca marchar da casa temos que botar contas, aforrar nunhas cousas e renunciar a outras. Pero non se pode medrar como persoas se non somos autónomos. Pois aos países pásalles o mesmo…
-Temos que marchar, Anxo. Enviarémosche por email o noso traballo…
-Adeus, moita sorte co traballo e nos exames… Ao marcharen as estudantes aínda tiven un minutiño para seguer a teimar neste tema. Tantas apelacións á solidariedade, non agocharán unha falta de definición que só beneficia ao Goberno central? Por qué aínda hai galegos que pensan que somos e seremos uns pobriños? E que non estamos todos dacordo en gobernarmos a nosa vida? Pero en calquera caso, vivimos tempos de crise e tamén de muda no modelo de financiamento autonómico. No novo modelo algúns queren priorizar a poboación ou o número de inmigrantes. E nós queremos que se teña en conta o avellentamento e o espallamento da nosa poboación (temos máis da metade dos núcleos urbanos do Estado). Tamén queremos que se avalíen outras variábeis que teñen que ver co noso esforzo medioambiental. Teño para mín que a defensa destas variábeis no novo modelo de financiamento só é posíbel desde a negociación bilateral co Estado. De igual a igual, coma Catalunya ou Euskadi. Velaí porque o mércores no Parlamento propuxen o acordo conxunto das tres forzas políticas para reformar a Comisión de Cooperación Xunta-Goberno central e convertela nunha auténtica Comisión Bilateral onde discutamos os investimentos estatais, a súa execución, a liquidación da débeda histórica ou o peso que estas variábeis teñan no noso financiamento futuro.
Porque a batalla do financiamento non a imos gañar facendo alianzas inestábeis e sempre á contra con territorios que non se asemellan para nada á nosa situación e circunstancias. Gañarémola só desde o diálogo e a negociación bilateral co Estado. En clave de país, dando e esixindo respecto institucional. Como adoitan facer as Nacións.
P.D.: Esta semana convídovos a que botedes unha ollada ó traballo que está a facer o meu compañeiro Alfredo Suárez Canal na Consellaría do Medio Rural. Despois de iniciativas transformadoras como a do Banco de Terras, a Mesa do leite ou as unidades de xestión forestal, tiven a honra de presentar con él onte o Plan de Dinamizacióin do Medio Rural. 212 millóns de euros para desenvolver un dos eixos centrais da política do BNG na Xunta contra a crise económica. Que vai permitir que o medio rural, no canto de ser o lugar onde se instale a crise, poida converterse nun espazo xerador de actividade económica e emprego. O traballo serio, o estudo rigoroso e o diálogo coa sociedade definen a boa xestión e a boa política. Grazas, pois, Alfredo.

O BNG, diante do prego de condicións do Parque Eólico singular

O pasado 26 de marzo, celebrouse no concello de Neda, un Pleno ordinario correspondente a ese mes, entre os seus puntos da orde do día e como 3º ía, o “Prego de condicións que rexerán a contratación de obra de explotación do Parque eólico singular de Neda “.
Este ponto da orde do día quedou enrba da mesa, primeiro, porque dende o goberno municipal introduciu variantes ao proprio prego de viva voz e alí no pleno, e segundo porque o Portavoz do Bloque Nacionalista Galego, solicitou a introdución de enmendas que ían dirixidas ao beneficio económico dos veciños e veciñas na súa parte de explotación ( aumento da parte variable do canon dun 6 a un 8% e aumento da cantidade fixa de 35.000 € a 70.000 € anuais, prego que quedou enriba da mesa co fin de facer unha comisión e dirimir estas cuestións.
A posición do Bloque Nacionalista Galego, en ningún momento apoiará un prego de condicións que tente quitar beneficios aos veciños e veciñas ( mais que nada por ser eles os perxudicados do impacto ambiental que provoca a instalación do parque ) en apoio de cuestións beneficiosas para os empresarios que pretenden explotar o mesmo, e non apoiará os adiantos económicos que se pretenden de 10 anos ( que son exclusivamente cun afán depredador económico da equipa de goberno, hipotecando no seu momento outros posibles gobernos de Neda ).
E teremos en conta os criterios que a nos nos parecen mais axeitados tanto para a empresa contratante como para os veciños, como son a producción, con alternativas de €/Mega/ano, que nos parece mais equitativo e razoabel, a parte do canon fixo.

