A Ordenanza nº 11 Reguladora da Taxa polo servizo de saneamento di:
No seu Art. 5,. Cota Tributaria
Verquidos domésticos: por cada unha das vivendas ou locais das que conste o inmoble .................................. 11,22 € /trimestre.
Verquidos industriais: bares, restaurantes, hoteis, hospedaxes, cafeterías, salas de festas, talleres, garaxes, carpinterias, perruqierias e similares ...............................19,19 €/trimestre
Os establecementos comerciais non incluídos no apartado anterior, considerados como comercioó por menor, tributarán a cantidade de .........................................11,22 €/trimestre
O artigo 2 da Ordenanza reguladora do imposto dos bens inmobles establece:
O tipo de gravamen do imposto sobre bens inmobles aplicable aos bens de natureza urbana queda fixado no 0,60 %
Isto sinifica que o seu aumento en tanto por cento intelixible é o 33,8 %.
A Ordenanza nº 10 de recollida do Lixo establece:
Uso doméstico:
Un día á semana............................40,37 €
Dous días á semana.....................80,79 €
Tres días á semana......................121,13 €
Uso Industrial.comercio por menor
Un día á semana ..........................80,79 €
Dous días á semana...................161,50 €
Tres días á semana....................242,24 €
Uso industrial comercio por maior
Un día á semana........................... 121,13 €
Dous días á semana .................... 242,24 €
Tres días á semana ..................... 363,41 €
Constitúe caso especial de infracción ( cualificada como simple )
O almacenamento de lixo e detritos en patios, corras ou almcéns
A Ordenanza Reguladora Nº 4 establece
Turismos
de menos de 8 hp.......18,93€
de 8 a 11,99hp ............51,12€
de 12 a 15,99hp ........107,91€
de 16 a 19,99 hp .......134,42€
de máis de 19,99 hp..168,00€
Ciclomotores....................6,63€
Motocicletas ata 125 cc..6,63€
de 125 ata 250cc................11,36€
de 250 ata 500cc..............22,73€
de 500 ata 1.000cc...........45,44€
de máis de 1.000cc...........90,87€
Preguntaba, un veciño ou veciña, si se iba cobrar polo uso de locales públicos.
Na Ordenanza nº 17.- Reguladora da taxa pola utilización das instalacións na Casa da Cultura e demais edificios de titularidade municipal. no seu Art. 6 ( Cota Tributaria ) a cota a aboar polos suxeitos pasivos consistirá no seguinte:
A) Pola utilización de locais do concello ( excepto salón casa da cultura e salón de actos do concello ), para fins distitos ós seguintes, a cantidade de 20 € /diarios
B) Pola realización de cursos por entidades privadas satisfarase a cantidade de 30 € de matricula no momento de concederse o local, e 10 €/ mes por persoa matriculada ó inicio de cada período mensual; no caso de períodos inferiores ó mes prorratearase en función dos días.
C) Pola utilización do salón de actos da Casa da Cultura ou da Casa das Palmeiras, a cantidade de 30 € diarios e no caso de entrada 90 €.
D) Pola utilización do salón de actos do concello para vodas 120 € por cada acto e no da casa da Cultura e da casa das Palmeiras 180 €.
E) Pola asitencia a espectáculos no auditorio da Casa da Cultura e na casa das Palmeiras ( teatro, danza, música, etc )
a1.- Entrada adultos 2 €
a2 Entrada infantil e maiores 65 anos, e xoves con carnet de estudante..1€
No mesmo lugar no que hai 25 anos, exactamente os días 25 e 26 de setembro de 1982, un grupo de organizacións, colectivos e militantes independentes constituíron o Bloque Nacionalista Galego.
O acto público de conmemoración, no que se espera a participación de 1.500 persoas, comezará ás seis da tarde. En primeira fila estarán as persoas que integraron o primeiro Consello Nacional da organización. E no acto intervirán Encarna Otero, Beiras e Bautista Álvarez. O último en intervir será Anxo Quintana, e é que a conmemoración quere ser tamén o punto de arranque da precampaña dos nacionalistas para as eleccións xerais de marzo.
O pasado sábado Quinana cualificou a asemblea de Riazor de 1982 como un fito "trascendental" na historia de Galicia. Sen o BNG Galiza non estaría a xogar na liga das nacións no Estado”, engadiu Quintana. “Dicía Castelao que 'primeiro ser para despois vencer'. O BNG utilizou os seus primeiros 25 anos en ser. Agora estamos preparados para vencer, para conseguirmos que o nacionalismo sexa unha forza hexemónica en Galiza, para que o nacionalismo poda dirixir o país e, sobre todo, para que Galiza sexa a nación no Estado español, en Europa e no mundo que todos queremos”, concluíu.
No B.O.P. aparece publicado o Padrón pola Taxa de Auga e Saneamento, co fin de que poida ser examinado
Aprobar o padrón de contribuíntes pola taxa de subministración de auga potable e sumidoiros correspondente ó 3.° trimestre do 2007, sendo o seu resumo o seguinte:
Euros
Auga 23.484,85
Saneamento 20.673,58
I.V.E. 3100,78
Canon 12.245,59
IMPORTE TOTAL 59.504,80
2.°.–De acordo co disposto na Lei xeral tributaria, as matrículas e os padróns aprobados expóñense ó público nas oficinas do Concello, durante un mes, contado a partir da públicación no BOP, durante dito prazo os interesados poderán examinalos e impor contra os mesmos e ante a Xunta de Goberno Local o recurso de reposición previo ó contencioso administrativo a que se refire o artigo 108 da Lei 7/85, de 2 de abril.
3.°.–O anuncio de publicación no BOP produce os efectos de notificación colectiva ó abeiro do disposto na citada Lei anterior.
4.°.–O cobramento das taxas aprobadas verificarase na forma e período que se establecen nas respectivas ordenanzas reguladoras.
O pasado xoves 20 de setembro, os socios de Goberno no Concello de Neda (Terra Galega e PP )aprobaron no Pleno unha subida de impostos de un 40 %, xustificando esta subida ( polo deficit que ten o conello de 50.000 € ), os votos en contra de
BNG,EU E PSOE, non foi suficiente para parar esta subida.
2007 2008 Prezos e Taxas
28,99 € 40,37€ 39,25% Recollida lixo ( 1 día a semán )
0,0189€ 0,0193€ Mínimo auga
7,49€ 9,74€ Escolas deportivas (menores)
2,74€ 10,93€ 30% Sauna
300,5€/m2 511,95€/ m2 Vivenmda Unifiamiliar
0,40% 0,60% 33% Imposto Bens Inmobles (IBI)
2,50 2,60 4% Imposto Construcción, afecta aos grandes constructores mais que nada ¿ é curioso, non ?
Imposto de automóbiles ( Ordenanza 4 ) un 10%
ORDENANZA 28 ( esta non existía )
Por expedición dun Certificado 20 €
Por unha compulsa 30 €
Dende o BNG, e sendo conscientes, que para facer cousas hai que ter diñeiro, apoiariamos unha subida racional dos impostos e prezos, pero non desta maneira desmesurada, e tendo en conta ademais que a poboación do noso concello nun 45 % é amior de 60 anos e en moitos casos están cobrando o salario mínimo interprofesional ou pensións non contributivas, e será a estes sectores da poboación a quen máis vai afectar e non como dice a concelleira do PP, ( aos terratenientes, esta subida vai ademais en contra da filosofía do SR. Rajoy, que di que si goberna baixará os impostos.
Durante os días 21, 22 e 23 deste mes
“Aprofundar en debates como a recuperación da memoria histórica, coñecer o país e as problemáticas específicas do Medio Rural, así como deixar un espazo para o lecer e a diversión”. Estes son, entre outros, os obxectivos das XIX xornadas de verán de Galiza Nova, segundo explicou a súa secretaria xeral, Iria Aboi, en rolda de prensa.
As xornadas celebraranse os días 21, 22 e 23 de setembro, “para evitar coincidir co Festigal e coa época de exames”. A inscrición custa 15 euros, nos que se inclúen as comidas, aloxamentos e visitas. A asistencia agardada estará en torno a 100 persoas, que poden ser militantes ou non de Galiza Nova.
Na rolda tamén estiveron presentes Manuel García, responsábel comarcal da Montaña (comarcas de Arzúa e Melide) e Noa Fernández, responsábel de organización das mocedades do BNG. García explicou as distintas actividades que terán lugar durante estes 3 días:
Programa das xornadas
Venres 21
18.30 Saída en bus dende Compostela
19:30-20h- recepción no Concello de Arzúa co alcalde, Xaquín García Couso.
21:30- Cea no Multiusos de Arzúa
23:00- Concerto de Loretta Martin
Sábado 22
9:30 Almorzo 11:00 Visita ao Enredo do Abelleiro
12:30 Saída cara Porto de Mouros e actividades (kaiak e tiro con arco).
14:30 Xantar
16:30 Saída cara Sobrado dos Monxes e visita guiada do mosteiro
18.00 Saída cara Melide
19:30 Recepción no Concello de Melide, coa alcaldesa Socorro Cea.
