Cultura organiza 125 funcións para conmemorar o 125 aniversario do teatro galego

A Coruña, 13 Agosto 07. O 13 de agosto de 1882 estreábase no Liceo Brigantino da Coruña "A fonte do xuramento", a primeira representación rexistrada dunha obra en galego. Para conmemorar estes 125 anos de vida do teatro galego, a Consellaría de Cultura e Deporte e o Instituto Galego das Artes Escénicas e Musicais (IGAEM) organizan un programa especial con outras tantas 125 funcións teatrais.

A programación presentouna na Coruña a conselleira de Cultura e Deporte, Ánxela Bugallo, durante un acto de lembranza e de homenaxe a esa primeira representación en galego e de recoñecemento ao labor dos profesionais do teatro neste tempo. Acompañada da concelleira municipal de Cultura, María Xosé Bravo, e de numerosas persoas da escena galega, Bugallo descubriu unha placa conmemorativa na fachada do antigo Liceo Brigantino, que na actualidade acolle unha oficina municipal de servizos.

125 anos, 125 funcións

Coincidindo co número de anos da primeira representación da peza escrita por Francisco de la Iglesia terán lugar en todo o país 125 funcións. En total son 25 as compañías galegas participantes, con cadansúa obra e que percorrerán 40 localidades de toda Galiza do 14 de agosto ao 30 de setembro.

A intención desta programación é achegar o teatro a públicos novos e darlle unha maior presenza social. Neste sentido, boa parte da programación terá lugar en espazos non convencionais (lugares ao aire libre, hospitais, praias, lonxas, etc.) e estará complementada con diversas actividades e intervencións de promoción.

“Un país desde as táboas”

Nestes 125 anos a dramaturxia do noso país revelouse como unha arte cunha importante función cultural, social e económica; como factor de identidade colectiva, de coñecemento da nosa historia e da nosa literatura, de extensión do uso da nosa lingua e de manifestación da nosa capacidade creadora.

Dentro das actividades organizadas pola Consellaría para festexar o 125 aniversario, a exposición itinerante Un país desde as táboas recolle a historia do teatro en galego. A mostra inclúe os grandes períodos da escena galega: o teatro popular, o nacemento da dramaturxia galega, as tentativas modernizadoras na procura dun teatro para todos e todas, o esmorecemento da actividade teatral coa dictadura, a refundación dos anos sesenta e setenta do século XX e a consolidación do sistema teatral vivida nas últimas décadas.

Material audiovisual inédito

Xunto aos paneis explicativos, a exposición conta con material audiovisual de gran valor histórico. Rescatados dos arquivos ou cedidos expresamente polos propios protagonistas, algúns destes testemuños ven a luz por primeira vez nesta exposición. Entre o material figura un extracto de 4 minutos da estrea de Os vellos non deben de namorarse, de Castelao, ou entrevistas a Blanco Amor e a Álvaro Cunqueiro.

A mostra, que agora está no Museo de Belas Artes da Coruña, comezou o seu itinerario en Ribadavia e visitará Cee, O Carballiño, Vigo, O Barco, Carballo, Compostela, Lugo, Pontevedra e Narón.

Plan Galego das Artes Escénicas

Para que o teatro galego cumpra moitos máis aniversarios e cada vez con mellor saúde, a Consellaría e o IGAEM abriron este ano un debate co sector para crear unha estratexia para promover as artes escénicas: o primeiro Plan Galego das Artes Escénicas.

Presentado o borrador en xuño de 2007, está previsto que se aprobe definitivamente durante o outono. A partir de entón, as artes escénicas contarán cun marco xeral para promover a súa difusión social, reforzar a estabilidade das empresas, fomentar a creatividade e promover a proxección exterior do sector. O Plan inclúe estratexias e medidas concretas. O proxecto ten unha concepción global, integrando as dimensións cidadá, artística e económica das artes escénicas.

O Concello de Neda, convoca dous postos de traballo

Actos celebración Día da Galiza Mártir

A supresion do verquedoiro de Maciñeira, unha boa nova

Foto 17 outubro 2.004
O Bloque Nacionalista Galego de Neda, recibe de bo agrado a nova da supresión do Verquedoiro de Maciñeira, denunciado este en varias ocasións polos membros do BNG na corporación municipal e pola propia ANPA do colexio,polos problemas de seguridade que estaba a crear nas inmediacións do colexio.
Do que xa non está tan dacordo o Bloque Nacionalista Galego é que sexa o concello de Neda o que teña, que sufragar os gastos, cando a situación a crearon as empresas que fixeron obras en Neda ( pola súa comodidade ) e os gobernantes, que naquel intre tiña o Concello de Neda.
NOTA ENVIADA AOS MEDIOS DE COMUNICACIÓN

Roberto Mera afirma que o informe do Consello de Contas sobre as deputacións provinciais dalle a razón ao BNG

O secretario de Política Municipal do BNG asegura que os nacionalistas introducirán transparencia na xestión dos entes provinciais que gobernen e reduciran as súas funcións a aquelas que recollen as leis

Santiago de Compostela, 6 Agosto 07. O informe do Consello de Contas sobre o incumprimento por parte das deputacións da súa labor de asistencia aos concellos “corrobora as teses do BNG respecto ao funcionamento dos entes provinciais e o seu desencaixe no actual modelo territorial e institucional do país”, asegura Roberto Mera, secretario de Política Municipal da organización frontista.