NOTA ENVIADA AOS MEDIOS DE COMUNICACION

Teresa Táboas: "Coa polémica destes días cadaquén quedou retratado ante a sociedade galega

Moito obrigado Teresa por concedernos o teu tempo para esta entrevista para a web do BNG. Gustaríanos que explicases que beneficios lle vai reportar á sociedade galega as Normas do Hábitat Galego?
Dende o Departamento que dirixo, como conselleira nacionalista, tiñamos moi claro que había que mellorar as condicións de vida e de habitabilidade das vivendas dos galegos e galegas.
Hai que ter en conta que hai unha norma de deseño do ano 1978 para todo o Estado Español que marca como se teñen que deseñar as vivendas protexidas. É dicir, é unha norma do mesmo ano que a Constitución española, que por certo é das poucas que recolle o dereito a unha vivenda e que, ademais, no artigo 47 rexeita a especulación do solo. E curiosamente, 30 anos despois, aquí en Galiza temos un decreto do goberno galego anterior, do PP, do ano 1992 polo que se reduciru notoriamente a calidade da vivenda. Por exemplo: unha vivenda protexida pola norma do 78, que aínda está vixente, nun edificio de baixo e catro andares obriga a un patio de luces mínimo de 16 metros cadrados. Porén, o decreto do PP do ano 92 permíteo de 9 metros cadrados na vivenda libre.
Polo tanto a cuestión que tiñamos clara é que temos que mellorar as condicións de vida dos galegos e galegas por dous motivos. Por unha banda é o maior investimento que fan a meirande parte das familias porque se quedan hipotecados para 30 ou 40 anos. Teñen que asignar o 50% dos ingresos que entran nunha familia ou unidade convivencial á vivenda, cousa que no resto de Europa está nunha media dun 20%. E por riba teñen unhas vivendas cunha calidade ínfima en canto a iluminación, ventilación, accesibilidade e sustentabilidade.
Polo tanto, había que dar o paso con valentía e fíxose dende unha consellaría do BNG. En Galiza queremos ter normas para vivir que nos acheguen aos países máis avanzados do mundo, non que nos poñen nos países en cola na calidade da vivenda.
Queremos que as vivendas teñen máis luz, que os patios sexan máis luminosos, que os corredores e as portas servan para que poida entrar unha persoa con problemas de mobilidade, que aquelas persoas que deciden vivir soas teñan unha vivenda cun mínimo de 40 metros cadrados, para vivir cun mínimo de dignidade.
Tiñamos claro que queríamos facer ese cambio. O que fixemos logo, foi unha equipa técnica con varios profesores da Escola de Arquitectura (Alfredo Freixedo, Henrique Seoane..), cunha sería de consultores externos, como Manolo Gallego, César Portela, Víctor López Cotelo, co propio presidente do Consello de Arquitectos do Estado.....etc. Estivemos traballando, asesorándonos e cotexando con arquitectos de prestixio. Queriamos tamén unha norma aberta, de participación cidadá e polo tanto cun Comité Asesor de Habitabilidade onde haberá representantes dos arquitectos, dos usuarios, dos promotores, dos concellos., para que esa norma se puidera ir enriquecendo con novas propostas e, ao mesmo tempo, darlle a oportunidade aos arquitectos de innovar e de crear.
Esperades que sexa difícil garantir a súa aplicación?
A aplicación teñen que garantila os concellos, como xa se facía na norma do 92. Son os concellos a través das licenzas de obra e das licenzas de primeira ocupación os que teñen que velar para que se cumpran estas Normas do Hábitat Galego. Que pasa? Que hai concellos con orzamentos moi pequeno e que se ven imposibilitados de pagarlle a un técnico para que faga a revisión dos proxectos. Nós sabendo desa necesidade habilitamos unha partida de 1 millóns de euros no orzamento do 2008 para achegarlle estes cartos.
"Cando non se teñen argumentos sólidos a demagoxia de que van subir os prezos da vivenda é a ferramenta que se utliliza"Agardamos que todos rememos na mesma dirección. O que está claro é que nós, a consellaría de Vivenda e Solo, e eu como conselleira do BNG, temos claro que cando se sabe cara a onde vai un todos os ventos son bos. Nós sabemos cara a onde imos: a mellorar as vivendas de todos os galegos e galegas. Agardo que outros, que levantaron as súas voces críticas cuns intereses moi claros e afastados dos do conxunto da sociedade recapaciten e se sumen a estes novos tempos de cambio para acabar coas falcatruadas que se fixeron en materia de edificación.
Supoño un deses sectores que vai a contracorrente, é parte dos promotores inmobiliarios que agoiran que estas normas van encarecer o prezo da vivenda....