20:30 Charla na sala de conferencias, a cargo de representantes do Sindicato Labrego Galego, da consellaría de Medio Rural e do concello.
22:00 Saída cara o pavillón e cea
23:00 Saída nocturna por Melide
Domingo 23
10:30 Almorzo
11:30 Visita ao Museo Terra de Melide
12.30 Saída cara Arzúa
13:00h Homenaxe na Praza da Vila a Juan Vidal, alcalde de Arzúa fusilado no 36. Interveñen Manuel García, Iria Aboi e Xaquín García Couso, alcalde nacionalista de Arzúa.
14:30 Xantar na Área recreativa de Ribadiso
16:30 Saída cara Compostela
O portavoz nacional do BNG, Anxo Quintana, considerou hoxe que as forzas políticas que conforman Galeuscat, CIU, PNV e BNG, teñen "unha oportunidade na próxima lexislatura" para contar cun peso destacado sobre o próximo Goberno central.
Na liña do que reclamou tamén o líder de CIU, Artur Mas, no acto que compartiron hoxe en Barcelona con motivo da XVIII Escola d'Estiu de CDC, Quintana advertiu que as forzas que compoñen o Galeuscat teñen "moito que dicir á hora de decidir quen vai ser o responsábel político que ocupe a Moncloa logo das próximas eleccións xerais".
Así, avogou porque os nacionalismos vasco, catalán e galego "traballen conxuntamente" neste camiño e defendeu Galeuscat como "a única alternativa ao modelo de estado que representa PP e PSOE". Quintana sinalou o "reto" desta entidade de erixirse na "única alternativa á monotonía política que se vive no Estado español", convencido de Galeuscat será "o mellor freo para calquera proceso de involución antidemocrático que se queira dar no Estado español, tanto no modelo de Estado como no modelo social".
Neste sentido, criticou que o "pseudoprogresismo español apodérese de termos" como igualdade, innovación ou desenvolvemento, dos que dixo que "os nacionalismos" defenderon sempre. "O nacionalismo hoxe en día é un berro de rebeldía intelectual, dos que non renuncian ao que son e saben que o primeiro paso para ser cidadáns do mundo é ser cidadáns do seu propio país", sinalou.
Estatuto de Nación
Quintana enlazou este modelo co debate do Estatuto galego, vetado polo popular Alberto Núñez Feijoo. Asegura o vicepresidente do goberno galego que “o Partido Popular ten unha estratexia destinada a impedir que haxa estatutos de nación en Galiza, Catalunya e Euskadi”. “Alí onde ten forza parlamentaria para facelo, utilízaa, como en Galiza; en Catalunya, como non ten esa opción, intenta paralizar o estatuto utilizando a Xustiza”, dixo.
Porén, destacou que “non nos consideramos fracasados por non ter un Estatuto, porque a nosa presenza no goberno serviu para impedir que Galiza non teña un estatuto de segunda”. “Estamos agora en condicións de agardar a un novo tempo político, que seguramente virá pronto”, asegurou.
O Consello da Xunta deulle hoxe luz verde a este servizo público de carácter social que facilitará o desprazamento ás persoas con problemas de mobilidade
O Consello da Xunta autorizou na súa xuntanza de hoxe o proxecto de decreto polo que se regula o Servizo Galego de Apoio á Mobilidade Persoal, destinado para as persoas dependentes e/ou con discapacidade. Este novo servizo público de carácter social promovido pola Vicepresidencia da Xunta facilitará o desprazamento programado e non urxente das persoas con problemas de mobilidade, sempre baixo condicións de máxima seguridade, cos medios precisos e co apoio de persoal de acompañamento durante o traslado.
Segundo se establece no decreto aprobado hoxe, para acceder a este servizo será necesario ter recoñecida a existencia de dificultades de mobilidade que impidan a utilización de transportes públicos, atoparse nunha situación de dependencia ou ter recoñecido un grao de minusvalía superior ao 65 por cento. As persoas que cumpran un destes requisitos disporán dunha tarxeta identificativa e poderán beneficiarse desta iniciativa para cubrir así as súas necesidades básicas de desprazamento. A determinación da porcentaxe de participación dos usuarios no financiamento do servizo virá determinada pola capacidade económica persoal do solicitante, sendo o servizo gratuíto para as persoas con ingresos iguais ou inferiores ao 75% do IPREM.
A prestación do Servizo Galego de Apoio á Mobilidade Persoal realizarase en función dunha serie de prioridades, como son a necesidade de acudir a consultas ou tratamentos sanitarios do sistema público, cando o desprazamento non sexa competencia do sistema sanitario; trasladarse a centros ou equipamentos do sistema de servizos sociais como residencias, centros de día ou outros equipamentos de aloxamento temporal ou permanente dos que sexan usuarios; acudir a centros ou equipamentos do sistema de servizos sociais que, non tendo carácter de aloxamento, dispoñen de programas ou actividades ás que acoden ou deban acudir como usuarios; realizar actividades relacionadas coa vida diaria autónoma e co seu desenvolvemento persoal; ou asistir a actividades de carácter educativo ou formativo.
A través desta orde de prioridades, na que tamén se ten en conta a idade dos solicitantes, a Vicepresidencia da Xunta pretende poñer a disposición das persoas con discapacidade e/ou dependentes os medios axeitados para facilitarlle a mobilidade, ao tempo que se garante o seu acceso en igualdade de condicións a servizos de calquera tipo, favorecendo así a súa plena integración e participación no seu contorno habitual. O obxectivo é implantar de xeito progresivo a prestación deste servizo a través de diversas experiencias piloto que poderán comezar neste ano, de xeito que a finais do ano 2009 o servizo funcione con normalidade en todo o territorio galego.
O custo da progresiva implantación deste servizo ascende a 61.404.966,63 euros, que se distribuirán en tres anualidades. Unha vez implantado, o custo anual consolidado do mesmo ascenderá a 33.669.163,53 euros.
Condicións e seguridade
O Servizo Galego de Apoio á Mobilidade Persoal procurará adaptarse, na medida do posible, á demanda de desprazamento do usuario. Así, cando os usuarios precisen da realización dun desprazamento que estea cuberto por este servizo deberán contactar con antelación coa unidade competente, indicando o seu número de tarxeta de usuario e as circunstancias que sexan necesarias para a organización do servizo.
Durante os traslados os usuarios disporán dunha persoa que os acompañará para prestarlle o apoio necesario durante o percorrido. Os vehículos empregados cumprirán a normativa de accesibilidade e supresión de barreiras e estarán adaptados para o transporte de persoas en cadeiras de rodas. Ademais, terán unha capacidade mínima de sete persoas e máxima de doce prazas de configuración mixta, de xeito que permita unha acomodación flexible ás necesidades do servizo. Como novidade, os vehículos estarán dotados de teléfono e integraranse nun sistema de control e localización GPS.
Podes seguir a entrevista do Vicepresidente da Xunta de Galiza, D. Anxo Quintana González, na televisón de Galiza no programa " Hai Debate"
O BNG gaña dúas decimas en voto estimado para as vindeiras xerais
Un 20% máis respecto do 2004
Un inquérito publicado por Antena 3 recolle un ascenso do 20% na intención de voto do BNG para as próximas eleccións xerais. O BNG pasaría dun 0,8 -o resultado do 2004- a un 1,0.
Este estudo recolle unha previsión de participación do 71%, e sitúa ao PSOE primeiro en intención de voto, cunha diferenza sobre o PP lixeiramente menor á que se deu no 2004 (algo menos de catro puntos). Como detalle curioso, sinalar que o partido españolista de Rosa Díaz e Fernando Savater recollería un 2% das papeletas.
Foto exposición, Nazón de Breogán
No Boletín Oficial da Provincia do día 8 de setembro, aparece unha corrección de erros, no tema do salario da Secretaria particular do Alcalde de Neda, e cando no seu momento, no B.O.P. nº 190, do 18 de agosto, viña publicado que este salario sería de 4.307,31, agora esta corrección faise á alza, e aparece cunha retribución de 6.524,56 €
O consello da Xunta aceptou o cese a petición propia de Antonio Losada
O novo secretario xeral da Vicepresidencia será Xavier Ferreira Fernández, doutor en Dereito e profesor de Dereito administrativo da Universidade de Santiago de Compostela. Posúe, ademais, estudos de doutoramento na Universidade de Bolonia e na Escola de Administración Pública de Cataluña.
O Consello da Xunta aceptou na súa reunión desta mañá o cese no seu cargo do secretario xeral e de Relacións Institucionais da Vicepresidencia, Antonio Losada, quen presentou a súa dimisión ao vicepresidente, nas últimas horas, por motivos persoais. A dimisión foi aceptada e levada hoxe ao Consello da Xunta.