Para o BNG é moi significativo que o informe do Consello de Contas faga fincapé no incumprimento por parte das deputacións do seu núcleo competencial básico, é dicer, a coordinación dos servizos municipais e a asistencia e cooperación xurídica, económica e técnica aos concellos de menor capacidade económica de xestión. Esta valoración confirma a necesidade defendida sempre polo BNG de abordar unha reforma da actual organización territorial do país que conduza á desaparición das deputacións e a creación dunha nova estructura institucional formada por concellos, áreas metropolitanas e comarcas, unha nova organización acorde coa realidade política e socioeconómica de Galiza.

“O país non pode permitirse o luxo de seguir soportando o custo dunhas deputacións provinciais que se converteron en simples intermediarias no reparto e distribución caciquil e e clientelar de cartos, uns entes ineficientes na xestión dos seus recursos cun grande nível de endebedamento, que funcionan cunha absoluta descoordinación e que non someten a súa actuación á coordinación e dirección do poder galego, malia estar así contemplado no actual estatuto de autonomía”, afirma Mera.

Novo Estatuto

O BNG aposta por abordar a desaparición das deputacións desde un novo Estatuto de nación. Mentres ese cambio estrutural non se produza, os nacionalistas defenden a necesidade de que as deputacións limiten a súa actuación ás competencias básicas recoñecidas por Lei, é dicer, prestar apoio aos concellos. Ademais, o BNG destaca a necesidade de que se remate coa “arbitrariedade e discrecionalidade no reparto dos fondos públicos desde as deputacións gobernadas polo PP aos concellos” e que a súa actuación se coordine e se someta ás directrices do goberno galego, dacordo coas actuais previsións estatutarias, que os nacionalistas consideran se debe concretar através “dunha lei de delimitación competencial e coordinación das deputacións provinciais e dun plan único de obras e servizos”.

A actuación do BNG desde o goberno da deputación da Coruña e Lugo nos vindeiros catro anos estará guiada por estes obxectivos de cinguir a actuación das deputacións ao apoio aos concellos, introducir transparencia na xestión dos recursos e coordinarse co goberno galego.

A web do BNG acada este mes de Xullo o duplo de sesións que no mesmo período do 2006

O BNG confirma as súas boas expectativas para as xerais segundo o último CIS

O nacionalismo confirma o seu bon momento logo do Día da Patria Galega máis multitudinario da historia

Santiago de Compostela, 31 Xullo 07. O último estudo demoscópico do CIS deixa entrever as boas espectativas eleitorais coas que o BNG enfrenta o próximo proceso eleitoral, as xerais de Marzo 07. En voto máis simpatía, e sobre o 100 por cen do censo, o BNG representaría o 0,8 por cento do voto total estatal. Se extrapolamos esta magnitude, a formación nacionalista podería superar o 1,2 por cento do voto válido emitido, moi por enriba dos sufraxios obtidos en 2004 (o 0,81 por cento).

Estes dados hai que contextualizalos nun momento en que se multiplican os sinais que dan conta de que a corrente de simpatía que inspira o nacionalismo en Galiza non cesa de medrar.

Primeiro foron os actos organizados polo BNG arredor do Novo Estatuto, cunha participación social moi numerosa. Logo os mítins nacionalistas na campaña eleitoral das municipais, os máis masivos dos últimos anos. A seguir, uns resultados que por vez primeira superan os das eleccións galegas precedentes. E, por último, un Día da Patria Galega 07 para a historia por ser sen dúbida o máis multitudinario nunca celebrado.

A respecto das boas espectativas para as xerais, cumpre lembrar as palabras do portavoz nacional, Anxo Quintana, quen nunha recente entrevista co Benegá ao día ten manifestado que para os nacionalistas galegos "as eleccións xerais son tan importantes como as galegas", porque nelas se xoga que o noso país cobre máis peso político no Estado.

A xulgar polo grao de mobilización da base nacionalista e pola resposta social obtida, esta mensaxe comeza a callar na sociedade galega.

Segue os actos do Día da Patria dende telebng

Quintana celebra no Día da Patria a existencia dunha `maioría social no País que quere que Galiza teña un Estatuto de Nación´

Anima aos votantes do PP, "fartos de ver como a dereita española condena a Galiza a ser sempre de segunda a que camiñen con nós"

Santiago de Compostela. 25 Xullo 07.-O portavoz nacional do BNG e vicepresidente da Xunta de Galiza, Anxo Quintana, celebrou hoxe a existencia "dunha maioría social en Galiza que quere que o noso país teña un Estatuto de Nación".



Quintana fixo estas declaracións durante a súa intervención na praza da Quintana con motivo do Día da Patria Galega ante máis de 25.000 persoas, nunha das manifestacións máis numerosas dos últimos anos.

O líder nacionalista celebrou que Galiza "é hoxe máis nación, aínda sen estatuto, porque somos máis os que queremos que teña o Estatuto de Nación que merece e precisa".

Referencia aos votantes galegos e galegas od PP

Neste sentido, mostrouse convencido de que "hai moita xente no PP farta de ver como a dereita española condena a Galiza a ser sempre de segunda, a renunciar aos seus soños e a ver fracasar as súas oportunidades".

A todo ese colectivo, Quintana pedilles "en nome do sentimento por este país que nos une, que camiñen xunto a nós, que traballen con nós para que Galiza teña un Estatuto de todos que coloque o noso país no lugar que se merece".

Necesidade de que o BNG teña máis forza en Madrid

Por outra parte, o portavoz nacional do BNG incidiu na importancia de que Galiza teña unha representación en Madrid "crítica e decisiva, un representación tal que quen queira gobernar o Estado necesite imperiosamente tela ao seu carón".