A demagoxia é a ferramenta máis sinxela para utilizar cando non se teñen argumentos sólidos. O prezo da vivenda ten medrado en Galiza até un 300% nos últimos 10 anos. Un incremento exponencial que levou a que moitas persoas quedaran fóra do acceso a unha vivenda e que, se o fixeron, foi cun sobresforzo que nestes momentos está a provocar traxedias pola suba dos tipos de xuro.
Neste sentido, esas voces críticas, que non son máis que demagoxia, o que están defendendo son uns intereses que lles defendía moi ben o decreto do PP do ano 1992. Por iso, Núñez Feijóo promete que se gaña as eleccións vai derrubar as Normas o Hábitat Galego.
Polo tanto, está claro onde está cara un: onde estamos nós e onde están outros. Xa chegaron os temos de que os beneficios do sector inmobiliario se reduzan se comecen a parecer máis aos doutros sectores económicos. A construción ten uns beneficios que rondan o 5% e no sector da promoción houbo momentos en que o beneficio se multiplicaba por 100 e por 200% do que se investía realmente. Que quede claro, de todas as formas, que unha parte do sector da construción si aposta por facer vivenda de calidade.
Hai que salientar que no Estado Español a construción, fundamentalmente adicada ao sector inmobiliario, representa o 15% do PIB. A media da UE está nun 7% e a do país máis rico do Estado Español, Euskadi, está nun 9%. Por iso, temos que ir achegando a eses estándares onde a promoción inmobiliaria sexa un elemento máis da nosa economía pero que non se converta no que se converteu neste momento sen ningún rigor e sen control. Houbo quen tivo a grandísima irresponsabilidade de deixar as políticas de vivenda en mans do mercado libre. E daquela falla de intervención da Administración veñen estes problemas que estamos a padecer.
Este anos destinaremos aos concellos 1 millóns de euros para garantir o seu cumprimentoA oposición de certos promotores era previsíbel, pero tamén agardaba que o PP e o PSOE utilizasen a FEGAMP para boicotear este decreto?
A oposición frontal de certos promotores era previsíbel, sen lugar a dúbidas, porque vían que a súa marxe de beneficios vaise ver reducida. Estamos ante intereses moi importantes que, dalgunha maneira, tamén repercuten nos posicionamentos de certas forzas políticas.
Certos sectores poderosos teñen altofalantes para defenderen os seus intereses e son quen de chegaren os poderes da administración pública. Non embargantes, a sociedade, a xente, non ten ese acceso. Por iso, esas voces escóitanse con tanta forza e son quen de posicionar a certas forzas políticas. Pero no BNG temos claro que quen nos ten que posicionar e por quen temos que traballar é polo conxunto da sociedade, pola xente porque para o que non estamos aquí é para beneficiar a un sector concreto, nin moito menos.
Na polémica destes días coas Normas do Hábitat Galego penso que todos quedaron claramente retratados para a sociedade galega.
Son conscientes de que a sociedade está farta de que a vivenda sexa utilizada como un ben especulativo para beneficio duns poucos. Coas Normas do Hábitat Galego créanse grandes esperanzas na sociedade pero tamén grandes compromisos. Asume este repto?
Si. Efectivamente, créanse na sociedade grandes esperanzas de que hai políticos e políticas que si cremos no cambio, que tentamos facer ese cambio pero tamén grandes compromisos de facer que se cumpran.
Aínda queda moito por facer no noso país no referido ás políticas de vivenda. Nestes momentos estamos a redactar o primeiro plano sectorial do Estado español para vivenda protexida, para habilitar 6 millóns de metros cadrados e que se poidan construír, sobre todo nas grandes cidades que é onde hai máis demanda, un total de 40.000 vivendas nos seguintes seis anos a partir da súa aprobación.
Polo tanto, somos conscientes de que temos que respostar a esta crise económica con medidas. As medidas son solo empresarial, son plans sectoriais de solo residencial e a partir de aí a construción seguirá a ter o seu nicho de negocio, pero as persoas terán, que é o máis importante, vivendas a prezo limitado e de grandísima calidade.
Estes días imos adxudicar as primeiras vivendas que van cumprir coas Normas do Hábitat Galego: son 172 vivendas en Garabolos (Lugo), de promoción pública.
Moito ánimo porque a sociedade galega precisa destas medias.
Ánimo e ilusión porque a ilusión é o que nos fai traballar. Temos que crer que podemos. Temos unha sociedade que o merece porque os seus problemas estiveron durante moito tempo esquecidos polos poderes públicos.