Nacido en Valdoviño, no ano 1966, Xavier Ferreira Fernández está casado e é pai de dous fillos. Ferreiro, que conta cunha ampla experiencia en materia de formación, ten participado e dirixido numerosos cursos de formación de funcionarios, másters e congresos. Foi director do departamento de Dereito Público e Teoría do Estado entre 1999 e o 2005 e membro da ponencia redactora dos Estatutos da USC.
A súa actividade investigadora centrouse, fundamentalmente, no estudo do dereito local, do réxime xurídico dos funcionarios e dos dereitos lingüísticos. Así, publicou catro monografías e numerosos artigos en revistas da especialidade e en obras colectivas. Entre as súas últimas publicacións salienta a participación na obra “Estatuto xurídico da lingua galega”, editada por Xerais ou a coordinación de dous volumes de análise do dereito como feito diferencial de Galicia, editados polo Museo do Pobo Galego. Ademais, ten colaborado co BNG na elaboración de numerosos estudos e traballos e mesmo formou parte da comisión redactora do Estatuto de Nazón, elaborado polo BNG.
Actualmente, é profesor Titular de Dereito Administrativo da USC e director da Escola Universitaria de Relacións Laborais. No ámbito da xestión, Ferreira Fernández colabora con diversas administracións públicas en actividades relacionadas coa xestión dos recursos humanos e a elaboración de propostas normativas.
Xavier Ferreira Fernández é membro, dende o ano 2.000, da Xunta Electoral de Galicia. Foi elixido polo Parlamento, a petición do Bloque Nacionalista Galego
Entrevista no Ministerio de Industria
Representantes dos veciños pechados na Casa do Concello de Mugardos mantiveron, na mañá de onte unha entrevista con Jorge Sanz, director xeral de Política Enerxética e Minas, dependente do Ministerio de Industria, para solicitarlle que non se lle conceda a autorización de funcionamento comercial á planta de gas, por considerar que non acredita a distancia de seguridade necesaria ás vivendas.
Os responsábeis ministeriais comprometéronse a revisar os informes que no seu día avalaron o funcionamento da planta de gas mugardesa, supeditado a que se cumprisen determinados condicionantes que, segundo expresan os afectados, non se tiveron en conta en posteriores autorizacións emitidas. Entre os requisitos que condicionaban a autorización da construción da planta atopábanse o respecto ás distancias de seguridade aos núcleos de poboación e que os buques, en caso de urxencia, puidesen abandonar a ría o máis axiña posible e polos seus propios medios.
Así mesmo, os responsabeis de Industria aceptaron mediar cos máximos responsables do Ministerio para que o colectivo poida ser recibido polo seu titular, Joan Clos, ou ben polo secretario xeral de Enerxía, Ignaci Neto.
O Ministerio de Industria concedeu a autorización administrativa previa, o 3 de xuño de 2002, e a autorización de construción de Reganosa, o 13 de febreiro de 2004. Segundo sinalou Luz Mariña Torrente, as autorizacións concedidas estaban condicionadas ao cumprimento da norma EN-1532, sobre tráfico de buques gaseiros, "que require que o buque poida saír rapidamente e polos seus propios medios en caso de accidente durante a descarga"; que se cumpran as distancias á poboación que figuran na 'Lei SEVESO II', e que o circuíto de refrixeración do gas sexa pechado. Pola súa banda, a empresa Reganosa asegurou nun comunicado que as instalacións cumpren “estritamente” a distancia que debe existir coa poboación e cualificou de “moi remota” a posibilidade de incidentes.
O deputado Fernando Blanco insta ao organismo público a que explique o cumprimento dos compromisos acadados e permita o aproveitamento dos terreos improdutivos
Santiago de Compostela, 3 Setembro 07.- O deputado do BNG Fernando Blanco Parga vén de rexistrar unha pregunta para a súa resposta oral en comisión sobre o compromiso da SEPI de “determinar os terreos da antiga Astano que se poden considerar como ociosos”.
Segundo explica o parlamentar, este acordo asinouse na xuntanza mantida o 17 de abril entre o presidente de Portos de Galiza e o responsábel da SEPI.
O presidente do ente portuario destacou desta xuntanza algo que, en opinión do nacionalista resulta “sorprendente”, isto é, “a vontade de colaboración da SEPI” mentres que, até agora, “este organismo público caracterizouse polo seu rexeitamento a que Fene volvese construír barcos”.
Blanco Parga lembra que na actualidade Navantia-Fene dispón de 623.894 metros cadrados de terreos en réxime de concesión na zona de servizo da Autoridade Portuaria dos cales, segundo ten admitido o propio presidente da Sociedade Estatal de Participacións Industriais, 200.000 “non están a ser aproveitados para a construción naval”.
Esta situación choca coa falla de espazo nos estaleiros de Vigo, con plena carga de traballo e que, segundo explica o parlamentar, “nalgún caso, por non dispor de instalacións suficientes están a buscar outros estaleiros, ben para mercalos ou alugalos en outras zonas do mundo”.
Aproveitar o auxe do naval
Deste xeito, en opinión do deputado, “semella que Galiza non está a aproveitar plenamente o auxe da construción naval civil que existe a nivel mundial, cando ten un estaleiro con capacidade de producir en estado anémico”.
O deputado nacionalista lembra, asemade, o acordo parlamentar acadado a instancias do BNG no que se solicitaba a “desafectación dos activos ociosos do estaleiro para os dedicar a usos industriais que non hipotequen a construción naval civil e a que a SEPI presentase de inmediato o Plano Industrial de Ferrol comprometido nos acordos de 16 de decembro de 2004”.
En vista de todo o exposto o BNG quer coñecer en detalle a situación do estudo sobre os terreos ociosos que se comprometeu a realizar a SEPI e a avaliación que Portos de Galiza fai “do cumprimento de compromisos por parte da Sociedade Estatal de Participacións Industriais”.
http://www.nuestromar.org/noticias/industria_naval072006_china_construira_50_superpetroleros
Os directivos de Televisión de Galicia que controlan a cobizada área de Informativos –que quedou en mans socialistas no repartimento acordado coa chegada ó poder do bipartito– manteñen o insólito conflito institucional coa Vicepresidencia da Xunta. Logo de tres días de castigo, sen unha soa imaxe do número dous do Goberno galego, Anxo Quintana reapareceu onte no telexornal do mediodía durante cinco raquíticos segundos, mentres cortaba en Allariz a cinta de saída da segunda etapa de la Vuelta e durante outros tres segundos aínda máis esmirrados na edición do serán, entregándolle o xersei ouro ó ciclista Freire e sen sequera ser citado o seu nome.
Foi a única concesión ó vicepresidente nun informativo que lle dedicou a ETA o seu tema de apertura e no que en titulares si apareceu, con imaxes, o presidente Touriño na súa visita a Cortegada, recuperada como illa de titularidade pública.
Esta será a semana decisiva para buscarlle solucións a unha guerra que ameaza, incluso, con envelenar as relacións na cúpula do bipartito. De feito, fontes da Vicepresidencia confirmáronlle onte mesmo a GH o malestar na familia nacionalista contra "unha estratexia perfectamente definida e sostida no tempo, coa que desde TVG se pretende minimizar a imaxe do vicepresidente Quintana e, tamén, das consellerías do benegá".
Subliñan as citadas fontes que o xaxún que en San Marcos lle aplican de xeito rigoroso e unilateral ós departamentos do Bloque se intensificou tras as eleccións municipais do pasado mes de maio, nas que a oferta nacionalista se asentou como imprescindible para a formación de gobernos de progreso nos concellos da Galicia urbana
O ferrolán, Gomez Noya, quedou a catro segundos da medalla de ouro do campionato do mundo de Triatlón,: o outro galego Iván Raña, non poido rematar a carreira.
A insólita guerra de TVG co vicepresidente da Xunta entra mañá na súa semana decisiva. Os directivos da canle pública manteñen a súa política de castigo e tampouco onte, por terceiro día consecutivo, enviaron cámaras a cubrir as actividades oficiais de Anxo Quintana -fixo unha visita institucional ó Concello de Xunqueira de Ambía, en Ourense-, o líder político peor tratado entre os meses de maio e de xullo se atendemos aos datos de presenza directa en pantalla.
En concreto, no apartado de declaracións directas recollidas polos diferentes espazos informativos -área que dirixe Roberto Cid- o dirixente nacionalista acumula 52 minutos e 41 segundos, moi por detrás dos 74 minutos e 3 segundos de Alberto Núñez Feijóo, lider da oposición, e dos 104 minutos e 43 segundos concedidos ó presidente Touriño. Ademais, o político socialista suma máis minutos que Quintana e Feijóo xuntos no que se refire a aparicións en imaxes de recurso, con 52 minutos e 6 segundos. O portavoz do Bloque encheu 24 minutos e 34 segundos en pantalla, e o presidente do PPdeG quedou en 15 minutos e 6 segundos. Datos tan contundentes alimentan o malestar non só na Vicepresidencia, senón na práctica totalidade das áreas gobernamentais baixo control do Bloque.