Por iso, salientou que as próximas eleccións xerais "son a oportunidade para que o nacionalismo galego pese e decida na política estatal, e iso, amigas e amigos, conséguese con traballo, compromiso e votos".
http://gijondenuncia.blogspot.com/2007/04/iu-dice-que-la-regasificadora-de-aboo.html

Xosé Manuel Beiras: "O actual rexime político non tolera que aumenten cualitativamente as cotas de autogoberno das nacións"

Artigo de Xosé Manuel Beiras en GZNacion

25 de Xullo: todas e todos á Quintana !

Santiago de Compostela. 24 Xullo 07.-O BNG celebrará este mércores, 25 de Xullo, a tradicional manifestación para conmemorar o Día da Patria Galega baico o lema "A Forza que fai País".



Como cada ano, a manifestación sairá ás 12:00 horas da Alameda compostelá, percorrerá as rúas do Casco Histórico e rematará na Praza da Quintana, onde intervirán a secretaria xeral de Galiza Nova, Iria Aboi, e o portavoz nacional do BNG e vicepresidente da Xunta de Galiza, Anxo Quintana.

Á manifestación asistirán as seguintes delegacións internacionais:

CONVERGÉNCIA DEMOCRÁTICA DE CATALUNYA Felip Puig. Vicesecretario Xeral de Relacións Institucionais e Portavoz do Grupo Parlamentar de CIU no Parlament

ESQUERRA REPUBLICANA DE CATALUNYA Joan Puig Cordon. Deputado no Congreso Anna Simó. Vicesecretaria Xeral de Acción Política, Deputada no Parlament de Catalunya e portavoz adxunta no Grupo Parlamentar

UNIÓ DEMOCRÁTICA DE CATALUNYA Marta Llorens i García. Vicepresidenta Executiva de Relacións Políticas

BLOC NACIONALISTA VALENCIÁ Francesc Fernández. Membro da Executiva Nacional e Secretari d'Agricultura, Pesca i Ramaderia

PARTIT SOCIALISTA DE MALLORCA - ENTESSA NACIONALISTA Biel Barceló i Milta. Secretario Xeral do PSM – Entessa Nacionalista e Portavoz Parlamentario do Bloc per Mallorca

UNIÓ MALLORQUINA María José Rodríguez. Membro do Consello Político Nacional

PARTIDO NACIONALISTA VASCO Gorka Aguirre. Responsábel Comisión Exteriores do Euzkadi Buru Batzar

EUSKO ALKARTASUNA Mikel Irujo. Secretario de Relacións Internacionais da Executiva Nacional e Eurodeputado

NAFARROA BAI Patxi Telletxea Ezkurr. Parlamentario Jon Abril

PARTIDO COMUNISTA PORTUGUES Vladimiro Vale. Membro do Comité Central e responsável pela organização regional de Coimbra

BLOCO DE ESQUERDA Luís Fazenda. Portavoz do Grupo Parlamentar

ALIANZA LIBRE EUROPEA Jordi Perales. Director

MOVIMIENTO BOLIVARIANO REVOLUCIONARIO Jeanette Miño. Cónsul Xeral da República Bolivariana de Venezuela en Vigo Maite Manchobuas. Representante dos Círculos Bolivarianos de Venezuela

PARTIDO COMUNISTA DE CUBA Mirian Arestuche. Cónsul de Cuba en Galiza Alejandro Fuentes. Cónsul Xeral de Cuba en Galiza

DELEGACIÓN SAHARAUI PARA GALIZA Bernardo Porto. Presidente Delegación Saharaui para Galiza Fatma Mohamed Salem. Delegada Saharaui para Galiza Mohamedu Helba. Subdelgado Saharaui para Galiza

FRENTE AMPLIO Elbio Ramos Alvite. Responsábel de Organización do Frente Amplio en Galiza Jorge Burgos. Representante do Frente Amplio

PARTIDO DOS TRABALLADORES Luciano Reis. Delegado en Madrid

PARTIDO COMUNISTA DO BRASIL Javier Alfaia. Membro da Comisión de Relacións Exteriores e Deputado da Asemblea de Bahía

Arrinca este mércores o FESTIGAL 2007, pórtico do Día da Patria Galega

Anxo Quintana en "A Nosa Terra"

Homenaxe a Rosalia e Castelao

O vindeiro día 24 de xullo, Galiza Nova, organiza unha homenaxe a Rosalía e Castelao, no Panteón de Galegos Ilustres.Santiago

O Congreso aproba unha proposta de resolución do B.N.G.para acelerar os prazos das infraestructuras pendentes en Galiza, co voto en contra do PSOE

Segue o debate de Olai Fernández

O Portavoz do BNG no Congreso, demanda a Zapatero que sexa proclive á transferencia de competencias a Galiza

Segue o debate do portavoz do BNG no Congreso, Francisco Rodríguez

Abrir a Fronteira da Autonomía para a mellor defensa de Galiza

Novo BeNeGa ao dia

Faite co novo número do BeNeGa ao día

PLENOS CADA DOUS MESES

Tal e como se estaba a falar, nestes últimos días, ao final se confirmou no Pleno celebrado onte ( 28 /06/07) no Concello de Neda, Terra Galega, acaba de coartar a participación dos veciños/as e dos grupos políticos, naquel órgano de deliberación, vinculante e resolutorio do Funcionamento do Concello, que é o Pleno.
A pesar da creación de 3 comisións informativas mais ( segundo establece o ROF, no Art. 123 – “ son órganos sen atribucións resolutorias”, e non son de carácter público), tratando deste xeito o que é unha perda clara da democracia efectiva á hora de control e resolución dos temas que preocupan aos veciños.
O Bloque Nacionalista Galego, expresa o mais firme rechazo a esta nova maneira que desde Terra Galega se trata de facer democracia, pensando ademais nos posibles intereses escuros que poidan existir e que poden levar a esta organización a tratar de roubar a participación, xusto onde os veciños/as poden visualizar os criterios das distintas opcións políticas, polas que eles votaron nestas últimas eleccións.
NOTA ENVIADA AOS MEDIOS

Constituida a Nova Corporación no Concello de Neda

Ás 11h 30 m, do 16 de xuño de 2.007, iniciouse o Pleno de Constitución da nova corporación municipal.
Unha corporación, onde o Grupo de Bloque Nacionalista Galego, está constituído, polos concelleiros Manolo Castro Alonso e Abel A. García López, no decurso do acto, o concelleiro Abel A. García López, leu un documento no nome dos membros do B.N.G. de Neda.