Quintana asegura que "os galegos e galegas están fartos de pagar moito por vivendas de baixa calidade"

O vicepresidente asegurou que a Consellería de Vivenda e Solo non se vai someter a presións nin a chantaxes e o que si vai facer é dialogar con todos para garantir a boa aplicación das Normas do Hábitat Galego
O vicepresidente da Xunta, Anxo Quintana, asegurou hoxe estar convencido de que os galegos e galegas, e “sobre todo a xente máis humilde, a xente con menos posibilidades económicas, está farta de pagar cantidades astronómicas por pisos de moi baixa calidade”. E para rematar con esta situación, o Goberno galego pon en marcha as Normas do Hábitat Galego, que, tal e como explicou Quintana, pretenden asegurar que as vivendas teñan un mínimo de calidade, “que, por exemplo, poidas ter un baño no que poidas entrar, que en vez dun mínimo de dous metros teñan cinco, que haxa uns corredores suficientemente amplos, que as vivendas teñan un mínimo de luz e de aireación, que haxa patios de luces amplos e todo iso é o que pretende o decreto que agora puxemos en marcha”.
"Xa era hora de que a xente con poucos recursos poida acceder a unha vivenda de calidade"O vicepresidente resaltou a necesidade destas novas normas, que teñen que dar resposta a esa necesidade de que a xente estea farta de pagar cantidades astronómicas por pisos de baixa calidade. “Xa era hora que a xente con poucos recursos poida acceder a unha vivenda a un prezo xusto e ademais a unha vivenda de calidade”, asegurou. O vicepresidente Quintana fixo estas declaracións sobre as Normas do Hábitat Galego hoxe en Pereiro de Aguiar durante unha visita á nova galescola deste municipio ourensán.
Non ter vértigo ao cambio
O vicepresidente da Xunta asegurou que non se pode ter vértigo ao cambio, “o cambio, do que tantas veces falamos en Galiza, non pode ser só un cambio de persoas, un cambio de goberno, ten que ser sobre todo un cambio de políticas”. Quintana amosouse convencido de que, maioritariamente, os cidadáns en Galiza reclaman cambios estruturais en moitos aspectos, e entre eles, en materia de vivenda. “E iso é o que estamos a pór en marcha e por iso non nos pode entrar vértigo ao cambio. Dende logo ao BNG non lle vai entrar vértigo ao cambio. Por iso facemos as galescola, por iso fixemos o Banco de Terras, por iso cambiamos o decreto de aproveitamento eólico, por iso estamos a apostar polo deporte de base, e por iso estamos a apostar por unha política de vivenda que garanta vivenda para os que máis o necesitan e ademais vivenda de calidade”.