A discriminación á que é sometido Quintana desde a área de Informativos, a máis poderosa da Televisión de Galicia, afecta de xeito especialmente claro á súa imaxe institucional. Así, mentres Touriño apareceu como presidente da Xunta en 258 noticias nestes tres meses, analizados por unha consultora independente, e como secretario xeral do PSdeG noutras 70 (unha cuarta parte), o número dous do bipartito só tivo presenza como vicepresidente en 62 novas e, curiosamente, protagonizou 94 informacións co seu perfil de líder do benegá.
( noticia aparecida en Galicia Hoxe)
Outros medios de comunicación, tamén castigan informativamente aos compañeiros e compañeiras do BNG, en distintas Comarcas de GAliza
O pan será o acompañante dos callos, na festa do Pan de Neda, bandas de gaitas charangas e orquesta amenizarán o evento, coa actuación de "Los Zares"
A Consellaría de Cultura quérelles dar o maior nivel de protección aos castros, que polo momento só figuran como bens inventariados. Por iso vai declarar Ben de Interese Cultural, o maior grao de protección, a vinte novos castros, que se unirán aos de Santa Tegra (A Guarda) e Elviña (A Coruña), os únicos que até agora contaban con este recoñecemento.
Nos vindeiros días comezarán os estudos necesarios para definir e delimitar os castros e os seus contornos de protección para posteriormente iniciar os trámites para declaralos BICs de forma individualizada. Neste labor a Consellaría investirá 37.200 euros. Coa información recabada, a Consellaría de Cultura elaborará unha proposta de delimitación de cada un dos castros e do seu contorno, definindo o tipo de protección.
Os traballos incluirán a realización de prospeccións arqueolóxicas intensivas tanto dos xacementos arqueolóxicos como dos seus contornos. Esta actuación abranguerá a zona incluída dentro das estruturas defensivas do xacemento e, tamén, a súa área exterior inmediata. O obxectivo é cubrir a totalidade da unidade fisiográfica que constitúe o castro. Os datos tomados serán de gran precisión: os elementos que forman o castro así como a delimitación do seu contorno cartografiaranse mediante o seu posicionamento en GPS.
Os castros seleccionados
Os castros seleccionados pola Consellaría son aqueles máis sobranceiros tendo en conta criterios de conservación, monumentalidade e calidade do rexistro arqueolóxico:
Punta dos Prados (Ortigueira)
Castro da Cidá de Borneiro (Cabana de Bergantiños)
Castro de Baroña (Porto do Son)
Castro de Neixón (Boiro)
Castro Lupario (Rois/Brión)
Castro de Fazouro (Foz)
Castro de Viladonga (Castro de Rei)
Castro de Santa María do Castro (Cervantes)
Castromaior (Portomarín)
Castro de Vilar (Folgoso do Courel)
Castro da Torre (Folgoso do Courel)
Castro de San Cibrao de Las (San Amaro/Punxín)
Castro e vila romana de Santomé (Ourense)
Castromao (Celanova)
Coto do Mosteiro (O Carballiño)
Casto de Saceda (Cualedro)
Castro de San Millán (Cualedro)
Facho de Donón (Cangas)
Castro de Troña (Ponteareas)
Castro de Penalba (Campolameiro)
Parque Arqueolóxico da Cultura Castrexa
Os xacementos castrexos son vestixios dun dos períodos máis interesantes da Historia de Galiza. Trátase de elementos de grande importancia na formación da paisaxe e son perfectamente visibles e identificables en todo o territorio. Na actualidade estímase que se poden atopar arredor de 5.000 castros espallados por toda a xeografía galega.
Para investigar mellor e dar a coñecer a todo o público os restos arqueolóxicos desta época, a Consellaría de Cultura está a crear o Parque Arqueolóxico da Cultura Castrexa, no castro de San Cibrao de Las, nos concellos de San Amaro e de Punxín. Para cando estea rematado en 2009 o centro de interpretación albergará exposicións e actividades de difusión así como medios para afondar na investigación. Este edificio e a ruta de visita ao propio castro formarán unha unidade para entender mellor a cultura castrexa. En total, o parque comprenderá unha superficie de máis de 25 hectáreas.
As visitas orientadas ao público en xeral contarán cun programa expositivo sobre a cultura castrexa e completarase co percorrido polo xacemento de San Cibrao. Os contidos abordan o conxunto da cultura castrexa: a relación dos habitantes coa paisaxe, a explotación dos recursos e a base económica da comunidade, a vida cotiá, a estrutura social e as crenzas e relixión; así como o impacto que supuxo a chegada de Roma.
,1.jpg)
Carlos Aymerich defende que Galiza teña máis peso no Estado e confía en que non avancen “certas derivas” de sintonía entre o PP e o PSdeG
O portavoz do grupo parlamentar do BNG, Carlos Aymerich, afirmou hoxe que o próximo período de sesións ten que deixar atrás o “vou facer” e materializar todos os proxectos que se puxeron enriba da mesa, “pois o 2008 é o ano que vai marcar a nota que este Goberno merece e se respondimos ás espectativas dos cidadáns”.
Aymerich -que compareceu ante os medios, xunto a Bieito Lobeira, tras a primeira reunión de grupo deste novo curso político- explicou que durante estes dous anos o Executivo dotouse dos instrumentos necesarios para agora poder pór en marcha os proxectos que asumiron, como a nova lei de Servizos Sociais ou de Vivenda, entre outros.
O portavoz nacionalista insistiu na idea xa exposta por Lobeira de que neste novo período o grupo parlamentar vai imprimir unha dinámica centrada na dialéctica “Galiza-Estado”, co obxecto de que Galiza teña máis peso na política de Madrid e nas demandas que teñan a ver co País pero que aínda dependan do Estado, para que sexa Galiza quen poida tomar as decisións.
Bieito Lobeira referiuse, especialmente, ao impulso das transferencias de competencias, anunciou que tentarán pór freo á invasión “que estamos a percibir” dalgunha delas e traballarán por ir creando un espacio galego de libre decisión.
Sobre as infraestructura, Carlos Aymerich manifestou que o obxectivo é que “as infraestructuras de Galiza tamén sexan problema de Estado” e pediu que non “avancen” en Galiza “certas derivas preocupantes” a nivel de Estado de sintonía entre o PP e o PSOE, como o acontecido en Navarra ou no Consello de Contas, onde o órgano de Goberno estará en mans do PP grazas ao apoio do PSdeG.
Neste sentido, o portavoz nacionalista lembrou que a lealdade é a regla de ouro dun goberno de coalición, pode haber debate pero non romper as co-relacións de poder que os cidadáns elexiron.
Identidade
Pola súa parte, Bieito Lobeira anunciou que tamén estarán atentos á actual “ofensiva de caverrna” que se está a producir sobre a identidade galega. “Nós imos defendela”, dixo, ante os ataques unhas veces “soterrados” e outras “descarados” que está a padecer, por exemplo o Himno, a singularidade de Galiza ou a lingua.
“Os símbolos son de todos pero somos nós os que os defendemos” e lamentou a situación de conflicto que xa vén de lonxe sobre este tema, para o que puxo como exemplo a interpretación do himno “amputado” ou “andaluzado”.
Comisión de Investigación
A preguntas dos xornalistas sobre a Comisión para investigar a xestión da Cidade da Cultura, Aymerich afirmou que para o BNG a máxima é a total transparencia, e amosou a súa esperanza en que o dito organismo se poida constituír sen limitar nin o seu obxecto nin os comparecentes.
Neste sentido, dixo que tanto Fraga como os directivos das empresas implicadas en presuntas irregularidades deberán pasar pola comisón e falar desas “virtudes” e “boa xestión” realizadas, como declarou o ex presidente da Xunta hai uns días.
Finalmente, insistiu en que a prioridade, malia a investigación, é que a Consellaría de Cultura, dirixida pola nacionalista Ánxela Bugallo, siga traballando para resolver co menor custe posíbel e da forma máis áxil a “lousa” que deixou o Partido Popular, e convertir o “mausoleo” nunha infraestructura útil para Galiza.
As 23 galescolas que comezan o curso en setembro teñen cubertas o 85% das prazas e o prazo para formalizar a matrícula finaliza o vindeiro día 30 de agosto.
Máis de cen persoas traballarán dende setembro nestes centros.
XORNAL I Santiago.- Máis de 3.000 nenos e nenas galegos asistirán este curso ás galescolas no seu primeiro ano de funcionamento. Concretamente, as 23 galescolas postas en marcha pola Vicepresidencia e xestionadas polo Consorcio Galego de Servizos de Igualdade e Benestar, que comezan a funcionar en setembro, acollerán a arredor dun milleiro de nenos e nenas de entre 3 meses e 3 anos. A esta cifra hai que sumar as 2.100 prazas existentes nas 25 escolas infantís xestionadas pola Xunta a través da Secretaría Xeral de Igualdade.
Ata o momento, teñen cubertas o 85% das prazas ofertadas, de acordo co proceso de preinscrición aberto o pasado mes de xullo. En total, das 930 prazas ofertadas para nenos e nenas de 0 a 3 anos, unha vez rematado este proceso, cubríronse un total de 790 prazas, o que supón o 85% da oferta. Aqueles que aparezan nas listas definitivas de admitidos xa poden formalizar a súa matrícula nas Galescolas xa que o prazo remata o vindeiro día 30 de agosto.