Videos do Pleno de Constitución da nova corporación municipal:

VIDEO 1

VIDEO 2

DISCURSO DO BNG

O BNG leva o cambio galego aos concellos

Santiago de Compostela, 11 Xuño 06. Anxo Quintana, portavoz nacional do BNG e Emilio Pérez Touriño, secretario xeral do PsdeG-PSOE, asinaron no Hotel Monumento San Francisco da capital galega o acordo que facilitará gobernos de coalición en case todas as cidades galegas e en numerosos concellos do país. No acto estiveron presentes os membros da comisión negociadora e representantes das executivas de ambas as dúas forzas políticas.

“Somos dúas forzas políticas capaces de dar satisfacción ao que os cidadáns decidiron; que non houbese maiorías absolutas. Pero os cidadáns queren que haxa gobernos maioritarios, estabeis e plurais e que se fagan en base a bases programáticas sólidas”, afirmou Quintana.

Segundo o líder do BNG, o acordo “propón unhas bases programáticas para concellos ao servizo da xente, para entidades locais ao servizo dos cidadáns, para concellos que fagan país e que polo tanto se preocupen da nosa cultura e do noso idioma”. Tamén destacou que os concellos procurarán un desenvolvemento sostíbel.

“A nosa satisfacción ten que ser a de miles de cidadáns que o pasado 27 de maio volveron dicir que este é un país plural no que claramente se definen tres espazos políticos diferenciados”, afirmou o vicepresidente do goberno galego, para quen a cidadanía galega envía “unha mensaxe aos responsabeis políticos; neste país plural, as forzas políticas que teñan capacidade de diálogo, de acordo, de concertación, teñen futuro”.

“Creo que as forzas políticas que hoxe asinamos este acordo temos demostrado isto: ser forzas políticas diferentes pero ao mesmo tempo responsabeis e maduras que saben chegar a acordos cando os cidadáns así o requiren”, concluíu.

O acordo
O BNG e o PSOE asinan unha serie de compromisos programáticos, entre os que destacan o compromiso para reservar o 40% do solo para vivenda protexida nos concellos de máis de 20.000 habitantes e un 30% nos de menor poboación.

En canto aos acordos para a investidura de alcaldes, acordaron “dar o seu voto na sesión de investidura, ao candidato/a da forza máis votada en cada concello das asinantes do pacto, nos casos en que ese apoio sexa necesario para garantir o acceso á alcaldía”. “ Nos restantes concellos facilitar, en calquera caso, a investidura do candidato ou candidata da forza máis votada das asinantes do pacto, mediante a abstención se fose preciso”, segundo recolle o texto do documento.

Nas cidades de Vigo, A Coruña, Santiago, Lugo, Pontevedra e Ourense, impulsaranse gobernos de coalición cunha única tenencia de alcaldía para a forza minoritaria, mentres que no resto dos concellos sen maiorías absolutas impulsaranse tamén coalicións de goberno ou ben pactos que favorezan a gobernabilidade municipal.

A XUNTA COMPROMÉTESE CO BNG A SELAR O VERTEDOIRO DE ANCOS (NEDA) EN OUTUBRO

O Director Xeral de Calidade e Avaliación Medio Ambiental, Joaquin Lucas Buergo, anunciou o día 6 de Xuño de 2.007 en resposta ao BNG, que o proxecto de selado e de clausura do vertedoiro de Ancos (Neda) deberá estar rematado o próximo mes de outubro.
Durante o debate en comisión dunha iniciativa do deputado nacionalista Ferando Blanco Parga ao respeito, Buergo explicou que, nestes momentos, se pode dicir que a obra está na súa fase de inicio “ no seu replanteo”, toda vez que o pasado mes de abril se adxudicou a súa execución e en Maio asinouse o contrato, co compro miso de rematar en cinco meses.
Blanco Parga, lembrou que se trata dun proxecto necesario, xa que a sáu permanencia como vertedoiro incontrolado, nunha parcela de 8.277 metros cadrados, supón unha agresión medioambiental importante, “ pois os residuos se acunulan na ladeira do rio Grande de Xubia e existe o perigo de derrube.
Coñecida a contestación, e personándose , no lugar os concelleiros do BNG en Neda, Manolo Castro e Abel García, comprobamos que polo momento, non existe ningún tipo de actuación, feito que choca coa contestación realizada en sede parlamentar, apreciándose iso si, un total abandono na zona.

Catro verdades sobre Reganosa

http://www.anosaterra.com/documentos/central_principal.php?pagina_actual=principal_1&numero=1274

O portavoz do grupo parlamentar do BNG, Carlos Aymerich, escribe esta semana en A Nosa Terra o seguinte artigo sobre o conflito xurdido en Ferrol pola planta de Reganosa.