"Imos dialogar para que a súa aplicación sexa o máis efectiva posíbel"Anxo Quintana asegurou que a Consellería de Vivenda e Solo non se vai someter a presións nin a chantaxes e dixo que o que si vai facer a Consellería é dialogar con todos. Lembrou que as Normas do Hábitat Galego entrarán en vigor o próximo día 17 “e vamos dialogar con todos para que a súa aplicación sexa o máis efectiva e lóxica posible. E cando digo falar con todos, falaremos cos promotores, pero tamén cos veciños, porque supoño que teremos que escoitar a todos, a ver se os veciños queren pisos de calidade ou non”. O vicepresidente recordou ademais que non se pode esquecer que, nos vindeiros anos, o maior promotor de vivenda en Galiza vai ser a Consellería de Vivenda e Solo. “Xa temos posto en marcha o Programa de Vivenda Protexida, que vai supor a posta a disposición de seis millóns de metros cadrados de solo residencial para construír 40.000 vivendas protexidas. Por certo, 40.000 vivendas que se farán de acordo co decreto do hábitat, é dicir, que serán vivendas de calidade”.
Quintana amosouse estrañado ademais de que, agora que se fala de crise do sector da construción, unha crise que é fundamentalmente unha crise financeira, “a min estráñame que os promotores non saian en avalancha protestando e criticando ás entidades bancarias pola súa política de redución crediticia, que si está causando un verdadeiro problema no sector”. O vicepresidente explicou que aí está realmente o problema da situación actual e non en facer pisos de calidade, “porque a iso temos que ir, a facer pisos de calidade, que é para o que son as Normas do Hábitat Galego”.
Declaracións Fegamp
Ao respecto da polémica co dirección da Federación Galega de Municipios e Provincias (Fegamp), “unha polémica coa dirección da Fegamp e non cos alcaldes nin cos concellos”, o vicepresidente asegurou que, unha vez máis, a directiva da Fegamp se equivoca. Ante os xornalistas, Quintana pediulle aos veciños e veciñas de Galiza que reparen nunha cuestión, “o alcalde de Ames, membro da directiva da Fegamp, está en contra do decreto do hábitat; e o alcalde de Allariz, membro da directiva da Fegamp, está a favor do decreto do hábitat. Pois eu pido aos veciños e veciñas de Galiza que comparen o urbanismo e o modelo de cidade de Ames e de Allariz, e saquen a conclusión de onde preferirían vivir”.
Quintana afirmou que considera que, ás veces, hai que pensarse as cousas dúas veces antes de manifestarse en contra de algo que o que pretende é que a xente viva con calidade, e a xente ten dereito a unha vivenda digna a un prezo xusto e de calidade. “Eu penso que a dirección da Fegamp se equivoca porque os alcaldes, sobre todo e ante todo, o que teñen é que velar polos intereses dos veciños, porque teñan unha vivenda de calidade e un urbanismo ao servizo da xente”, dixo Quintana, ao engadir que, pola contra, “os alcaldes, o que non se deben preocupar é por se algún promotor vai reducir un pouco a súa marxe de beneficios, que estou seguro que será capaz de superar esa situación con toda normalidade”.