As persoas interesadas no proceso de formalización de matrícula dispoñen dos listados provisionais cos nenos e nenas admitidos na galescola ou concello correspondente, así como na páxina web www.igualdadebenestar.org. Con todo, trátase dun procedemento que permanece aberto, polo que os pais e nais que queiran aínda inscribir a partir de agora aos seus fillos e fillas nestas escolas infantís poden facelo en calquera momento.
As 23 galescola que van comezar no curso 2007-2008 atópanse nas vilas de Cambre, Cerdedo, Coles, Crecente, Fene, A Fonsagrada, Ortigueira, Pantón, Portas, A Rúa, Taboada, Vilaboa, Boiro, Covelo, Rianxo, Pereiro de Aguiar, Ponteceso, Vilamarín, Poio, Zas, Xinzo de Limia, O Rosal e Campo Lameiro.
Máis de cen persoas van traballar nestas galescola. O proceso de selección de persoal xa está pechado en dezaseis destas escolas infantís, cun total de 107 traballadores, e nas outras sete galescola rematarase en breve. Dos 107 traballadores xa seleccionados, 29 son mestres (entres os que hai un director ou director apor galescola), 59 educadoras e 19 persoal de servizos xerais.
Rede galescola
As galescola son os centros educativos da Rede Galega de Escolas Infantís de 0 a 3 anos xestionadas polo Consorcio Galego de Servizos de Igualdade e Benestar e impulsadas pola Vicepresidencia. A través desta rede, a Vicepresidencia vai crear 121 Galescola en toda Galicia, cun investimento de 33 millóns de euros. Os novos centros supoñen a creación de máis de 6.000 novas prazas para nenos e nenas menores de tres anos, así como a xeración de máis de 1.200 postos de traballo.
As galescola propiciarán que A Coruña supere a media estatal no índice de cobertura de prazas en escolas infantís públicas, xa que a taxa de cobertura da poboación de 0 a 3 anos na provincia pasará a ser do 22%, cando o Ministerio de Traballo e Asuntos Sociais fala dun índice de cobertura media no conxunto do Estado do 21%. As provincias de Ourense e de Lugo situaranse, grazas á Rede de Galescola, no pelotón de cabeza da educación infantil no Estado español. O índice de cobertura da poboación menor de 3 anos chegará ao 39,7% en Ourense e ao 34,4% en Lugo, superando así o 33% recomendado pola Unión Europea. En Pontevedra increméntase o número de prazas en escolas infantís en máis do 75%, unha cifra que a sitúa en niveis históricos na dispoñibilidade de recursos de educación infantil.
Estas primeiras 23 galescola exemplifican o modelo de centros que se queren estender dende a Vicepresidencia por toda Galicia. Trátase de centros modernos e funcionais, pensados para unha aprendizaxe que ten que ser para toda a vida. Son escolas con máis servizos e cunha mellor oferta educativa e pedagóxica, que educan en galego e en Galicia para os galegos e as galegas do século XXI.
Dende á administración se indica que esta rede de escolas infantís responde "ao compromiso máis ambicioso da Vicepresidencia, que é o de apostar porque todas as galegas e galegos teñan o mesmo benestar e as mesmas oportunidades, vivan onde vivan, co fin de acabar coa fenda entre o rural e o urbano, a costa e o interior, que divide ás galegas e aos galegos en galegos de primeira e galegos de segunda".
Foto 1905
A empresa San Martín S.A., será a encarregada, da execucción das obras de pavimentado e urbanización do tramo superior da R/Real de Neda, a empresa que con unha oferta de 91.500 €, e á vista da documentación remitida, acadou a puntuación mais alta, na mesa de contratación celebrada a mañá do xoves 23 de agosto.
O prazo de execución da obra é de 3 meses.
O líder nacionalista aposta por unha representación forte e propia de Galiza en Madrid para “termos unha posición determinante no Estado” e para “facer realidade os soños de Bóveda”
O portavoz nacional do BNG, Anxo Quintana, reiterou hoxe a proposta de diálogo co Partido Popular, “porque dende o nacionalismo asumismos que o diálogo é un elemento de primeira orde na política”, pero advertiu que para pasar do diálogo ao acordo “o primeiro que ten que facer o PP é retirar o seu veto a que Galiza teña un estatuto de primeira”.
Durante o acto de homenaxe a Alexandre Bóveda, celebrado en Poio, no día da Galiza Mártir, Quintana lembrou que hai un ano, na mesma conmemoración, “nos comprometimos a loitar para que Galiza tivera un estatuto de nación, aínda que non fomos quen de conseguilo estamos seguros de que Bóveda estaría satisfeito porque Galiza non se conformou cun estatuto de segunda” e isto foi posíbel, dixo, grazas a que existe o BNG.
“Agora –engadiu- hai chamadas de diálogo dende outras forzas políticas” pero para que isto sexa factíbel o PP debe retirar o “veto de Madrid” ao Estatuto, para que dende Galiza “nos ocupemos dos nosos problemas”.
O líder nacionalista insistiu en que a vontade do BNG é facer realidade os soños de Bóveda e lembrou que un destes soños era que Galiza tivera un peso importante en Madrid a través de forzas políticas propias.
Neste sentido, lembrou que as eleicións Xerais están á volta da esquina, “dende Madrid non se nos vai regalar nada, só dende unha representación forte e propia de Galiza no Estado será posíbel que o noso País teñan unha posición determinante na política estatal”.
“As nacións constrúense –dixo- coa vontade das persoas capaces de dalo todo pola súa patria, como Bóveda, por iso os nacionalistas, nunha data como esta lembramos a Alexandre e damos conta do cumprimento do noso compromiso coa súa memoria”.
Para Quintana, boa proba deste compromiso e de que o BNG está a cumprir as súas ideas é que os “nacionalistas gobernamos en máis concellos ca nunca e temos a maior introdución social e a maior representación territorial da historia”.
O Comité Cidadán de Emerxencia para a Ría de Ferrol convocou para as 20.15 horas unha cazolada no porto de Ferrol, ante a previsión de que o buque 'Akwa Ibom', que esta mañá non puido acceder ao peirao de Reganosa a causa do bloqueo por parte dos mariscadores, intente facer entrada na ría aproveitando a preamar.
Ante esta convocatoria, o Comité non descarta "outras actuacións que poidan planificarse". A plataforma reiterou que non existe "garantía algunha" de que, en caso de emerxencia durante a descarga do gas natural licuado, o metaneiro "poida saír ao mar aberto con rapidez e polos seus propios medios tal e como require a norma EN-1532".
As entidades englobadas no Comité Cidadán de pretenden chamar a atención das administracións para que non autoricen a entrada en funcionamento definitiva de Reganosa. Este trámite, afirman, terá que cumprimentarse ante a Dirección da área de Industria e Enerxía dá Coruña.
Recordan que o Ministerio de Industria trasladou a devandito organismo con sede na Coruña a necesidade de proceder á "verificación de varios condicionados" para outorgar a licenza definitiva, entre os que mencionan "acreditar que existan distancias suficientes até a poboación e a saída de urxencia dos buques gaseiros".
O Comité reitera que ambas as condicións son "imposíbeis de resolver" e piden a paralización da actividade de Reganosa "antes de que ocorra unha catástrofe que pode provocar miles de vítimas".
Así mesmo, a compañía, segundo os detractores da regasificadora, "ten un acta para probas por tres meses", que consideran "ilegal" polo feito de que Reganosa, tal e como afirman, "non ten terminadas as súas obras nin resoltos os condicionados da súa autorización de construción".
A plataforma esgrime o artigo 85 do Real Decreto 1434 do ano 2002, segundo o cal "só existe un mes para probas coa solicitude do acta de explotación comercial ou definitiva que Reganosa non presentou".
Por outra banda, o mariscador José Anxo Ríos, de 34 anos de idade, foi posto en liberdade pasadas as 13:00 horas tras ser detido esta mañá pola Garda Civil.
O barco podería tentar entrar na Ría coa preamar das oito e media da tarde
O portavoz do Comité, Carmelo Teixeiro, explicou que os membros deste colectivo seguirán atentos durante, xa que sobre as 20,30 horas da tarde do 17 de agosto haberá unha nova preamar e o barco podería intentar a manobra de atracada.
O portavoz do BNG no Congreso dos Deputados, Francisco Rodríguez, rexistrou unha iniciativa parlamentaria na que pide explicacións pola construción dun edificio de Tragsa nunha praia de Valdoviño dentro da zona de dominio público-terrestre.
Rodríguez explica nun comunicado que esta construción é un "sinsentido" posto que no pasado mes de abril a Demarcación Costas de Galicia "derrubou un edificio das mesmas características situado a pouca distancia do actual", indica a nota.