“El Musel está llamado a jugar un peso estratégico cada vez más importante en el relevante papel que ya tiene el Principado en el mapa energético español. Endesa ya ha pedido suelo en la nueva explanada de Aboño, otra de las obras de las ampliación portuaria gijonesa, para hacer un ciclo combinado de 800 megavatios” (http://www.xixon.izquierdaxunida.com/iu.php?id_noticia=00003387). Deste xeito, enfrontando con toda rotundidade a oposición de numerosos grupos ecoloxistas e colectivos cidadáns de Asturies, xustifica IU de Xixón o seu apoio á futura regasificadora do Musel, adxudicada a ENAGAS polo goberno español do PSOE. Unha regasificadora situada a menos de 1000 metros de bairros como os do Muselín, Otero, Musel Arnao, Les Cabañes, Barrio de Pescadores, Jove de Arriba ou Tocote e dunha concorrida praia como a de Xivares cuxa entrada en funcionamento está prevista para 2010.

No caso da regasificadora de Reganosa en Mugardos é sabido que a sucursal galega de IU fixo da súa oposición á planta o eixo dunha campaña electoral que lle permitirá cogobernar Ferrol co PSOE, partido que malia a súa directa responsabilidade na autorización e na ubicación da planta de gas mantivo un prudente silenzo apenas roto polos mocazos da policía, dirixida polo Delegado do Goberno, e a desproporcionada intervención da Fiscalía contra o patrón maior da Confraría ferrolá. Ministerio Fiscal que tamén depende, como é sabido, do goberno español. Porén nin estes partidos nin tampouco o denominado Comité de Emerxencia fixeron en momento ningún referencia ao paralelismo entre Ferrol e Xixón nesta materia. A razón do silenzo hai que procurala na militancia partidaria de Carmelo Teixeiro (ex responsábel do PSOE en Ferrolterra) e Rafael Pillado (ex concelleiro do PSOE en Ferrol), respectivamente portavoz e destacado integrante do dito Comité de Emerxencia ao tempo que integrantes da Xunta Directiva da Asociación “Fuco Buxán”, de recoñecida filiación pesoísta. E quizais esta militancia partidaria teña a ver tamén coa clara intencionalidade política dunhas críticas centradas no BNG e dirixidas, sen dúbida, a desviar a atención da negativa do goberno español – secundado por IU – a permitir a volta da construción naval civil á ría de Ferrol.

Pois ben, penso que xa é ben tempo de que desde o nacionalismo se esclarezan algúns dados que Teixeiro, Pillado e IU interesadamente silencian sobre o asunto de Reganosa:

1. O BNG foi a única forza política que formulou alegacións contra a ubicación da planta regasificadora no interior da ría de Ferrol. Nin o PSOE nin IU formularon alegación ningunha nin utilizaron, como si fixo o nacionalismo galego, a súa representación institucional para se opór, cando o había que facer, á tal ubicación. É máis, desde o BNG seguimos a pensar o mesmo: a ubicación idónea para a regasificadora debe ser o porto exterior. Mágoa que ENAGAS rexeitara ese emprazamento. As razóns, nunca explicadas, haberá que llas perguntar ao xenro do finado Xeneral Gabeiras, na altura conselleiro delegado da empresa gasista.

2. As autorizacións para Reganosa se instalar en Mugardos e iniciar o seu funcionamento foron outorgadas polo goberno español. Máis en concreto pola Autoridade Portuaria de Ferrol, ao se tratar de dominio público portuario, e máis polo Ministerio de Industria. Son, xa que logo, estas mesmas autoridades estatais as que poden revisalas de oficio e anulalas como meio de promover o seu translado. Serían tamén, por certo, elas proprias as que tivesen que satisfacer as indemnizacións ou compensacións que, no seu caso, correspondesen. A Consellaría de Industria non ten competencias nin para autorizar, nin para paralisar nin tampouco para deslocar Reganosa da súa ubicación actual.

3. Porén, e á marxe da súa concreta ubicación, a Consellaría de Industria e o conxunto do goberno galego consideran que a existencia dunha regasificadora constitúe unha infraestrutura estratéxica para o desenvolvimento económico de Galiza e, en concreto, para a instalación de ciclos combinados de gas natural nas térmicas das Pontes e de Sabón. E o BNG non vai permitir que Galiza perda o tren da transformación enerxética en beneficio de Asturies como outros semellan empeñados en que perda o da construción naval civil para maior proveito dos estaleiros andaluces.

4. Outra cousa é que Reganosa deba funcionar con todas as garantías ambientais e de seguranza exixidas pola lexislación vixente e que os danos e prexuízos que a súa posta en andamento poda supor para outras actividades económicas como a pesca ou o marisqueo deban ser avaliados e compensados. Neste sentido cúmprelles ás Consellarías de Desenvolvimento Sustentábel e Presidencia, responsábeis respectivamente pola Declaración de Efeitos Ambientais e máis polo Plano de Seguranza Exterior, extremaren o seu celo e actuaren coa máxima dilixencia.

Xa van sendo horas de pór a cadaquén no seu lugar e separar as lexítimas preocupacións polo meio ambiente e a seguranza doutras motivacións, políticas e económicas, menos confesábeis. Non vaia ser que, ao fin, os mesmos que secundaron que o naval marchase para Andalucía amparados nunha farisaica defensa do sector público, podan conseguir agora que a enerxía marche para Asturies sob a capa dunha falsa preocupación ambiental.

Agradecemento do B.N.G.

Os membros do Bloque Nacionalista Galego, no concello de Neda, queremos dar as grazas aos veciños e veciñas pola sua participación nas eleccións municipais celebradas este pasado domingo día 27, pola concordia e tranquilidade con que estes comicios se desenrolaron.
Tamén queremos agradecer a aqueles veciños e veciñas que puxeron a confianza na nosa candidatura, co compromiso de seguir traballando por Neda e por tódolos veciños e veciñas, tal e como estivemos a facer ao longo destas duas últimas lexislaturas, colaborando co goberno municipal naquelas iniciativas que sexan beneficiosas para o Concello de Neda e para o conxunto da cidadanía.