O nacionalismo une

Esta semana deume unha das maiores satisfacións que pode ter un político nacionalista. A aprobación unánime no Parlamento galego da proposición de lei orgánica para a transferencia do tráfico e da seguranza viaria demostrou, non só, necesidade e máis a utilidade do nacionalismo, senón o seu carácter conciliador e de unión. A pór o País po riba das desputas políticas o nacionalismo foi que de unir aos galegos neste obxectivo.
No debate do Estado da Autonomía do pasado outubro propuxen que fose o propio Parlamento, como representante do pobo galego, o que liderase esta reivindicación. Buscaba así a complicidade común que nace de pertencer ao mesmo pobo. E o tempo deume a razón. Podemos, pois, sentirnos ledos e orgullosos por ter conciliado e unido nesta proposta tamén a socialistas e populares. E velaí temos xa a proposición de lei pendente de se debater no Congreso dos Deputados de Madrid. Escoitaredes a algúns que isto de reclamarmos as competencias de tráfico é un capricho. Que o importante é xestionalas ben, fór dende Galiza ou dende Madrid. Non é certo. As transferencias de tráfico e seguranza viaria permitirán atender as nosas necesidades propias (temos unha rede viaria alongadísima no territorio e máis da metade dos núcleos de poboación de todo o Estado) desde un maior coñecemento da nosa realidade. Gobernar a propia casa sempre é rendíbel. Catalunya e Euskadi son os únicos territorios que autoxestionan estas competencias e teñen menores índices de siniestralidade que a media estatal. E foi particularmente salientábel a baixa de siniestralidade que tivo Catalunya desque asumiu as competencias viarias. A transferencia do tráfico será, pois, un instrumento para xerar máis benestar e calidade de vida. Pero a transferencia do tráfico non se explica só por mellorar e achegar a xestión, por incrementar o noso benestar. O autogoberno non só consiste en xestionar un maior ou menor ámbito de competencias, senón nunha actitude colectiva, como pobo, de nos autoresponsabilizar da xestión dos seus problemas. Esta actitude colectiva é comparábel a das persoas cando chegamos á idade e circunstancias vitais de sermos autónomos. Entón, percuramos gobernarmos a nosa vida, sen que deixemos de manter as máis estreitas relacións coa familia. E supoño que todos e todas estamos dacordo en que as persoas que dan ese paso no seu xusto tempo gañan en autoestima, en autonomía persoal e en madurez. Por iso o autogoberno é, en grande medida, unha cuestión de autoestima e autoresponsabilización. En xuño do 2007 aprobamos a creación da Policía galega. Esta nova transferencia vai permitir que a nosa Policía xestione o tráfico nas nosas estradas. Estaremos, deste xeito, ao mesmo nível ca Euskadi e Catalunya. Melloraremos a xestión, reduciremos progresivamente a siniestralidade e, por iso, xeraremos máis benestar. E tamén faremos visíbel en todos os recunchos do País un símbolo nacional: a Policía galega. Porque para construirmos a Nación precisamos da vontade das persoas que a componen, pero tamén do recoñecemento común dos nosos símbolos nacionais. E un dos caracteres e símbolos dunha Nación é ter unha Policía de seu. Nación e Policía propia van sempre xuntos.

P.D.: Hai que salientar o grande labor o de Chus Lago, secretaria xeral de Benestar da Vicepresidencia da Xunta. Chus demóstranos como se compatibilizan as convicións nacionalistas coa defensa da igualdade das persoas e a integración social de todos os colectivos. Nestes tempos nos que algúns chaman á exclusión, ao medo e á discriminación, Chus apréndenos os valores da solidariedade e da inclusión. Todo un luxo para Galiza.

Neda non merece unha Ordenanza asi

O Mércores 26 de marzo, celebrouse no concello unha sesión Plenaria ordinaria, entre outros temas da orde do día e no ponto 6º ía a ordenanza de conductas cívicas e protección dos espazos públicos.
O Bloque Nacionalista Galego, votou en contra desta ordenanza e tal e como explicamos no Pleno, os motivos, son os seguintes.
Consideramos, que un pobo como o de Neda, tranquilo e solidario, non é merecedor dun regulamento tan estricto e represivo, unha ordenanza que está copiada literalmente da de Castro Urdiales ( non por que veña desa Vila), senón, por que as casuísticas dun pobo como Castro Urdiales ( con 28.000 habitantes ) pouco teñen que ver con Neda ( 5.700 ).
Este é un regulamento que non introduce cuestións concretas de Neda e para Neda.
E por último, a pesar de estar aprobado, dende o BNG, consideramos que en moitos casos é de difícil apricación.