Ademais, Rodríguez indica que o lugar onde se está construíndo este novo edificio de Tragsa atópase nunha "zona natural de alto valor" incluído na lista Ramsar, Lista de Humidais de Importancia Internacional, e que é zona de especial protección de aves e dos valores naturais.
Por todo isto, Rodríguez cre que existen "motivos suficientes" para que Costas "paralice a obra e derrube" a parte xa realizada
Bieito Lobeira rexistrou unha iniciativa parlamentar na que lembra que as aventuras destes personaxes son “referencia para unha parte moi importante do público infantil e xuvenil”, de feito están traducidas a 25 idiomas do mundo, “mais, lamentablemente, entre eles non está o galego, si o español e o catalán”.
O parlamentar lembra que hai anos si foi posíbel acceder a unha edición en lingua galega, e mesmo a filmes traducidos pola propia Televisión de Galiza. A situación mudou, explica, dende que a empresa editora Salvat-Bruño se fixo cargo no Estado desta publicación.
“Dende ese momento –afirma Lobeira- a lingua galega ficou radicalmente excluída e os milleiros de leitores e leitoras deste cómic na nosa nación perderon o dereito de poder disfrutar das aventuras destes irredutibeis galos no seu propio idioma”.
O deputado lembra que diferentes colectivos sociais como a Mesa pola Normalización ou as Ciberirmandades da Fala teñen apresentadas sinaturas perante a editorial para mudar a situación. Asemade, grupos de pais de numerosos centros de ensino teñen demandado “o exercicio dos seus dereitos lingüísticos na leitura das aventuras de Asterix”.
Para Lobeira, cómpre que institucionalmente se defenda tamén esta reivindicación e se disipe a falsa idea de que “o galego non vende”, de aí que pida á Secretaría Xeral de Política Lingüística que adopte as medidas que estean ao seu alcance para conseguir mudar a exclusión do galego das traducións das novas aventuras dos galos.
A Coruña, 13 Agosto 07. O 13 de agosto de 1882 estreábase no Liceo Brigantino da Coruña "A fonte do xuramento", a primeira representación rexistrada dunha obra en galego. Para conmemorar estes 125 anos de vida do teatro galego, a Consellaría de Cultura e Deporte e o Instituto Galego das Artes Escénicas e Musicais (IGAEM) organizan un programa especial con outras tantas 125 funcións teatrais.
A programación presentouna na Coruña a conselleira de Cultura e Deporte, Ánxela Bugallo, durante un acto de lembranza e de homenaxe a esa primeira representación en galego e de recoñecemento ao labor dos profesionais do teatro neste tempo. Acompañada da concelleira municipal de Cultura, María Xosé Bravo, e de numerosas persoas da escena galega, Bugallo descubriu unha placa conmemorativa na fachada do antigo Liceo Brigantino, que na actualidade acolle unha oficina municipal de servizos.
125 anos, 125 funcións
Coincidindo co número de anos da primeira representación da peza escrita por Francisco de la Iglesia terán lugar en todo o país 125 funcións. En total son 25 as compañías galegas participantes, con cadansúa obra e que percorrerán 40 localidades de toda Galiza do 14 de agosto ao 30 de setembro.
A intención desta programación é achegar o teatro a públicos novos e darlle unha maior presenza social. Neste sentido, boa parte da programación terá lugar en espazos non convencionais (lugares ao aire libre, hospitais, praias, lonxas, etc.) e estará complementada con diversas actividades e intervencións de promoción.
“Un país desde as táboas”
Nestes 125 anos a dramaturxia do noso país revelouse como unha arte cunha importante función cultural, social e económica; como factor de identidade colectiva, de coñecemento da nosa historia e da nosa literatura, de extensión do uso da nosa lingua e de manifestación da nosa capacidade creadora.
Dentro das actividades organizadas pola Consellaría para festexar o 125 aniversario, a exposición itinerante Un país desde as táboas recolle a historia do teatro en galego. A mostra inclúe os grandes períodos da escena galega: o teatro popular, o nacemento da dramaturxia galega, as tentativas modernizadoras na procura dun teatro para todos e todas, o esmorecemento da actividade teatral coa dictadura, a refundación dos anos sesenta e setenta do século XX e a consolidación do sistema teatral vivida nas últimas décadas.
Material audiovisual inédito
Xunto aos paneis explicativos, a exposición conta con material audiovisual de gran valor histórico. Rescatados dos arquivos ou cedidos expresamente polos propios protagonistas, algúns destes testemuños ven a luz por primeira vez nesta exposición. Entre o material figura un extracto de 4 minutos da estrea de Os vellos non deben de namorarse, de Castelao, ou entrevistas a Blanco Amor e a Álvaro Cunqueiro.
A mostra, que agora está no Museo de Belas Artes da Coruña, comezou o seu itinerario en Ribadavia e visitará Cee, O Carballiño, Vigo, O Barco, Carballo, Compostela, Lugo, Pontevedra e Narón.
Plan Galego das Artes Escénicas
Para que o teatro galego cumpra moitos máis aniversarios e cada vez con mellor saúde, a Consellaría e o IGAEM abriron este ano un debate co sector para crear unha estratexia para promover as artes escénicas: o primeiro Plan Galego das Artes Escénicas.
Presentado o borrador en xuño de 2007, está previsto que se aprobe definitivamente durante o outono. A partir de entón, as artes escénicas contarán cun marco xeral para promover a súa difusión social, reforzar a estabilidade das empresas, fomentar a creatividade e promover a proxección exterior do sector. O Plan inclúe estratexias e medidas concretas. O proxecto ten unha concepción global, integrando as dimensións cidadá, artística e económica das artes escénicas.
Foto 17 outubro 2.004
O Bloque Nacionalista Galego de Neda, recibe de bo agrado a nova da supresión do Verquedoiro de Maciñeira, denunciado este en varias ocasións polos membros do BNG na corporación municipal e pola propia ANPA do colexio,polos problemas de seguridade que estaba a crear nas inmediacións do colexio.
Do que xa non está tan dacordo o Bloque Nacionalista Galego é que sexa o concello de Neda o que teña, que sufragar os gastos, cando a situación a crearon as empresas que fixeron obras en Neda ( pola súa comodidade ) e os gobernantes, que naquel intre tiña o Concello de Neda.
NOTA ENVIADA AOS MEDIOS DE COMUNICACIÓN
O secretario de Política Municipal do BNG asegura que os nacionalistas introducirán transparencia na xestión dos entes provinciais que gobernen e reduciran as súas funcións a aquelas que recollen as leis
Santiago de Compostela, 6 Agosto 07. O informe do Consello de Contas sobre o incumprimento por parte das deputacións da súa labor de asistencia aos concellos “corrobora as teses do BNG respecto ao funcionamento dos entes provinciais e o seu desencaixe no actual modelo territorial e institucional do país”, asegura Roberto Mera, secretario de Política Municipal da organización frontista.
Para o BNG é moi significativo que o informe do Consello de Contas faga fincapé no incumprimento por parte das deputacións do seu núcleo competencial básico, é dicer, a coordinación dos servizos municipais e a asistencia e cooperación xurídica, económica e técnica aos concellos de menor capacidade económica de xestión. Esta valoración confirma a necesidade defendida sempre polo BNG de abordar unha reforma da actual organización territorial do país que conduza á desaparición das deputacións e a creación dunha nova estructura institucional formada por concellos, áreas metropolitanas e comarcas, unha nova organización acorde coa realidade política e socioeconómica de Galiza.
“O país non pode permitirse o luxo de seguir soportando o custo dunhas deputacións provinciais que se converteron en simples intermediarias no reparto e distribución caciquil e e clientelar de cartos, uns entes ineficientes na xestión dos seus recursos cun grande nível de endebedamento, que funcionan cunha absoluta descoordinación e que non someten a súa actuación á coordinación e dirección do poder galego, malia estar así contemplado no actual estatuto de autonomía”, afirma Mera.
Novo Estatuto
O BNG aposta por abordar a desaparición das deputacións desde un novo Estatuto de nación. Mentres ese cambio estrutural non se produza, os nacionalistas defenden a necesidade de que as deputacións limiten a súa actuación ás competencias básicas recoñecidas por Lei, é dicer, prestar apoio aos concellos. Ademais, o BNG destaca a necesidade de que se remate coa “arbitrariedade e discrecionalidade no reparto dos fondos públicos desde as deputacións gobernadas polo PP aos concellos” e que a súa actuación se coordine e se someta ás directrices do goberno galego, dacordo coas actuais previsións estatutarias, que os nacionalistas consideran se debe concretar através “dunha lei de delimitación competencial e coordinación das deputacións provinciais e dun plan único de obras e servizos”.
A actuación do BNG desde o goberno da deputación da Coruña e Lugo nos vindeiros catro anos estará guiada por estes obxectivos de cinguir a actuación das deputacións ao apoio aos concellos, introducir transparencia na xestión dos recursos e coordinarse co goberno galego.