Noticia publicada no Diario de Ferrol o 21 de Maio

Propostas de Goberno do Bloque Nacionalista Galego

O Concello de Neda, un lugar privilexiado, no que tódolos veciños e veciñas deberiamos poñer o noso traballo e as nosas experiencias, co fin de ser ese referente real na Comarca de Ferrol.

Trateremos de que as infraestrucutras deportivas municipais deportivas e administrativas, formen un conxunto, coa creación dun Complexo Deportivo Municipal.

Promoveremos a execución do Proxecto Belelle, proxecto enfocado ao desenrolo do Concello.

O B.N.G. dende o Concello será garantía dunha política urbanística, concebida como instrumento ao servizo do Interés Xeral e Público.

O B.N.G. garantirá o trato igualitario para todas as persoas e creará os Consellos Parroquiais, co fin de articular a Participación veciñal.

Regularizaremos e optimizaremos os recursos humanos do Concello.

Tenteremos promover unha empresa de Transporte Local.

Promoveremos coa Vicepresidencia a creación dunha Escola Infantil.

Poñeremos en coñecemento dos veciños o Inventario Xeral do Patrimonio.

Co fin de que os maiores poidan ter voz no Concello, crearemos o Consello do Maior e a Aula do Maior.

Crearemos o Consello Local da Xuventude, co fin de que este colectivo sexa participe das políticas que lle afectan.

O B.N.G. cooperará coa Consellería de Vivenda na promoción de vivenda de tipoloxía acaída ás demandas e necesidades da mocidade.

Habilitaremos solo para Vivenda Protexida e para usos Industriais.

Tentaremos que as novas tecnoloxías sexan unha realidade en todas as parroquias do Concello.


PROGRAMA DE GOBERNO (pdf)

Presentación da campaña electoral do BLOQUE NACIONALISTA GALEGO ás Eleccions Municipais

Estrevista en Localia TV ós candidatos ás Eleccións Municipais do Concello de Neda

1. Balance do anterior mandato

2. Proxectos prioritarios para a próxima lexislatura

3. Plan Xeral de Ordenamento Municipal

4a. O Centro Cívico (1)

4b. O Centro Cívico (2)

5. Infraestructuras prioritarias

6. Proxectos que dependen doutras administracións

7. ¿Con que partido está disposto a gobernar?

Presentación da candidatura do BLOQUE NACIONALISTA GALEGO ás Eleccións Municipais do 27 de Maio

TeleBNG sae á rúa

Candidatura do BNG en Neda

Manuel Castro Alonso

Abel García López

Cristina Bouza Bellón

Helena Pardo Rodríguez

Jorge Vila López

Francisco Jesús Fernández Abraldes

Esther Mesías Rodríguez

Mª Desirée Romero Villares

Mª Rebeca Gorgullo Díaz

Fernando Sánchez Rodríguez

Gonzalo García García

Elena Díaz Pardo

Manuela Bellón Piñón

Mª Soidade García Pereira

Manuel Pajón Gómez

Ramón Fornos Fernández

Jesús Gabriel Pereira Torrado

Mª de los Ángeles Sánchez García

Severino López Cabanela

Beatriz Santiago Yáñez

Uxío Souto Castro

Xa esta na rúa un novo Bloque Neda

O Bloque Nacionalista Galego, ven de sacar á rúa, un novo Boletín de difusión no Concello de Neda, co ánimo de informar de cuestións, que poucas veces os medios de comunicación se fan eco delas.

Veciños, Xunta e Deputación restauran a Igrexa de Viladonelle

A igrexa de San André de Viladonelle (Neda) luce unha nova imaxe. Desde fai tempo, realizan-se no templo unhas obras de restauración que tiñan como obxectivo devolver o esplendor perdido a unha edificación na que algunhas das súas partes datan do século XVII. A delegada provincial da Consellería de Cultura, Milagres Lantes Seara, tivo onte a oportunidade de comprobar o grao de avance duns traballos aos que aínda lles fica en torno a un 30% para completar a rehabilitación.
Para iso serán necesarios novos esforzos económicos, destinados a mellorar a zona na que se atopan as imaxes dos santos venerados na igrexa parroquial. Ante esta situación, a delegada provincial recomendou á comisión que levou a cabo os trámites que iniciase o proceso para a solicitude de novas subvencións. A Diputación Provincial, a través da comisión de Promoción Económica, e a Xunta colaboraron nesta restauración con 6.000 e 30.000 euros respectivamente en axudas. Sen embargo, tamén o fixeron os habitantes deste pequeno núcleo de poboación, de magoas 40 vivendas habitadas, que reuniron en torno a 18.000 euros.
Lantes Seara se reuniu tras a visita con membros da Asociación de Veciños "O Castro de Viladonelle,” a quen informou do proceso para a obtención de axudas económicas para entidades que pen á súa disposición o Goberno autonómico.