NEDA NON MERECE ESTE ALCALDE

E non digo que o Sr. Cabezón non mereza ser alcalde, pero de Neda non.
O Sr. Alcalde ten unha visión de Neda que pouco se corresponde coa realidade. Desde o seu punto de vista percibe unha imaxe deformada da vila que logo non contrasta cos veciños e veciñas que habitamos o concello.
A maiores da falta de información que padece o alcalde, amosa unha incontinencia verbal indigna de quen ostenta o cargo máis alto de representación municipal.
Como alcalde deste concello, o Sr. Cabezón debería ser o principal defensor da honra e da dignidade de toda a poboación nedense.
Se fora certa a imaxe que el ten de Neda, a súa primeira e principal preocupación debería ser dotar ao concello de todos os servizos da súa competencia, para que a vida diaria no concello discurrise dentro dunhas aceptabeis condicións de dignidade e decencia.
Pero no canto de preocuparse desto, o Sr. Alcalde utiliza os medios de prensa para difundir pola contorna a imaxe deformada que ten do concello, manifestando que o “efecto favela se está adueñando” das rúas de Neda e augurando un futuro de delincuencia para a nosa xuventude.
Non sei como chegou o Sr. Cabezón a formarse esta idea do que supostamente está a acontecer en Neda.
Creo que non é necesario explicarlle a ninguén en que consiste unha favela. Calquera ten a información suficiente para saber que as favelas son asentamentos de poboación marxinais, nos suburbios das cidades, formados por colectivos procedentes en xeral da migración, que sobreviven en condicións límite, sen os servizos básicos de auga, electricidade e saneamento, e con actividades que moitas veces bordean a legalidade.
Aquí chamariamoslle un barrio de chabolas.
Non sei se o Sr. Cabezón ve pola vila de Neda pobreza e lixo, coas casas construídas con materiais de refugallo, e a xente sumida na miseria e no abandono.
De ser así, debería tomar as medidas oportunas para rematar esa situación.
O caso é que o Sr. Alcalde considera que Neda padece un proceso de “favelización”.
E nesta situación, e como corresponde coa súa mentalidade retrógrada, considera que a solución é dotar á Policía Local de máis medios para perseguir aos delincuentes.
Con todas as súas carencias e necesidades, Neda non se parece nin de lonxe a unha favela.
A xente de Neda somos xente corrente, nin bos nin malos senón de todo un pouco.
Poden faltar certas comodidades e determinados servizos, pero somos unha comunidade de convivencia pacífica e ordenada.
Claro que ás veces acontecen pequenos sucesos e, moi de raro en raro, mesmo algún grave. Pero non máis nin menos dos que poden acontecer nos concellos veciños.
Por qué motivos se califica a Neda como “o concello máis propicio para a proliferación do vandalismo”?
Cando se imputan actos vandálicos aos adolescentes “que de maiores se adicarán a outras cousas peores” estáse a decir que os nosos mozos e mozas son potenciais delincuentes?
A solución dos nosos problemas é incrementar as forzas de seguridade?
Non sería máis adecuado tomar as medidas oportunas para que a nosa xuventude dispoña de lugares e actividades nos que ocupar o seu tempo de ocio?
E procurar para toda a poboación a formación necesaria e suficiente para o acceso ao mundo laboral.
Pero vemos que o seu talante é voltar a vellos costumes e prácticas que pensabamos xa caducados.
Sr. Cabezón, non coñece vostede o noso concello nin se preocupa de coñecelo.
Por eso non merece ser alcalde.