O nacionalismo confirma o seu bon momento logo do Día da Patria Galega máis multitudinario da historia
Santiago de Compostela, 31 Xullo 07. O último estudo demoscópico do CIS deixa entrever as boas espectativas eleitorais coas que o BNG enfrenta o próximo proceso eleitoral, as xerais de Marzo 07. En voto máis simpatía, e sobre o 100 por cen do censo, o BNG representaría o 0,8 por cento do voto total estatal. Se extrapolamos esta magnitude, a formación nacionalista podería superar o 1,2 por cento do voto válido emitido, moi por enriba dos sufraxios obtidos en 2004 (o 0,81 por cento).
Estes dados hai que contextualizalos nun momento en que se multiplican os sinais que dan conta de que a corrente de simpatía que inspira o nacionalismo en Galiza non cesa de medrar.
Primeiro foron os actos organizados polo BNG arredor do Novo Estatuto, cunha participación social moi numerosa. Logo os mítins nacionalistas na campaña eleitoral das municipais, os máis masivos dos últimos anos. A seguir, uns resultados que por vez primeira superan os das eleccións galegas precedentes. E, por último, un Día da Patria Galega 07 para a historia por ser sen dúbida o máis multitudinario nunca celebrado.
A respecto das boas espectativas para as xerais, cumpre lembrar as palabras do portavoz nacional, Anxo Quintana, quen nunha recente entrevista co Benegá ao día ten manifestado que para os nacionalistas galegos "as eleccións xerais son tan importantes como as galegas", porque nelas se xoga que o noso país cobre máis peso político no Estado.
A xulgar polo grao de mobilización da base nacionalista e pola resposta social obtida, esta mensaxe comeza a callar na sociedade galega.
Anima aos votantes do PP, "fartos de ver como a dereita española condena a Galiza a ser sempre de segunda a que camiñen con nós"
Santiago de Compostela. 25 Xullo 07.-O portavoz nacional do BNG e vicepresidente da Xunta de Galiza, Anxo Quintana, celebrou hoxe a existencia "dunha maioría social en Galiza que quere que o noso país teña un Estatuto de Nación".
Quintana fixo estas declaracións durante a súa intervención na praza da Quintana con motivo do Día da Patria Galega ante máis de 25.000 persoas, nunha das manifestacións máis numerosas dos últimos anos.
O líder nacionalista celebrou que Galiza "é hoxe máis nación, aínda sen estatuto, porque somos máis os que queremos que teña o Estatuto de Nación que merece e precisa".
Referencia aos votantes galegos e galegas od PP
Neste sentido, mostrouse convencido de que "hai moita xente no PP farta de ver como a dereita española condena a Galiza a ser sempre de segunda, a renunciar aos seus soños e a ver fracasar as súas oportunidades".
A todo ese colectivo, Quintana pedilles "en nome do sentimento por este país que nos une, que camiñen xunto a nós, que traballen con nós para que Galiza teña un Estatuto de todos que coloque o noso país no lugar que se merece".
Necesidade de que o BNG teña máis forza en Madrid
Por outra parte, o portavoz nacional do BNG incidiu na importancia de que Galiza teña unha representación en Madrid "crítica e decisiva, un representación tal que quen queira gobernar o Estado necesite imperiosamente tela ao seu carón".
Por iso, salientou que as próximas eleccións xerais "son a oportunidade para que o nacionalismo galego pese e decida na política estatal, e iso, amigas e amigos, conséguese con traballo, compromiso e votos".
http://gijondenuncia.blogspot.com/2007/04/iu-dice-que-la-regasificadora-de-aboo.html
Artigo de Xosé Manuel Beiras en GZNacion
Santiago de Compostela. 24 Xullo 07.-O BNG celebrará este mércores, 25 de Xullo, a tradicional manifestación para conmemorar o Día da Patria Galega baico o lema "A Forza que fai País".
Como cada ano, a manifestación sairá ás 12:00 horas da Alameda compostelá, percorrerá as rúas do Casco Histórico e rematará na Praza da Quintana, onde intervirán a secretaria xeral de Galiza Nova, Iria Aboi, e o portavoz nacional do BNG e vicepresidente da Xunta de Galiza, Anxo Quintana.
Á manifestación asistirán as seguintes delegacións internacionais:
CONVERGÉNCIA DEMOCRÁTICA DE CATALUNYA Felip Puig. Vicesecretario Xeral de Relacións Institucionais e Portavoz do Grupo Parlamentar de CIU no Parlament
ESQUERRA REPUBLICANA DE CATALUNYA Joan Puig Cordon. Deputado no Congreso Anna Simó. Vicesecretaria Xeral de Acción Política, Deputada no Parlament de Catalunya e portavoz adxunta no Grupo Parlamentar
UNIÓ DEMOCRÁTICA DE CATALUNYA Marta Llorens i García. Vicepresidenta Executiva de Relacións Políticas
BLOC NACIONALISTA VALENCIÁ Francesc Fernández. Membro da Executiva Nacional e Secretari d'Agricultura, Pesca i Ramaderia
PARTIT SOCIALISTA DE MALLORCA - ENTESSA NACIONALISTA Biel Barceló i Milta. Secretario Xeral do PSM – Entessa Nacionalista e Portavoz Parlamentario do Bloc per Mallorca
UNIÓ MALLORQUINA María José Rodríguez. Membro do Consello Político Nacional
PARTIDO NACIONALISTA VASCO Gorka Aguirre. Responsábel Comisión Exteriores do Euzkadi Buru Batzar
EUSKO ALKARTASUNA Mikel Irujo. Secretario de Relacións Internacionais da Executiva Nacional e Eurodeputado
NAFARROA BAI Patxi Telletxea Ezkurr. Parlamentario Jon Abril
PARTIDO COMUNISTA PORTUGUES Vladimiro Vale. Membro do Comité Central e responsável pela organização regional de Coimbra
BLOCO DE ESQUERDA Luís Fazenda. Portavoz do Grupo Parlamentar
ALIANZA LIBRE EUROPEA Jordi Perales. Director
MOVIMIENTO BOLIVARIANO REVOLUCIONARIO Jeanette Miño. Cónsul Xeral da República Bolivariana de Venezuela en Vigo Maite Manchobuas. Representante dos Círculos Bolivarianos de Venezuela
PARTIDO COMUNISTA DE CUBA Mirian Arestuche. Cónsul de Cuba en Galiza Alejandro Fuentes. Cónsul Xeral de Cuba en Galiza
DELEGACIÓN SAHARAUI PARA GALIZA Bernardo Porto. Presidente Delegación Saharaui para Galiza Fatma Mohamed Salem. Delegada Saharaui para Galiza Mohamedu Helba. Subdelgado Saharaui para Galiza
FRENTE AMPLIO Elbio Ramos Alvite. Responsábel de Organización do Frente Amplio en Galiza Jorge Burgos. Representante do Frente Amplio
PARTIDO DOS TRABALLADORES Luciano Reis. Delegado en Madrid
PARTIDO COMUNISTA DO BRASIL Javier Alfaia. Membro da Comisión de Relacións Exteriores e Deputado da Asemblea de Bahía
O vindeiro día 24 de xullo, Galiza Nova, organiza unha homenaxe a Rosalía e Castelao, no Panteón de Galegos Ilustres.Santiago
Segue o debate de Olai Fernández
Segue o debate do portavoz do BNG no Congreso, Francisco Rodríguez
Tal e como se estaba a falar, nestes últimos días, ao final se confirmou no Pleno celebrado onte ( 28 /06/07) no Concello de Neda, Terra Galega, acaba de coartar a participación dos veciños/as e dos grupos políticos, naquel órgano de deliberación, vinculante e resolutorio do Funcionamento do Concello, que é o Pleno.
A pesar da creación de 3 comisións informativas mais ( segundo establece o ROF, no Art. 123 – “ son órganos sen atribucións resolutorias”, e non son de carácter público), tratando deste xeito o que é unha perda clara da democracia efectiva á hora de control e resolución dos temas que preocupan aos veciños.
O Bloque Nacionalista Galego, expresa o mais firme rechazo a esta nova maneira que desde Terra Galega se trata de facer democracia, pensando ademais nos posibles intereses escuros que poidan existir e que poden levar a esta organización a tratar de roubar a participación, xusto onde os veciños/as poden visualizar os criterios das distintas opcións políticas, polas que eles votaron nestas últimas eleccións.
NOTA ENVIADA AOS MEDIOS
Santiago de Compostela, 11 Xuño 06. Anxo Quintana, portavoz nacional do BNG e Emilio Pérez Touriño, secretario xeral do PsdeG-PSOE, asinaron no Hotel Monumento San Francisco da capital galega o acordo que facilitará gobernos de coalición en case todas as cidades galegas e en numerosos concellos do país. No acto estiveron presentes os membros da comisión negociadora e representantes das executivas de ambas as dúas forzas políticas.
“Somos dúas forzas políticas capaces de dar satisfacción ao que os cidadáns decidiron; que non houbese maiorías absolutas. Pero os cidadáns queren que haxa gobernos maioritarios, estabeis e plurais e que se fagan en base a bases programáticas sólidas”, afirmou Quintana.