A Fiscalía solicita informes pola situación do Verquedorio de Ancos

O Bloque Nacionalista Galego, quere dar a coñecer o que está a acontecer coa situación do Medio Ambiente en Neda e en concreto co Verquedoiro de Ancos, xa que a
Fiscalía solicitou informes dos técnicos municipais do concello de Neda pola situación na que se atopa este entorno, como consecuencia dunha denuncia cursada polo Servizo de Protección da Natureza (SEPRONA).
A consellería de Medio Ambiente, que no mes de setembro de 2.006, anunciou publicamente que no prazo de 6 meses clausuraría o verqudoiro, a estas alturas do 2.007 non deu ningún tipo de comunicación ao concello de Neda, para incluilo nos planos de selado iniciados no ano 2.005.
Temos que lembrar que o Conselleiro de Medio Ambiente e o Alcalde de Neda Sr. Pita prometeron publicamente e nos medios de comunicación a Clausura e rexeneración dese espazo, dende o B.N.G. Dicir que non só, non se tomaron as medidas para clausuralo, senón que ese verquedoiro foi aumentando os seus verquidos e creando outro verquedoiro incontrolado no espazo de Maciñeira.

nota envaida á prensa

O Consellerio de Industria seguirá pelexando polas gradas e os dique de ASTANO

O conselleiro insta ao Goberno a cuantificar as obrigas coa UE para recuperar Astano, "porque igual podemos asumir a parte que nos correspondeO conselleiro de Innovación e Industria, Fernando Blanco, dixo que "se existen obrigacións por axudas ou subvencións públicas" que condicionan o proxecto de recuperar Astano, "que as cuantifiquen, porque igual podemos asumir a parte que nos corresponde".Blanco indicou que "existe unha limitación etérea por unhas obrigacións que supostamente tivo Astano, pero das que nunca se beneficiou, porque non podería construír barcos desde o ano 1987".O responsábel de Industria do Goberno galego manifestou a Efe que "non entendía a posición do Goberno do Estado neste asunto" e preguntouse "como podemos distorsionar a competencia os que queremos poñer en marcha un proxecto privado, dunha iniciativa privada, que lidera un empresario moi competente, que non teñen axudas nin subvencións públicas e que conta co apoio financeiro das dúas caixas galegas, que ata están dispostas a entrar no accionariado".Fernando Blanco recordou, que aínda que o PSOE votou en contra deste proxecto no Congreso, o Parlamento de Galiza aprobouno co consenso de todos os deputados. "Nós imos seguir pelexando para conseguir os diques e as gradas da antiga Astano, porque son unha infraestrutura importante que non se pode perder", indicou o responsábel de Industria do Executivo galego.Blanco pediu que non nos impidan competir, porque é inxusto e un erro xa que nós imos seguir crecendo, aínda que somos conscientes das dificultades que presenta a globalización" e de forma especial neste sector.Dixo que "o outro día un importante navieiro galego garantíanos 4,5 anos de carga de traballo coa construción de tres metaneiros, o que nos situaría no horizonte do 2015 con traballo garantido, algo que non sucede en ningún outro sector".Os falsos argumentos da SEPIRecordou que a Sociedade Estatal de Participacións Industriais (SEPI), que é a propietaria do antigo Astano, para opoñerse á recuperación deste estaleiro para a construción naval civil, primeiro dicía que "non había empresario nin entidades financeiras interesadas en recuperar esta empresa e nós demostrámoslle que estaba equivocada, e presentamos un proxecto serio, liderado por un empresario importante e que conta co apoio das dúas caixas galegas".Blanco afirmou que "nós tiñamos interese en poñer de manifesto que o que dicía a SEPI, sobre a falta de proxecto empresarial para a antiga Astano, era mentira".O conselleiro de Industria tamén cualificou de "engano a versión da SEPI de que os terreos da antiga Astano estaban condicionados para a construción naval civil, porque na última reunión coa Autoridade Portuaria, organismo que depende do Goberno central, púxose de manifesto que non existía ningunha limitación sobre os terreos ociosos do estaleiro".Sobre o posible interese que poida haber para impedir que o estaleiro de Astano volva á construción naval civil, Blanco dixo que "non quería ser mal pensado nin entrar en guerra de comunidades nin doutro tipo de intereses, pero é obvio que ante os argumentos que estou expoñendo, non escoitei outros en contra".

Ferrolhoy, publica o Proxecto Belelle

O Proxecto Belelle, pensado para dar un pulo económico ao concello de Neda, foi presentado polo Bloque Nacionalista Galego, ao grupos políticos eá sociedade de Neda e Comarca.

O Estado négase a privatizar os activos ocioso de ASTANO

O senador nacionalista Francisco Jorquera denunciou ao Goberno central por non permitir a saída a concurso dos activos ociosos de Navantia-Fene, a pesar de recoñecer que as privatizacións do naval permitiron o mantemento da actividade civil neste sector.Así, en resposta a unha pregunta do BNG, o Goberno central sinalou que foi o recurso da súa venda ao sector privado o que permitiu que antigos estaleiros de Izar se mantivesen operativos no mercado civil. "Pero o que non explica é por que agora se lle nega esa mesma vía a Navantia-Fene cando a Consellaría de Innovación e Industria promovía un plano para poñer en valor, mediante concurso, os activos agora ociosos de Fene", apuntou Jorquera.Por iso, criticou que o que "valía antes, non vale agora" e denunciou que desde o Goberno central "non teñen ningún argumento racional" para opoñerse á utilización dos 600.000 metros cadrados de Navantia-Fene.Desta forma, denunciou que os sucesivos gobernos centrais "sacrificaron" á antiga Astano para salvar outros estaleiros e subliñou que os postos de traballo se reduciron "á mínima expresión" dende 1995, cando traballaban 1.620 persoas e, agora, só 360.Finalmente, criticou que o Goberno se negue a achegar máis carga de traballo a este estaleiro alegando a cuestións técnicas, "cando foi unha decisión política”.