Segundo o líder do BNG, o acordo “propón unhas bases programáticas para concellos ao servizo da xente, para entidades locais ao servizo dos cidadáns, para concellos que fagan país e que polo tanto se preocupen da nosa cultura e do noso idioma”. Tamén destacou que os concellos procurarán un desenvolvemento sostíbel.
“A nosa satisfacción ten que ser a de miles de cidadáns que o pasado 27 de maio volveron dicir que este é un país plural no que claramente se definen tres espazos políticos diferenciados”, afirmou o vicepresidente do goberno galego, para quen a cidadanía galega envía “unha mensaxe aos responsabeis políticos; neste país plural, as forzas políticas que teñan capacidade de diálogo, de acordo, de concertación, teñen futuro”.
“Creo que as forzas políticas que hoxe asinamos este acordo temos demostrado isto: ser forzas políticas diferentes pero ao mesmo tempo responsabeis e maduras que saben chegar a acordos cando os cidadáns así o requiren”, concluíu.
O acordo
O BNG e o PSOE asinan unha serie de compromisos programáticos, entre os que destacan o compromiso para reservar o 40% do solo para vivenda protexida nos concellos de máis de 20.000 habitantes e un 30% nos de menor poboación.
En canto aos acordos para a investidura de alcaldes, acordaron “dar o seu voto na sesión de investidura, ao candidato/a da forza máis votada en cada concello das asinantes do pacto, nos casos en que ese apoio sexa necesario para garantir o acceso á alcaldía”. “ Nos restantes concellos facilitar, en calquera caso, a investidura do candidato ou candidata da forza máis votada das asinantes do pacto, mediante a abstención se fose preciso”, segundo recolle o texto do documento.
Nas cidades de Vigo, A Coruña, Santiago, Lugo, Pontevedra e Ourense, impulsaranse gobernos de coalición cunha única tenencia de alcaldía para a forza minoritaria, mentres que no resto dos concellos sen maiorías absolutas impulsaranse tamén coalicións de goberno ou ben pactos que favorezan a gobernabilidade municipal.
O Director Xeral de Calidade e Avaliación Medio Ambiental, Joaquin Lucas Buergo, anunciou o día 6 de Xuño de 2.007 en resposta ao BNG, que o proxecto de selado e de clausura do vertedoiro de Ancos (Neda) deberá estar rematado o próximo mes de outubro.
Durante o debate en comisión dunha iniciativa do deputado nacionalista Ferando Blanco Parga ao respeito, Buergo explicou que, nestes momentos, se pode dicir que a obra está na súa fase de inicio “ no seu replanteo”, toda vez que o pasado mes de abril se adxudicou a súa execución e en Maio asinouse o contrato, co compro miso de rematar en cinco meses.
Blanco Parga, lembrou que se trata dun proxecto necesario, xa que a sáu permanencia como vertedoiro incontrolado, nunha parcela de 8.277 metros cadrados, supón unha agresión medioambiental importante, “ pois os residuos se acunulan na ladeira do rio Grande de Xubia e existe o perigo de derrube.
Coñecida a contestación, e personándose , no lugar os concelleiros do BNG en Neda, Manolo Castro e Abel García, comprobamos que polo momento, non existe ningún tipo de actuación, feito que choca coa contestación realizada en sede parlamentar, apreciándose iso si, un total abandono na zona.
http://www.anosaterra.com/documentos/central_principal.php?pagina_actual=principal_1&numero=1274
O portavoz do grupo parlamentar do BNG, Carlos Aymerich, escribe esta semana en A Nosa Terra o seguinte artigo sobre o conflito xurdido en Ferrol pola planta de Reganosa.
“El Musel está llamado a jugar un peso estratégico cada vez más importante en el relevante papel que ya tiene el Principado en el mapa energético español. Endesa ya ha pedido suelo en la nueva explanada de Aboño, otra de las obras de las ampliación portuaria gijonesa, para hacer un ciclo combinado de 800 megavatios” (http://www.xixon.izquierdaxunida.com/iu.php?id_noticia=00003387). Deste xeito, enfrontando con toda rotundidade a oposición de numerosos grupos ecoloxistas e colectivos cidadáns de Asturies, xustifica IU de Xixón o seu apoio á futura regasificadora do Musel, adxudicada a ENAGAS polo goberno español do PSOE. Unha regasificadora situada a menos de 1000 metros de bairros como os do Muselín, Otero, Musel Arnao, Les Cabañes, Barrio de Pescadores, Jove de Arriba ou Tocote e dunha concorrida praia como a de Xivares cuxa entrada en funcionamento está prevista para 2010.
No caso da regasificadora de Reganosa en Mugardos é sabido que a sucursal galega de IU fixo da súa oposición á planta o eixo dunha campaña electoral que lle permitirá cogobernar Ferrol co PSOE, partido que malia a súa directa responsabilidade na autorización e na ubicación da planta de gas mantivo un prudente silenzo apenas roto polos mocazos da policía, dirixida polo Delegado do Goberno, e a desproporcionada intervención da Fiscalía contra o patrón maior da Confraría ferrolá. Ministerio Fiscal que tamén depende, como é sabido, do goberno español. Porén nin estes partidos nin tampouco o denominado Comité de Emerxencia fixeron en momento ningún referencia ao paralelismo entre Ferrol e Xixón nesta materia. A razón do silenzo hai que procurala na militancia partidaria de Carmelo Teixeiro (ex responsábel do PSOE en Ferrolterra) e Rafael Pillado (ex concelleiro do PSOE en Ferrol), respectivamente portavoz e destacado integrante do dito Comité de Emerxencia ao tempo que integrantes da Xunta Directiva da Asociación “Fuco Buxán”, de recoñecida filiación pesoísta. E quizais esta militancia partidaria teña a ver tamén coa clara intencionalidade política dunhas críticas centradas no BNG e dirixidas, sen dúbida, a desviar a atención da negativa do goberno español – secundado por IU – a permitir a volta da construción naval civil á ría de Ferrol.
Pois ben, penso que xa é ben tempo de que desde o nacionalismo se esclarezan algúns dados que Teixeiro, Pillado e IU interesadamente silencian sobre o asunto de Reganosa:
1. O BNG foi a única forza política que formulou alegacións contra a ubicación da planta regasificadora no interior da ría de Ferrol. Nin o PSOE nin IU formularon alegación ningunha nin utilizaron, como si fixo o nacionalismo galego, a súa representación institucional para se opór, cando o había que facer, á tal ubicación. É máis, desde o BNG seguimos a pensar o mesmo: a ubicación idónea para a regasificadora debe ser o porto exterior. Mágoa que ENAGAS rexeitara ese emprazamento. As razóns, nunca explicadas, haberá que llas perguntar ao xenro do finado Xeneral Gabeiras, na altura conselleiro delegado da empresa gasista.
2. As autorizacións para Reganosa se instalar en Mugardos e iniciar o seu funcionamento foron outorgadas polo goberno español. Máis en concreto pola Autoridade Portuaria de Ferrol, ao se tratar de dominio público portuario, e máis polo Ministerio de Industria. Son, xa que logo, estas mesmas autoridades estatais as que poden revisalas de oficio e anulalas como meio de promover o seu translado. Serían tamén, por certo, elas proprias as que tivesen que satisfacer as indemnizacións ou compensacións que, no seu caso, correspondesen. A Consellaría de Industria non ten competencias nin para autorizar, nin para paralisar nin tampouco para deslocar Reganosa da súa ubicación actual.
3. Porén, e á marxe da súa concreta ubicación, a Consellaría de Industria e o conxunto do goberno galego consideran que a existencia dunha regasificadora constitúe unha infraestrutura estratéxica para o desenvolvimento económico de Galiza e, en concreto, para a instalación de ciclos combinados de gas natural nas térmicas das Pontes e de Sabón. E o BNG non vai permitir que Galiza perda o tren da transformación enerxética en beneficio de Asturies como outros semellan empeñados en que perda o da construción naval civil para maior proveito dos estaleiros andaluces.
4. Outra cousa é que Reganosa deba funcionar con todas as garantías ambientais e de seguranza exixidas pola lexislación vixente e que os danos e prexuízos que a súa posta en andamento poda supor para outras actividades económicas como a pesca ou o marisqueo deban ser avaliados e compensados. Neste sentido cúmprelles ás Consellarías de Desenvolvimento Sustentábel e Presidencia, responsábeis respectivamente pola Declaración de Efeitos Ambientais e máis polo Plano de Seguranza Exterior, extremaren o seu celo e actuaren coa máxima dilixencia.
Xa van sendo horas de pór a cadaquén no seu lugar e separar as lexítimas preocupacións polo meio ambiente e a seguranza doutras motivacións, políticas e económicas, menos confesábeis. Non vaia ser que, ao fin, os mesmos que secundaron que o naval marchase para Andalucía amparados nunha farisaica defensa do sector público, podan conseguir agora que a enerxía marche para Asturies sob a capa dunha falsa preocupación ambiental.