Os intereses do conxunto dos veciños son o primeiro para o BNG

CASETA AUGAS

Na sesión extraordinaria do pleno do concello de Neda, celebrada o 2 de abril de 2.007, no seu punto 5, ía - ampliación da rede de abastecemento de auga no concello de Neda e consecuente modificación da ordenanza fiscal.
Neste punto o Bloque Nacionalista Galego, votou en contra, por ser perxudicial para os veciños de Neda, esta obra que é financiada por Augas de Gallica no 70% e polo concello no seu 30%, este 30% vai ser financiada con un contrato con Aquagest, e o seu financiamento vai ser coa suba do canón da auga o cal suporá que a obra costará ao concello 35.000 €, do que sería a sua financiación por un crédito bancario. tendo en conta ademáis que este canón repercutirá na suba da auga ao longo de 20 anos.

Non perdas o vídeo sobre o debate no Congreso da iniciativa do BNG para eliminar as acepcións pexorativas da palabra 'gallego'!

Ao voso dispor o vídeo da intervención parlamentar de Francisco Rodríguez na defensa da proposición non de lei para a eliminación das acepcións pexorativas da palabra 'gallego' no dicionario da Real Academia de la Lengua Española.

Xaime Bello visitou en Neda as obras financiadas pola Deputación da Coruña

O Vicepresidente da Deputación acompañado dos

responsabeis municipales e de Manolo Castro

Concelleiro do BNG en Neda

As obras en execución e comprometidas suman no concello 1.272.932,85 euros

O vicepresidente da Deputación da Coruña e presidente da área de Cooperación e Asistencia aos Concellos, Xaime Bello Costa, visitou esta mañá o Concello de Neda para comprobar in situ a marcha das obras que financia o goberno provincial.
Bello Costa, que foi recibido polos representantes dos grupos municipais, repasou os investimentos que a Deputación da Coruña está a realizar no municipio, e que supoñen case 1.300.000 euros, só nas actuacións que dependen directamente da área de Cooperación e Asistencia aos Concellos.
INVESTIMENTOS ACTUAIS
P.O.S. 2004, 2005, 2006
Saneamento Cotiño – Illo – Fábrica 139.828,39 €
Ramais rede de saneamento Illo e outros 30.631,23 €
Beirarrúas no contorno do río Belelle 89.908,55 €
Alumeado público AC 115 47.078,38 €
Beirarrúas Empedrón – Xardín do Coto 42.403,59 €
Pavimentación e urbanización tramo inferior r/Real 173.730,09 €
TOTAL OBRAS POS 523.580,23 €
PLAN DE INVESTIMENTOS LOCAIS (P.I.L.) 2005:
Reposición de beirarrúas na AC 115 tramo
rúa Basteiro – rúa Empedrón 208.532,37 € TOTAL OBRAS P.I.L. 208.532,37 €
PLAN DE TRAVESÍAS
Pavimentado da estrada e beirarrúas no cruce 302.772,10 €
Roxal – Pazo Isabel II
TOTAL OBRAS PLAN TRAVESÍAS 302.772,10 €
PLAN INCENDIOS FORESTAIS 2005
Reparación repetidor TV Morraxo 556,40 €
Actuacións ruta sendeirismo 2.974,76 €
Mellora camiño e reparación muro vertedoiro 20.306,57 €
TOTAL OBRAS PLAN INCENDIOS 23.837,57 €
PLAN ELIMINACIÓN BARREIRAS ARQUITECTÓNICAS
Ascensor edificio usos múltiples 73.309,22 €
TOTAL PLAN ELIM. BARREIRAS 73.309,22 €
P.O.S. 2007
Acondicionamento vía Mourela 84.848,81 €
Pavimentación travesías rúa Real 56.052,55 €
TOTAL P.O.S. 2007 140.901,36 €
TOTAL OBRAS EXECUCIÓN E PREVISTAS 2007 1.272.932,85 €
Ademais o municipio participa no proxecto “Instalacións solares fotovoltaicas con conexión á rede e instalacións solares térmicas en 11 concellos da provincia da Coruña”, incluído no “Programa de proxectos singulares de desenvolvemento local e urbano 2005”.
En concreto en Neda o proxecto supuxo a colocación de 4 colectores solares fotovoltaicos no polideportivo municipal e de 50 placas solares no edificio Toeleira.
Xaime Bello, acompañado polo alcalde e os representantes dos grupos municipais, visitou o lugar do Roxal onde practicamente xa están moi adiantadas as obras de pavimentado da estrada e beirarrúas no cruce Roxal – Pazo Isabel II, incluídas no Plan de travesías 2004 – 1ª fase, e as obras de reposición de beirarrúas na AC 115, tramo Rúa Basteiro – Rúa Empedrón, pertencentes ao Plan de Investimentos Locais (PIL).

O Bloque Nacionalista Galego apresenta o seu candidato á Alcaldía de Neda

Manolo Castro, acompañado da Conselleira de Cultura
e o Portavoz do BNG no Parlamento Galego

O pasado 15 de marzo o B.N.G. de Neda, apresentou o seu candidato á alcaldía de Neda, coa presenza da Conselleira de Cultura, Ánxela Bugallo e o Deputado e portavoz no Parlamento Galego, Carlos Aymerich.
Na súa intervención o alcaldable de Neda Manolo Castro Alonso, expuxo como criterios de actuación o: a Transparencia como Antibiótico a Honradez como Antídoto a Participación como Calmante a Optimización de Recursos como Analxésico.Dentro das suas propostas programáticas o candidato á Alcaldía de Neda, Manolo Castro, expuxo a Posta en Valor dos bens Naturais e dos Vestixios Históricos A creación da CONCELLALÍA DE DESENVOLVEMENTO MUNICIPAL co fin de dar respostas aos diversos sectores do concello de Neda A elaboración dun Regulamento de Participación Cidadá, onde os CONSELLOS PARROQUIAIS, sexan protagonistas da vida municipal